ข้อพระคัมภีร์ยอดนิยมจาก Matie 7

แบ่งปัน

A zlaa ‑mä wa yi'anyɩ 'nyɛ. A tään ‑mä a yi 'ni. A bhütë ‑mä wa yi'anyɩ 'gbë kään.

‑Ɔ zlaa lä nä kwa nyɩɔ. ‑Ɔ tään nä, kɔ ni. 'Nɩ ‑ɔ bhütë nä, kwa känöɔ 'gbë.

Nä, nyɩkpɔɔ' lɔɔ ‑ɔ gä 'naa ciciwälɩɩ 'nyukwli poo 'nɩ ‑ɔ gä ɩɩ' saa nää nä, ‑lɔɔ' nyɩkpɔɔ, kɔ ‑kʋ lä nynä 'fike 'fikenyɔɔ' lɔɔ ‑ɔ 'slää‑ ɔɔ' ‑bhutu cɛkʋ ‑kpʋkplä 'kʋ nä.

Sä a ‑waa lä nynä ‑mä nyɩkpa nʋ anyɩa' ‑za nä, anyɩ ‑mä 'sɩɩ a nʋ 'sɔɔ waa' ‑za! Moyizöö' ‑Jlämaa' 'bɔɔgʋʋ ‑yä 'plɔfɛtɩnyʋa' 'bɔɔgwɩɩ nä, 'klünö 'mɩ ɩ cɩa lä.

‑Mä ‑glënëa ‑a ‑känöɔ lä 'pʋpʋɛɛ' ‑gbäsɩɩ 'klʋ nä, aa' ‑lɛ 'tɩkɩɩlɛɛ. 'Nɩ ‑blɔɔ ‑ʋ mʋ lä ‑mɔɔ nä, kʋ kään bhlü‑yëku. 'Nɩ nyɩkpaa' ‑lʋa ‑wa ni lä 'pʋpʋɛɛ' ‑gbäsɩɩ' ‑glënëa ‑yä ‑blɔɔ nä, waa' ‑wʋ ‑zu.

A ghlää ‑glënü 'tɩkɩɩlɩɔ nëë' ‑yä a 'kä plä ‑mä, ‑glënü 'käda nä, 'kwiee ‑gbäsɩɩ ‑blɔɔ 'mö a ‑känöɔ lä 'klʋ. 'Nɩ ‑lɔɔ' ‑blɔɔ nä, ʋ ‑woo lä kpänyɩ 'klʋ nä, ʋmʋ nyɩkpa ‑bhutukpä bhlü 'nɩ wa too lä.

‑Mänɩ anyɩmɔɔ‑ ‑nyuu lä 'mnö ‑käkäkä nä, a yi anyɩa' 'yua 'nägälɩɩ 'nyɛsä. Nä nyɩkpaa‑ zla lä 'Bäɔ ‑ɔ ‑kʋ lä ‑mɔɔ ‑Laagɔɔ' nä, sɩ yi bhä kʋ 'nɩ ɔ 'nʋwa ‑lä bhä ‑lɛɛ 'nänɩ 'nyɛɛ?

Aa 'nä 'ŋʋ ‑lä a ‑liesɩ 'tite ‑mä ‑lɔɔ Laagɔ nö'anyɩ ‑lä ‑kä 'tite 'ŋʋ! Sa klä lä a ‑liesɩɩ' wälɩ nä, sɔɔ Laagɔ 'kä lä 'sɩɩ anyɩa' wälɩɩ klä. ‑Lʋʋ a ‑kä 'nɩ a nyäka lä 'mʋ nä, ʋmʋ Laagɔ 'kä lä 'kʋ 'bhlü ‑yä ʋ ka'anyɩ nyäka.

'Ɩzä nyɩkpɔ kä 'naa ciciwälɩɩ 'nu 'nɩ ɔ 'nö ɩɩ' saa nää nä, ‑lɔɔ' nyɩkpɔɔ kɔ ‑kʋ lä nynä dëbënyɔɔ' lɔɔ ‑ɔ 'slää‑ ɔɔ' ‑bhutu ‑gɔgä 'mnö nä.

'Nɩ sɩ ‑kʋ bhä 'nɩ ‑n ‑liee' 'yii ŋazʋpɩɔ 'mɔ ‑n ni bhä 'yi 'nɩ ‑mɔɔ, ‑naa 'yii suklëa‑ ‑kʋ lä ‑mɔɔ nä ‑nn 'nia bhä 'yii? ‑Naa 'yii suklë ‑kʋ ylä ‑mɔɔ nä, säsä ‑n yi bhä mii 'nɩ ‑n yi bhä ‑n ‑lie soo nynä ‑mä bheli‑, ‑n luë ‑mä ‑naa 'yii ŋazʋ ‑kʋ ‑mɔɔ nä n 'kʋʋ ‑mɔɔ ‑sää?

A ‑kä ‑nʋ nä, a gblɩmä ‑kpläkplö 'plɔfɛtɩnyʋaa' ‑za! Wa yi'anyɩ yii 'kʋ wɔtɔlɩɩ' nynä 'bhabhlö. ‑Mä ‑mɔɔ waa' pɔlöö 'yii nä, wa ‑glö ‑kä vëvëmna. Waa' nʋnʋgbɩɩ 'mɩ a 'kä lä wloo ‑yä a 'kwa yibhë. A ni 'yi ‑a! ‑Gälö nä, wa 'nɩɩ ‑läzä ‑gbukluye 'yii ‑sä. 'Nɩ ‑tɩtɩɔ, wa 'nʋʋ ‑läzä sɛmɛ‑bhliye 'yii ‑sää.

Su kä nää‑ nä, 'nägäbhü‑ ʋ tlʋ. 'Nɩ su kä ‑nyuu nä, ʋ tlʋ 'bhü nyënyü.

Suu' lʋʋ‑ nää‑ nä, ʋʋ' ‑lä 'bhü nyënyü tlʋ. 'Nɩ suu' lʋʋ‑ ‑nyuu lä nä, ʋʋ' ‑lä 'bhü 'nänö tlʋ.

'Nɩ su 'nö 'bhü 'nänö tlʋ nä, kä wa dʋʋ gwë 'nɩ wa pʋʋ ‑kosuu'.