INṬANNA 19
19
Sodom le Gomorra Suksiet Thu
1 #
Gen 18.22; 13.10,12; 19.33; Dt 21.19,20 Vântirko pahni chu zântieng chun Sodom khuo an tlung a, Lota chu Sodom khaw kul kawtkhâra chun a lo ṭhung a: Lotain anni a lo hmu chun lâwm dingin a ngîr a, a hmaia hnuoi sikin chibai a bûk tah a;
2chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a tih a. Anni chun, “Ni lo e, khawlaiah riek lem kan tih,” an tih a.
3Nisienlakhawm, ama chun a thlêm a thlêm a; chuongchun, ama chu an zui a, a ina chun an lût a: chun, ama chun hme a siempêk a, chawl ṭhanglo bei a zeu a, an fâk tah a.
4Nisienlakhawm, an zâl hmain khuoa mi, Sodoma mi ngei, vêng tina mi po po, alien achînin in chu an inhuol khup el a;
5chun, Lota chu an ko a, a kuomah, “Vawizâna i kuoma mi hung lûthai kha khawlai am an um a? Anni kan pâwl theina dingin kan kuomah hung ṭhuoi suok rawh,” an tih a.
6Lota chu kawtkhâr bulah an kuoma chun a va suok a, kawt chu a khâr nâwk a.
7Chun, “Ka unauhai, lunginsiet- takin chuong ang êm êm chun suol da ta unla;
8ngai ta u, pasal la pâwl ngailo naunuhmei pahni ka nei a: mi lunginsiet unla, anni chu in kuomah hung ṭhuoi suok ka tih, ṭha in ti ang peiin an chungah thaw de ti niu: hihai chunga ruok hin chu iengkhawm thaw lul naw ro khai; achu lei taka chu ka in sûnga hin hung lût an ni sih a,” a tih a.
9Anni chun, “Inkieng el rawh ie,” an tih a. Anni bawk chun, “Hi mipa hrep hi hitaka um ding hin a hung inpêm lût a, rorêltua um a tum vei a! Tuhin chu anni chunga thaw nêk hmanin i chungah kan thaw ṭha naw nâwk zuol ding a nih,” an tih a. Chun, mi (Lota) chu an hung baw huk a, kawtkhâr chu sukse dingin an hung hnai a.
10Nisienlakhawm, mihai chun an kut an pur dawka Lota chu an kuomah in sûnga chun an kei lût a, kawt chu an khâr ta tlat a.
11Chun, kawtkhâr bula mihai chu alien achînin, an mit an sukdelpêk a; chuongchun, kawtkhâr chu an hmu zo ta nawh a.
12Chun, mihai chun Lota kuom- ah, “Hienghai naw hi hitaka hin sûnghai dang i nei am? I mâkpahai, i naupasalhai, i naunuhmeihai le khaw sûnga i nei taphawt chu hi hmuna inthawk ṭhuoi suok rawh.
13LALPA hmaa chun an khêkri chu a lo nasa ta hle leiin hi khuo hi kan sukbohmang ding a nih; sukbohmang dingin LALPA chun a mi tir bawk sih a,” an tih a.
14Chuongchun, Lota chu a fe suok a, a naunuhmeihai neitu a mâkpahai kuoma chun a va hril a, “Tho unla, hi hmuna inthawk hin suok ro; LALPAIN khuo hi a sukbohmang ding a nih,” a tih a. Nisienlakhawm, a mâkpahai ngaia chun fiemthu hril ang chau a nih.
15Vârṭien a hung ni chun vântirkohai chun, “Tho la, i nuhmei le i naunuhmei pahni umhai hi ṭhuoi rawh, chuong naw chun, hi khaw hremnaa hin bohmang ve rawi in tih,” tiin Lota chu an tur tah a.
16Ama hlak chu a la muong hle sih a; chuongchun, LALPAIN ama chu a lunginsiet leiin mihai chun a kuta le a nuhmei kuta le, a naunuhmeihai pahni kuta chun an chel a, chuong- chun, an ṭhuoi suok a, khawhnâwma chun an sie tah a.
17Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,”#“Thatin um rawi i tih,” or “Sukhlum ni rawi i tih,” a tih a.
