Sailm 3

1Nach lìonmhor iad mo naimhdean, Dhia,

sìor dhol am meud gach là?

Is luchd mo thrioblaid iomadh iad,

ag èirigh rium a-ghnàth.

2Rim anam iomadh their nach eil

aon fhurtachd aig’ an Dia:

3Ach ’s tu fear-togalach mo chinn,

mo ghlòir, is tu mo sgiath.

4Air Dia do ghairm mi fhèin lem ghuth,

dh’èisd as a thulaich naoimh:

5Laigh, chaidil, agus mhosgail mi,

chùm Dia mi suas gu caomh.

6Chan eagal leam deich mìle sluagh,

ged chuartaicheadh iad mi.

7Mo Thighearn, èirich suas gu luath,

is cuidich leam, a Dhè:

Mo naimhdean bhuail thu air an giall;

bhris fiaclan fòs nan daoi.

8’S le Dia an fhurtachd: air do shluagh

do bheannachd tha gun dìth.

ที่ได้เลือกล่าสุด:

Sailm 3: SD1826

เน้นข้อความ

แบ่งปัน

คัดลอก

ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้

Sailm Dhaibhidh 1826 (le litreachadh ùr 2000)

ข้อพระคัมภีร์ยอดนิยมจาก
Sailm 3