Matthew 1
1
Sizi Gri ndunnah hube dínzut
1Ndi dustl'us 'uk'e'eduguz 'et ndutni, 'i be Sizi Gri 'en hube dínzut 'en 'uhínt'ah, 'i Sizi 'en David yuts'uh hainzut 'int'ah. David 'en Abraham yuts'uh hainzut 'int'ah. 2Abraham 'en Isaac bu'abá 'int'ah.
Isaac 'en Jacob bu'abá 'int'ah.
Jacob 'en Judah 'ink'ez bulhutsinkah bu'abá 'int'ah.
3Judah 'en ndun ts'eke Tamar 'en be Perez 'ink'ez Zerah bu'abá 'int'ah.
Perez 'en Hezron bu'abá,
'ink'ez Hezron 'en Ram bu'abá 'int'ah.
4Ram 'en Amminadab bu'abá.
Amminadab 'en Nashon bu'abá,
'ink'ez Nashon 'en Salmon bu'abá 'int'ah.
5Salmon bu'at Rahab 'en be Boaz bu'abá.
Boaz 'en Ruth 'en be Obed bu'abá.
'Ink'ez Obed 'en Jesse bu'abá 'int'ah.
6Jesse hubudayi cho David bu'abá.
'Et hubudayi cho David, ndun Uriah bu'at inle, 'en be Solomon bu'abá 'int'ah.
7Solomon 'en Rehoboam bu'abá.
Rehoboam 'en Abijah bu'abá,
'ink'ez Abijah 'en Asa bu'abá 'int'ah.
8Asa 'en Jehoshaphat bu'abá.
Jehoshaphat 'en Joram bu'abá,
'ink'ez Joram 'en Uzziah bu'abá 'int'ah.
9Uzziah 'en Jotham bu'abá.
Jotham 'en Ahaz bu'abá,
'ink'ez Ahaz 'en Hezekiah bu'abá 'int'ah.
10Hezekiah 'en Manasseh bu'abá.
Manasseh 'en Amon bu'abá,
'ink'ez Amon 'en Josiah bu'abá 'int'ah.
11Hoh da wheghah whudezulh, ts'iyannah dune keyah whuti Babylon ts'ih wheoobuhanla, 'et Josiah 'en Jeconiah 'ink'ez bulhutsinkah 'en bu'abá 'int'ah.
12Keyah whuti Babylon whuz whebuhanla hukw'elh'az 'et Jeconiah 'en Shealtiel bu'abá 'int'ah.
Shealtiel 'en Zurubbabel bu'abá 'int'ah.
13Zerubbabel 'en Abiud bu'abá.
Abiud 'en Eliakim bu'abá,
'ink'ez Eliakim 'en Azor bu'abá 'int'ah.
14Azor 'en Zadok bu'abá.
Zadok 'en Achim bu'abá,
'ink'ez Achim 'en Eliud bu'abá 'int'ah.
15Eliud 'en Eleazor bu'abá.
Eleazor 'en Matthan bu'abá,
'ink'ez Matthan 'en Jacob bu'abá 'int'ah.
16Jacob 'en Joseph bu'abá 'int'ah. 'En Mary buki 'ink'ez Mary 'en be Sizi whuzdli. 'En Christ hiyulhni.
17'Et Abraham 'en David whuts'un, 'en ts'iyawh lanezi 'o 'at dit (14) bubé hudinde 'uhint'ah. 'Ink'ez David hoh da whudezulh hoh ts'iyannah keyah whut'en Babylon ts'ih whebuhanla whuts'un, 'en ts'iyawh lanezi 'o 'at dit (14) bubé hudinde hinli. 'Ink'ez hoh da whudezulh hoh ts'iyannah keyah Babylon ts'ih whebuhanla 'et hukw'elh'uz dich'oh bukeyah yun k'ut Judah, whuz whenáhedel, Christ 'et whuts'un, 'en ts'iyawh lanezi 'o 'at dit (14) bubé hudinde hinli ho' hint'ah.
Sizi Gri whuzdli
18'Aw 'et Sizi Gri whuzdli, ndez na'a 'uhooja. 'Ama Mary 'en Joseph 'en yughu tedalh ka lhahódinla, 'ink'ez yughu tedalh whutsuh hoh 'et nahoo'ai 'uda 'uski bulh 'int'ah. Ndoni, 'i be 'uja. 19'Et ndun Joseph 'en ts'ah'un dune unli, 'et huwa lhgho hutedukelh ts'iyannah tah yooya yoolhtselh whuch'a bubeni lhaidinla. 'Ink'ez whu'iz yuch'a natedalh hukwa' ninzun. 20'Et howu nuni nuzut hoh 'et huwu nusúti hoh neMoodihti bulizas 'en 'uyulhni, “Joseph nyun David buts'u hainzut inli ho' 'int'ah. Wheniljut ilah Mary n'at wule. Ndun 'uski Ndoni be chainya ho' 'int'ah. 21'Aw 'et 'en duneyaz tele. Nyunch'oh boozi bugha ídon'alh. Sizi dóni. 'En 'utenilh ts'iyannah lubeshi ch'a hubutelhyih.” 22'Et ndez na'a 'uhooja, neMoodihti ndun nus whunilh'en, 'en be daja ni, 'et nduhoolcho hoh túne' whust'en. 'Et ndun nus whunilh'en ndez na'a njan ndutni, 23“Soo zulhts'ai ndun ts'eke 'aw dune t'enizun 'et whunts'ih khunyaz 'uski ba 'uja, 'ink'ez buyaz dune tele, boozi Emmanuel hiduténilh, Yak'usda nelh 'int'ah, ni ho' utni.”
24'Et Joseph ts'enanzut hoh neMoodihti bulizas daja yulhni, hoh tune' 'ust'en 'ink'ez 'aw 'et Mary yilhchoot bu'at tele ka. 25'Udechoo buyaz whutele t'eoonanzin 'et whuts'un 'aw yut'áchaghesnak. 'Aw 'et buye' whuzdli, 'et k'an zeh soo yughusda. 'Et boozi yugha íden'ai Sizi yulhni.
Айни замон обунашуда:
Matthew 1: caf
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.