ข้อพระคัมภีร์ยอดนิยมจาก San Mateo 7

แบ่งปัน

Saa ndi̱kaꞌan Jesús, káchi ra saa: ―Ndúku ndo ñaꞌa ya xíniñuꞌu ndo nuu Ndioxi, ta taxi ra ya ndaꞌa ndo. Saa ndinduku ndo ñaꞌa nuu ra ta niꞌi ndo ya. Kani ndaꞌa ndo yeꞌe, ta kuna ra ya nuu ndo, kiꞌvi ndo.

Saa chi ndiꞌi naꞌa ndúku ñaꞌa kúmani nuu na, nuu Ndioxi ta níꞌi na ya ndúku na nuu ra, ta ndiꞌi na ndúku ñaꞌa nuu ra ta níꞌi na ya ndúku na, saa ndiꞌi na káni ndaꞌa yeꞌe, ta xúna ra yeꞌe nuu na.

Saa ndi̱kaꞌan tuku Jesús xiꞌin na, káchi ra saa: ―Ná ndituꞌun i xiꞌin ndo ndá kuꞌva íin na xíni soꞌo tuꞌun káꞌan i, nda tá káa iin taa ra ndíchi xiní, ra si̱kuaꞌa veꞌe sata kava yu̱ú teꞌe ni, saa íin na.

’Yakan tá kuꞌva kúni ndo ikan naꞌa ya vaꞌa xiꞌin ndo, saa xíniñuꞌu ndo ikan ndo ya vaꞌa xiꞌin na. Saa kua xáa súvi ndo ley ya ta̱a ra Moisés xiꞌin nda profeta xinaꞌa ―káchi Jesús xiꞌin na.

Ta táñu ni yeꞌe xiꞌin ichí kuiín ya kuaꞌan nuu kuchiñu koo naꞌa kutaku na xiꞌin Ndioxi, ta loꞌo ni naꞌa níꞌi ichí táñu yóꞌó, ta ndíkun na ya ―káchi Jesús.

Saa ndi̱kaꞌan ka Jesús xiꞌin na, káchi ra saa: ―Xaꞌa ndo ndee ya kiꞌvi ndo yeꞌe ya táñu ni. Saa chi íyo inka ichí ya ndíka ni, ta ndíka ni yeꞌe ya, ta ichí yóꞌó kuaꞌan ya nuu ndiꞌi xaꞌa naꞌa, ta kuaꞌa ni naꞌa kuaꞌan ichí yóꞌó.

Va ni ndóꞌo̱ ivi kuachi ku ndo, ta xíni ndo taxi ndo ñaꞌa vaꞌa ndaꞌa seꞌe ndo. Ta ndisaa ka vi Iva yo Ndioxi ra íyo nuu ndivi, taxi ra ya vaꞌa ndaꞌa na ndúku ñaꞌa nuu ra.

Saa ndi̱kaꞌan Jesús káchi ra saa: ―Känaꞌa un xaꞌa inka naꞌa, ta ni Ndioxi ta ïkan ra saa xiꞌin un. Tá kuꞌva káꞌan un xaꞌa inka naꞌa, saa ikan Ndioxi xiꞌin un. Mií kuꞌva xíniñuꞌu un xiꞌin na, kuniñuꞌu ra xiꞌin un.

Tá íyo iin taa ra köo ndíchi xiní, ra si̱kuaꞌa veꞌe nuu yoti, saa íin na xíni soꞌo tuꞌun káꞌan i, tá köo xáa súvi na ya káꞌan i xiꞌin na.

¿Ndachu ndíꞌi ni ini un xaꞌa miꞌí loꞌo ndíkaa nuu na taꞌan un? ¿Ta köo kíꞌin un kuenta xaꞌa nduku chee ndíkaa nuu mií un? Tá tu ndíkaa iin nduku chee ni nduchi nuu mií un, ta ¿unkua ikan un kaꞌan un xiꞌin ñani un: “Ñani, taxi loꞌo ná tava i mií loꞌo ndíkaa nuu un”, kachi un xiꞌin ra?

Saa káꞌan tuku Jesús xiꞌin na, káchi ra saa: ―Kuenta ni koo ndo chi íyo nda profeta nda vata, nda káꞌan síkaꞌán Ndioxi ini nda kaꞌan nda tuꞌun yuꞌu ra. Ndíkani ini ndo xaꞌa ya luvi ni sínaꞌa nda ta vaꞌa ni nda káꞌán ndo, chi íin nda tá kuꞌva íyo kiti levo vita ni ini. Sundi kuenta ni koo ndo chi süvi ya ndaa kua íin nda saa, nda tá íyo iin kiti ndivaꞌi kueꞌe ni va saa íyo ini nda. ’Ta vaꞌa ndikuni ndo nda xaꞌa ya íkan nda. Tá íkan nda ya väꞌa ta saa kundaa ini ndo xiꞌin nda, süvi nda sínaꞌa tuꞌun Ndioxi ku nda. Chi tá kúu itun iñu ta küvi kana kiti uva ndaꞌa nu, án kiti higo, ta küvi kana ri ndaꞌa itun viꞌnda.

Saa tu itun vaꞌa, ta kuiꞌi vaꞌa kúun ndaꞌa nu, ta ítun väꞌa ta kúun kuiꞌi väꞌa ndaꞌa nu.

Ndiꞌi itun vaꞌa ta küvi kuun kuiꞌi väꞌa ndaꞌa nu, ni itun väꞌa ta küvi kuun kuiꞌi vaꞌa ndaꞌa nu.

Tá kúu ndiꞌi itun köo kúun kuiꞌi vaꞌa ndaꞌa, ta taꞌnda nu. Ta saa kuꞌun nu kee nu nuu ñu̱ꞌu̱ koko nu.