Lukéstar 4
4
1O Ísus pherdó sas, Sfjáti Dúxos, irisájlo katár o Jórdan, katár i len, thai igaldjás les o Dúxos jekhé pustoné thanéste.
2Saránda diés, saránda ratjá ašló othé, thai mangélas o bengk t’igálel les ándo bezexá. Odolké diesénde nána xálas, thai napalál bokhálilotar.
3Phendjás léske o bengk: Te sinján tu o čhavó e Devléskoro, te phenés odolké baŗéske ta t’ovél maŗó.
4Vakerdjás léske o Ísus: Pišimé isí: Nanái sámo maŗésa o manúš te parvarél pes, amí e Devléskere alavéntsa‐da.
5Igaldjás les o bengk andé jekhé učé vešéste, andé dünjás so si so nanái, them, thagaripé, sa jekhé dakikáte sikavdjás les.
6Thai phendjás léske: Túke, phenél o bengk, adiká vlástji kadáv, thai i sláva‐da, sóske ói miŗí isí, thai káske mangáva, léske aští dáva la.
7Áke te poklonínes tut mamúi mánde, so si so nanái, sa t’ovél toŗó.
8Vakerdjás léske o Ísus, thai phendjás: Pišimé isí: Ko Rai (Góspod) ko Del te poklonínes tut, les sámo te služínes.
9Igaldjás les o bengk ándo Jerusalím, bešavdjás les uprál e kangerjáte, thai phendjás léske: Te sinján o čhavó e Devléskoro, te čhivés tut atár katár uprál,
10Sóske isí pišimé: Thodjás pe rasilnikén ta t’arakhavén tut, ta te dikhén tut,
11Ta te uxtjavén tut pe vasténtsa, te na čalavés te piŗé jekhé baŗéste.
12Vakerdjás léske o Ísus: Pišimé‐da isí: Te na igalés e Devlés, te Gospodés, ándo bezexá.
13Kána kerdó sas o iskušénje, garávdjilo o bengk.
14Irisájlo o Ísus ándi zor e Duxóskeri, aló ándi Galiléa, thai ándo them sa šundjás‐pes o vakeribé uprál les.
15E kangerjénde sikljardjás, thai sáŗoŗe ašardé les.
16Aló ándi Nazareth, okotká kai bárilo sas, geló e kangerjáte, po ádeti, sabatoné, thai uxtjél ta te četínel, thai te dikhél ándo lil.
17Diné les o ketápi Isaiáskoro, e rasilnikóskoro, ov‐da pinravdjás (phuterdjás) o ketápi, arakhljás o than káte pišimé isí:
18O Dúxos e Gospodéskoro uprál mánde si. Bičhaldjás man o Del, ta te vakeráv e čoŗénge e Devléskoro aláv, makljás man‐dani, ta te makaváv o vogí okolkéngoro, kai siné pišmáni pe bezexéndar.
19Ta te xaberladínav phuteripé e jesirjénge, ta te phenáv e koŗénge: Kadikhén, te phenáv‐da e zawaljénge: K’oovén phuterdé, sóske kaavél o diés e Devléskoro.
20Četinjás, phandljás o ketápi, dinjás les e slugáske, beštó si, sáoŗe‐da, so si so nanái manúš ándi kangerí, dikhén les ándo jakhá.
21Liljás te vakerél lénge: Avdiés uló tuménge so pišimé si.
22Sáoŗe kerdé šahidléki asál léske thai čudínen‐pes, o alavá léskere kai šunén, thai phendé: Nanái‐li adavká e Yusuféskoro čhavó?
23Ov‐da phendjás lénge: Hič te n’ovél, tumé mánge kaphenén: Ábe drabengeréja, sastjár tut sámo! Barí čípota kai kerdján Kapernaumóste, edekí baró váreso ker‐ta athé, te Dizjáte.
24Phendjás lénge: Čačés phenáv tuménge: Nanái Devléskoro rasílnikos t’ovél kabúli pe Dizjáte.
25Amí čačipnása phenáv tuménge: Eliáskere zamanjénde, kána phangló sas o nébos trin berš t’epkáš, t’ándo them so si manúš bokhálile, odolké zamanjéste but phivljá bešté ándi Ísrael:
26Amá katár lénde níkaske aló o Eliás, sámo e Sareptáke ándi Dis Sáida.
27T’ ándo them but džené geralé sas, e Eliseóskere zamanjéste, amí o Naaman kórkoŗo šužó uló, ov‐da katár i Súria.
28Sáoŗe‐da ándi kangerí kána šundé, rušlé ulé thai uprál léste xoljasájle.
29Uxtiné, tradiné les ándo agór, thai andé les uprál jekhé vučé thanéste, e Dizjáke ko agór, ta te peravén les athár.
30Ov‐dani nakló maškár lénde, garávdilo‐tar.
31Geló na‐telé ándi Galileákeri Dis Kapernaum, kurké sikljarélas len.
32Ol‐da čudínenas‐pes léskere sikljaribnáske, sóske o vakeripé léskoro zoraló sas.
33Ándi kangerí jek manúš sas, thai andré léste bišužó bengk bešélas, thai vikínelas:
34Te mukés man; so si mánge butí túsa? Ábe Ísus, Nazarenéja, ne‐li alján, ziáni te kerés man? Džanáv ková tu sinján, tu sinján e Devléskoro Sfjáto.
35Azarladínel les o Ísus, phenél: Ma váker, dža‐ta léstar. O Bengk‐da čhitjás les maškerál, geló léstar, na kerdjás les čípota.
36Sáoŗe‐da daránile, thai xoratínen‐peske: So si adavká, kai zor‐ilé, thai kudréti‐ilé, vakerél e bišužé duxénge, ta džan‐peske?
37Džal i xórata, than thanéste sáoŗe šundé ándo them.
38Uxtinó o Ísus andár i kangerí, geló Simonéskere kheréste. Thai i sasúj léskeri, e Simonéskeri, ulí láte barí tréska; molínen‐pes léske o džené, asál láke.
39Ov‐da térdilo uprál láte, phendjás e treskáke te mukél la. Mukljás! Uxtiní adiká andékhora, služínel lénge.
40O kham kána batindjás, káske isí amalá nasfalé, ráznja naborjámata, saŗoŗén‐da igaldé léske. Thovél adavká vastá lénge ko šeró, sastjarél len.
41But dženéndar‐da ikístile avrí o bengá, vakerén: Tu sinján o čhavó e Devléskoro. Ov‐da azarladínel len, te na vakerén. Zerré džanén kai ov Xrístos isí.
42Dísilo. Ikístilo, aló jekhé pustoné thanéste; amí o naródos ródel les, avén paš léste, na mukén les, na mangén te džal‐peske léndar dur.
43Vakerél lénge: Ta te džav, te vakeráv avré theménge uprál o thagaribé e Devléskoro. Áke o sebébi sostár bičhaldjás man o Del andé dünjás.
44Vakerélas‐da e kangerjénde ándi Galiléa.
ที่ได้เลือกล่าสุด:
Lukéstar 4: ARL1912
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
