ข้อพระคัมภีร์ยอดนิยมจาก NAANAA 28

แบ่งปัน

Manigɔ̃ kú kũnwo, manigɔ̃ n dãkpã gu kũ ntɛn gɛ́n pínki, mani ɛra mà su kũnwo bùsu díkĩnan, zaakũ mani n tónlo mani yã kũ ma ònnɛ kɛ.

À Dikiri è zɛnaala à pì: Makũmɛ Dikiri n dizi Ibrahĩ kũ n de Isaakuoo Luda ũ. Mani bùsu kũ ń wútɛa díkĩna kpámma, mɔkɔ̃n kũ n burinɔ.

Kũ Yakubu vù kũ io à pì: Dikiri kú gu dí, akũ mádi dɔ̃ro!

Yakubu lɛ́ kɛ̀ Dikiria à pì: Tó ń kú kũmao, tó ĩni ma dãkpã ma wɛ̃tɛ díkĩna gɛnaa gũn, tó ĩni ma gba pɔ́ble kũ pɔ́kasanɔ ari ma gɛ ma su ma de bɛa aafia, ĩnigɔ̃ de ma Luda ũ, gbɛ̀ kũ ma pɛ̀tɛ dɔngupɔ ũ pì ni gɔ̃ n gbagbaki ũ, pɔ́ kũ n ma gba pínki mani a kuride kpámma.

N burinɔ nigɔ̃ dasi lán bùsutiti bà, oni dagula ifãboki kpa kũ ifãlɛtɛo kũ gugbãnduru kũ gɛ̀nɔmidɔkio. Andunia buri sĩnda pínki ni arubarika le mɔkɔ̃n kũ n burio gãi.

Akũ à tɔ́ kpà gu pìinɛ Bɛtɛli, ama wɛ̃tɛ kũ ò kàtɛ gwe tɔ́ káakun Luzu.