TA KƏLA 5
5
De gə̄ kə́ gír kaa yā Adam tə́ bátə́ ugə̄ń dɔ Noe tə́
1Rī de gə̄ kə́ gír kojə yā Adam tə́ n toó:
Ndɔ̄ ń Nə́ɓā əndāń deē tə́ ní, ni-rāān adə̄ to tītə̄ Nə́ɓā. 2Ni əndā dəngam ō, dəyá̰ ō. Ndɔ̄ ń əndāńdə́ tə́ ní, əndā rī deē dɔdə́ tə́, ba rāā majə sedə́.
3Adam rāā ɓāl̄ ɓú kə kutə mətá anī, ojə ngōn̄ kə́ dəngam kə́ to tītə̄n. Ni əndā rīn na i Set. 4Adam rāā ɓāl̄ ɓú sɔ́sɔ́ gō kojə Set tə́. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 5Ɓāl̄ Adam malang i ɓú ndōhó. Gō tə́ anī, ni oy.
6Set rāā ɓāl̄ ɓú kə kalən kə́ mí anī, ojə Enos. 7Gō kojə Enos tə́ anī, ni-rāā ɓāl̄ ɓú sɔ́sɔ́ kə kalən kə́ sīrí ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 8Ɓāl̄ Set malang i ɓú ndōhó kə kutə kógə̄ḿ kə kalən kə́ jōó. Gō tə́ anī, ni oy.
9Enos rāā ɓāl̄ kutə ndōhó anī, ojə Kenan. 10Gō kojə Kenan tə́ anī, Enos rāā ɓāl̄ ɓú sɔ́sɔ́ kə kutə kógə̄ḿ kə kalən kə́ mí ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 11Ɓāl̄ Enos malang i ɓú ndōhó kə kalən kə́ mí. Gō tə́ anī, ni oy.
12Kenan rāā ɓāl̄ kutə sīrí anī ojə Malalel. 13Gō kojə Malalel tə́ anī Kenan rāā ɓāl̄ ɓú sɔ́sɔ́ kə kutə sɔ́ ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 14Ɓāl̄ Kenan malang i ɓú ndōhó kə kutə kógə̄ḿ. Gō tə́ anī ni oy.
15Malalel rāā ɓāl̄ kutə mehḛ́ gidə i mí anī ojə Yered. 16Gō kojə Yered tə́ anī Malalel rāā ɓāl̄ ɓú sɔ́sɔ́ kə kutə mətá ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 17Ɓāl̄ Malalel malang i ɓú sɔ́sɔ́ kə kutə ndōhó kə kalən kə́ mí. Gō tə́ anī ni oy.
18Yered rāā ɓāl̄ ɓú kə kutə mehḛ́ kə kalən kə́ jōó anī ojə Henok. 19Gō kojə Henok tə́ anī Yered rāā ɓāl̄ ɓú sɔ́sɔ́ ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 20Ɓāl̄ Yered malang i ɓú ndōhó kə kutə mehḛ́ kə kalən kə́ jōó. Gō tə́ anī ni-oy.
21Henok rāā ɓāl̄ kutə mehḛ́ gidə i mí anī ojə Metusela. 22Gō kojə Metusela tə́ anī Henok njə̄rā kə Nə́ɓāá ɓāl̄ ɓú mətá. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 23Ɓāl̄ Henok malang i ɓú mətá kə kutə mehḛ́ gidə i mí. 24Henok njə̄rā kə Nə́ɓāá ba ta tɔ̄l̄ ta anī ni gətóo, tɔdɔ̄ Nə́ɓā unən kɔ̄ɔ́.
25Metusela rāā ɓāl̄ ɓú kə kutə sɔ́sɔ́ kə kalən kə́ sīrí anī ojə Lamek. 26Gō kojə Lamek tə́ anī Metusela rāā ɓāl̄ ɓú sīrí kə kutə sɔ́sɔ́ kə kalən kə́ jōó ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 27Ɓāl̄ Metusela malang i ɓú ndōhó kə kutə mehḛ́ kə kalən kə́ ndōhó. Gō tə́ anī ni oy.
28Lamek rāā ɓāl̄ ɓú kə kutə sɔ́sɔ́ kə kalən kə́ jōó anī ojə ngōn̄ kə́ dəngam kógə̄ḿ. 29Ni əndā rīn na i Noe#5.29 Noe kə ta Hebəro kumən na i sɔl kem. əda na:
Nge ń toō a sɔl̄ kemjí dɔ kɔr yājí gə̄ tə́ ō, dɔ kəla kə́ ngan̄g gə̄ ń j-a jə-rāā tə́ sɔɔ̄ń ndɔ̄ĺ ń Nə́ɓā ndɔ̄ĺ dɔ nang ní ō. 30Gō kojə Noe tə́ anī, Lamek rāā ɓāl̄ ɓú mí kə kutə ndōhó kə kalən kə mí ɓáý. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō. 31Ɓāl̄ Lamek malang i ɓú sīrí kə kutə sīrí kə kalən kə́ sīrí tá oy.
32Noe rāā ɓāl̄ ɓú mí anī, ojə Sem ō, Kam ō, Japet ō.
Айни замон обунашуда:
TA KƏLA 5: SARDC
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.