ข้อพระคัมภีร์ยอดนิยมจาก San Mateo 8

แบ่งปัน

Saa ndi̱kuiin Jesús káchi ra saa: ―¿Ndachu íꞌvi ni ndo? ¿Án köo kándixa ndo yeꞌe ya sikaku i ndóꞌo̱? ―káchi ra xiꞌin nda. Saa ndi̱koo ra ndi̱kaꞌan ra xiꞌin tachi tin tikuii. Ñaa si̱yaa tachi tin tikuiin, iin taxiin ku̱u.

Saa ndi̱kuiin ra ndíso chiñu nuu nda lapa, káchi ra saa: ―Tata, ra ndee ni nuu i kúu un, yakan ni köo kúu mií i ichí kiꞌvi un veꞌe i. Takua iin tuꞌun loꞌo kaꞌan un ta nduvaꞌa va moso i.

Saa tá xi̱ni soꞌo Jesús ya ndi̱kaꞌan ra ikán ta ndi̱kanda ni ini ra. Saa ndi̱kaꞌan ra xiꞌin na ndíkun sata ra, káchi ra saa: ―Ya ndaa káꞌan i xiꞌin ndo, ndiꞌi saa ñuu Jerusalén, ta täꞌan nditaꞌan i iin taa ra kándixa ni Ndioxi tá kuꞌva kándixa ra yóꞌó, ta ni süvi ra Israel ku ra.

Saa ndi̱kaꞌan ka Jesús xiꞌin ra ndíso chiñu xiꞌin nda lapa ikán, káchi ra saa: ―Vaꞌa ndiko koo un nuꞌu un veꞌe un. Xa ndu̱vaꞌa ra xáa chiñu nuu un xaꞌa ya kándixa un yeꞌe ―káchi Jesús xiꞌin ra. Ta mi hora ikán ndu̱vaꞌa ra xáa chiñu nuu ra.

Saa iin ndi̱kanda ini nda, káchi nda saa: ―¿Ndá taa ku ra yóꞌó, yakan vaꞌa xíni soꞌo tachi tin tikuii tuꞌun káꞌan ra? ―káchi nda.