SOERA MOZE I. FAZA 5.
FAZA 5.
I. Bõrõta niha. II. Ngaʼõtõ ndra toea, iʼotarai doeada Adamo noemalõ mitooe chõ doeada Noachi. Faʼatoelõ dõdõ Chenoki andrõ. (F. 1, 26; 9, 6).
1I. Soera ngaʼõtõ doeada Adamo daʼe. Me ifazõchi Gadamo andrõ Lowalangi, ba famaedo Lowalangi wombõinia jaʼia; 2ira matoea ba ira alawe wamazõchinia jaʼira, ba ifahowoeʼõ ira ba ibeʼe tõira niha, me loeo tefazõchi ira.
3II. Ba me no 130 fache Gadamo, ba toemboe chõnia nono, si fachilichili chõnia, famaedonia, ba ibeʼe tõinia Zeti. 4Ba me no toemboe chõnia Zeti andrõ, ba 800 fache tõ waʼanaoe noso Gadamo, ba toemboetoemboe chõnia ndraono, ono matoea ba ono alawe. 5Ba faʼanaoe noso Gadamo fefoe, faʼarania ba goeli danõ, ba 930 fache; ba mate ia. 6Ba no 105 fache Zeti, ba toemboe chõnia Genosi andrõ. 7Ba me no toemboe chõnia Genosi, ba 807 fache tõ Zeti, ba toemboetoemboe chõnia ndraono, ono matoea ba ono alawe. 8Ba faʼanaoe noso Zeti fefoe, ba 912 fache, ba mate ia. 9Ba 90 fache Genosi, ba toemboe chõnia Genana andrõ. 10Ba me no toemboe chõnia Genana andrõ, ba 815 fache tõ Genosi andrõ, ba toemboetoemboe chõnia ndraono, ono matoea ba ono alawe. 11Ba faʼanaoe noso Genosi fefoe, ba 905 fache, ba mate ia. 12Ba me no 70 fache Genana andrõ, ba toemboe chõnia Mahalaleli. 13Ba me no toemboe chõnia Mahalaleli, ba 840 fache tõ Genana ba toemboetoemboe chõnia ndraono, ono matoea ba ono alawe. 14Ba faʼanaoe noso Genana fefoe, ba 910 fache, ba mate ia. 15Ba me no 65 fache Mahalaleli andrõ, ba toemboe chõnia Jaredi. 16Ba me no toemboe chõnia Jaredi andrõ, ba 830 fache tõ Mahalaleli, ba toemboetoemboe chõnia ndraono, ono matoea ba ono alawe. 17Ba faʼanaoe noso Mahalaleli fefoe, ba 895 fache, ba mate ia. 18Ba me no 162 fache Jaredi, ba toemboe chõnia Chenoki. (Joed. a. 14). 19Ba me no toemboe chõnia Chenoki andrõ, ba 800 fache tõ Jaredi, ba toemboetoemboe chõnia ndraono, ono matoea ba ono alawe. 20Ba faʼanaoe noso Jaredi fefoe, ba 962 fache, ba mate ia. 21Ba me no 65 fache Chenoki, ba toemboe chõnia Metoesala. 22Ba me no toemboe chõnia Metoesala andrõ, ba 300 fache tõ Chenoki, lõ aefaʼaefa chõnia Lowalangi ba dõrõw̃ania ba goeli danõ, ba toemboetoemboe chõnia ndraono, ono matoea ba ono alawe. (Heb. 11, 5). 23Ba faʼanaoe noso Chenoki fefoe, ba 365 fache. 24Ba me no lõ saefaʼaefa chõnia Lowalangi ba lalania, ba samoeza maʼṍchõ, ba taja manõ ia, noa sa iheta Lowalangi. 25Ba me no 187 fache Metoesala, ba toemboe chõnia Lameki. 26Ba me no toemboe chõnia Lameki andrõ, ba 782 fache tõ Metoesala, ba toemboetoemboe chõnia ndraono, ono matoea ba ono alawe. 27Ba faʼanaoe noso Metoesala fefoe, ba 969 fache, ba mate ia. 28Ba me no 182 fache Lameki andrõ, ba toemboe chõnia nono matoea. 29Ba ibeʼe tõinia Noachi imane: Daʼe dania zondrara tõdõda ba waʼerege dõdõda ba ba waʼakao dangada andre, ba danõ, niʼelifi Jehowa. 30Ba me no aefa toemboe chõnia Noachi andrõ, ba 595 fache tõ Lameki, ba toemboetoemboe chõnia ndraono, ono matoea ba ono alawe. 31Ba faʼanaoe noso Lameki fefoe, ba 777 fache, ba mate ia. 32Ba me no 500 fache Noachi, ba toemboe chõnia Zemi ba Chamo ba Jafeti.
ที่ได้เลือกล่าสุด:
SOERA MOZE I. FAZA 5.: NIA
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.