ข้อพระคัมภีร์ยอดนิยมจาก Lucas 23

แบ่งปัน

Are uri i Jesús xub'ij: “¡Ta, chakuyu kimak; man keta'am taj wach ketijin chu'ankil!” I achiyab' chi je yij che i ch'oj xki'an sakinik chrij u'u' i Jesús ilb'al re pachin kch'akaw b'i chke.

I Jesús xula' uwach che: —Saq laj tzij kinb'ij chawe: Lik su' wo'or katok ni wu' pa chom laj k'ijib'al —xub'ij che.

Te'uri xub'ij che i Jesús: —Jesús, minsach chak'ux are kajeq i awajawinik —xub'ij.

Te'uri, i Jesús ko xch'awik: —Ta, ¡Pa'ab' yet, kinjach wi i wanima! Are xub'ij ile, xel uk'ux.

Are xeupon che jun ral jyub' chi “K'ijib'al re ub'aqil ujolom kamnaq” ub'i, i achiyab' chi je yij che i ch'oj xkirip i Jesús xaq xkitz'aw chwach i krus. Xekiripo xaq xekitz'aw i keb' chi o kimak, jun puwiqab'im i Jesús, i jun chik pumoxim.

Are tik'il ij xpe jun nim laj equm chwach ronojel uwach i jyub' ta'aj, i equm le xk'is k'a che oxib' or re uqajb'al ij. Lik xtz'aptaj uwach i ij. Xaq i kortin chi o prachoch i Dios xraqch'ij pa nik'aj.

I kaj-atzil i achiyab' chi je yij che i ch'oj aj Roma, are xrilo wach i x-anik, lik xukoj u'ij i Dios. Xaq xub'ij: —Lik qatzij i achi le nti umak u'anom —xub'ij.