18Nisienlakhawm, Lota chun a kuomah, “Chuongchu ni lo e, Pu,
19ngai ta, i siehlaw hin i lungin- sietna a hmuh a, ka hringna hi humhimin i zângaina chu nasatakin i suklang a; nisienlakhawm, tlânga sawn chu tlân thei naw ningah: thil ṭha nawtak hin mi hung nangin thi hlau rawi ka tih.
20En ta, saw khuo saw tlânna dingin a hnai tak a, khaw chite a ni bawk siha, chutaka chun (khaw chite ni lo am a nih?) mîn tlântir lem rawh, chuongchun, dam ka tih,” a tih a.
21Ama chun a kuomah, “Ngai ta, chu thil kawnga khawm chun ka zâwm che a nih, khuo i hril chu sukbohmang naw el ka tih.
22Inhmaw la, chutaka chun tlân rawh, chu chu i tlung hmakhat chu iengkhawm ka thaw thei âwm si nawh a,” a tih a. Chuleiin, chu khaw hminga chun Zoar#Zoar chu “chin” tina a nih an inbûk tah a.
23Lotain Zoar a tlung chun hnuoi chunga chun nisa a hung suok tah a.
24Chun, LALPA chun Sodom le Gomorra chunga chun vâna LALPA kuoma inthawk kât le mei ân sûrtir a;
25chuongchun, chuong khuohai chu, phaizâwl po po, khuoa mi po pohai le, hnuoia thil mâwnghai le chun a sukbohmang ta vawng a.
26 #
Lk 17.32 A nuhmei ruok chu Lota hnunga inthawk chun a ngha kîr a, chikhâwn banah a lo inchang tah a.
27Chun, Abraham chu zîngkâr inhmatakin LALPA hmaa a ngirna hmuna khan a hang feh a;
28 #
Tp 9.2 Sodom le Gomorra khaw tieng le, phaizâwl po po tieng chu a thlîr a, a en zing a: chun, ngai ta, chu rama meikhu chu rawtuina meikhu ang elin a khu tung lui lui el a.
29Chun, Pathienin phaizâwl khuohai chu a sukbohmang lai chun, Pathienin Abraham chu a hriet zing a, Lota umna khuohai a sukbohmang laiin Lota chu bohmangnaa inthawk a tir suok a.
Moab mihai le Ammon mihai ṭobul
30Chun, Lota chu Zoara inthawk chun a hang feh a, tlânga chun a um a, a naunuhmeihai pahni chu a kuomah an um veh a; Zoarah a um ngam si nawh a: chun, ama le a naunuhmeihai pahni chu pûkah an um tah a.
31Chun, a upa lem chun a naupang lem kuoma chun, “Ei pa hi a upa tah a, khawvêl po po dân anga eini mi pâwl dingin hnuoi chunga hin pasal pakhat khawm an um ta si nawh a:
32thaw rawh, ei pa hi uoin indâwntir ei ti khai, chuongchun, ei pa suonmawng loa ei siem theina dingin a kuomah zâl ei tih,” a tih a.
33Chuongchun, chu zân chun an pa chu uoin an indâwntir tah a; chun, a upa lem chu a lût a, a pa kâwla chun a va zâl a; ama chun amanu hung zâl lai chu a hriet nawh a, a tho nâwk lai khawm chu a hriet bawk nawh a.
34Chun, a zînga chun a upa lem chun a naupang lem kuoma chun, “Ngai ta, zâni zân khan ka pa kâwlah ka zâl a; vawizân khawm hin uoin indâwntir nâwk ei ti khai; chun, nang lût la, ei pa suonmawng loa ei siem theina dingin a kâwlah va zâl ve rawh,” a ta.
35Chuongchun, chu zân khawm chun an pa chu uoin an indâwntir nâwk a: chun, a naupang lem chu a tho a, a kuomah a va zâl tah a; ama chun amanu hung zâl lai chu a hriet nawh a, a tho nâwk lai khawm chu a hriet bawk nawh.
36Chuong ang chun Lota naunuhmeihai pahni chun an paa inthawk chun nau an lo vawn tah a.
37A upa lem chun naupasal a nei a, a hmingah Moab#“Ka paa inthawk” a sak a: ama chu tulaia Moab mihai thlatu a nih.
38A naupang lem khawm chun naupasal a nei veh a, a hmingah Ben-ammi#“Ka mihai naupa,” TEV “Ka chipuihai naupa” a sak a; ama chu tulaia Ammon thlahai thlatu a nih.
ที่ได้เลือกล่าสุด:
INṬANNA 19: HMARCLBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
