ข้อพระคัมภีร์ยอดนิยมจาก Yohanes 1

แบ่งปัน

Esigit diluk togot disuka mende, it akoni amberek nen, at ebe waganggukasik nen, inendainggen at oba panggot disukama, Allah aʼburi ebeat mende asuwagaluk inderinakike.

Ebenggeranem erlo paga nen, wene Ebe Wene etiat welagike. Ebe Wene eti Allah imbisagat dogolik, ebe Allah at werek.

Nit o amummo werekma liyat ninabi wagike mende yibarlek werekma, o amum eti paga, o liya etnogo damut dusak erlok dek nen yibarlegat werek.

Ebe Wene etnogo abat agikesik ninomat welagagu. Ninomat dogolik, at ebe eti Allah aʼbut omanggiat endago etnogo, pogorarigogi mende ninilenggen kasugu o. At obabut pano nen, panorogo kagat ninakik, wene ebe wene yoknisigik, kagako mondok werekma ninilenggen kasugu.

yi mende ndi mende taʼbokogonat Allah nen walkasike eti at Ebe Wene nenat walkasike. At ebe dek dogolepma, omanggiat walkelep degat o. Ninilugut ninabigogo mende erlo arat werek eti paga, nit akoni liyat ninabi wagike.

Wene esigit diluk yisukasik nen, noge yiluk, kubulukngge, at Yesus Yohanes oba wagonem ilenggen lakalok nen, wene men yogisasike, “Allah anggo andomba eyak mende nit akoni agat oba yoma weyak kagarigogi mende nggorogo togot diyagin mende etnogo waga eli kinilenggen lakani.

At nenat mbogot agat walkasike mende, at ebe agat oba yoma wagikesik werekma, it akoni agat oba mende yoma nen, at ebe didigidek welaguka. At enggaerek aguma wagike mende, at ewe agot nen ebe waganggidek togot disuka.

At liya ebe mende eti agat oba yoma wago dogolik, nit akoni taʼbokogonat ninebe dombok liyat ninabi wagike.

Wene Allah nen ninasuk wakike wene etnogo yanggul nisawagaluk, alebat Musa laʼbi wagikemo, yanggul nisasike mende, Allah obabut pano nen panot ninakik, ebe wene yanggul nisigik, kagasuwagaluk, Yesus Kristus laʼbi wagikemo yanggulnisa wagike o.