Luke 23
23
1Tharfor onn' orr forthi jamarth ouriti yourai Eibarai Pilates' or hanasai loaigiyai. 2Tharfor onn' ayai Eibar owrai alzarm laga shuru goairjai, “Kiyourla hoailai Eibayai anarai nizor koam loai ba'gaworth oulda garai, are Caesar' rai tax all nadi borla mana garai, are Nizarai Nizai Mashi barsha hoai hoaidai lorth fieyi.” 3Pilate' ayi Eibar' thu fusargoairjai, “Thuai Yahudi allor barsha niki?”
Eibayai eitherai juwarb orr mazai hoaiyai, “thuai nizai zandoaila hoaiyours andoaila.” 4Pilate' ayi sordar Imam all, are forthi manush allorai hoaiyai, “Aine ayi manush eibar butharai hornaw hasuri na'fie.” 5Ma'gor eithera arerow zorgari hoaithow ligegai, “Eibayai thamarm Yahudar mazai, are balkai Galilee'irthu shuru gari airai' forjonth shika shiki gariyourai manush allorai oulorla goairjai.” 6Yarn funiyourai Pilate' ayi fusargoairjai, Manush eibaki Galilean? 7Thoai yarn zani yourai, Herod'or barshair' timeorth, Eibar' rai Herod'or hanasai difairieyai, kiyourla hoailai eithaiow ayi dinn allorth Jerusalem orth ireshil. 8Herod ayi Isa'rai daiki yourai bishi kushi auaiyai; kiyourla hoailai Eiba'rai sieborla arezu garadai baishi dairi auaiyai, ayithorlabali eithai Eibar halaorth all fuainai, are eitahi Eibar kissu Mujaza daikbor arsha omithe ga'rair. 9Thoai eithai Eibarthu doaila bowdoaila hatha all fusar garath ireshil, magor Eiba'yai either'rai hornaw juwarb na'dai. 10Thoai sordar Imam all, are Alam all thiyie yourai zoor orsarthai Eibar owrai “hasuri” alzarm lagar'yai. 11Tharfor Herod ayi, nizor military alloai Eiba'rai baizorthi goairjai, are tatie morzieki goairjai, are dasi eiba'rai shomkai dai fushark, findie yourai Pilate orr hanasai wapas difairieyai. 12Are ayi dinn Herod loai Pilate areposorth dostha auaigiyoai, kiyourla hoailai eitharar butharai aregai doshmani ireshil. 13Tharfor Pilate ayi, sordar Imam all, sordar all, are forthi manush allorai za'ma goairjai, 14Eitherarai hoaiyai, “Eibarai munsharai oulala garya tarie yourai anar hanasai areni, are daika aine thuwanarar mounthu thahakik goairji, ma'gor thuwanra Eibarai zai'hatha all loai alzarm lagie'yai innor shomomdai eibarthu aine ha'na ha'suri thuwie nafie; 15Yarn Herod ayi nagarai, eithai Eibarai anarar hanasai wapas difairieyai; are dahieyai eibar butharai hornaw andoaila ‘hasuri’ aieff nie zin orzariya Eibarai kathorl garifarai. 16Ayithorlabali, Aine Eiba'rai bathor bari mari yourai ayiri difailie yii.” 17Eihaer thu Eid orr dinn zoruri dai hanikarai eitharar hathairayi ayiridorn. 18Eithera boggon mili yourai ouzordi ouriti yourai eibarai barth gorr, anarar hathairayi Barabas orai ayirida'. 19Eithai'dai town orr butharai hornaw bagaworthi loai are manush kathorl garon orr zoriya ziyour lorth diya giyai. 20Ma'gor Pilate ayi, Isarai ayiridiborla niyourth gariyourai onnor ikka firi yourai hoaiyai. 21Kinthu onnayi ouzor diyourai hoaithow ligegai “Eibarai! Moathor hiteta'rth thuli marr Moathor hitetiarth thuli marr.” 22Eibayai thaisara bar onnorai hoaiyai: “Kiyourla? Eibayai ki burieyi goairjai? Aine Eibarathu kathorl garibor ha'na' waja thuwie nafie. Ayithorla aine Eibarai bath orr bari mari yourai ayiri dirr.” 23Ma'gor onnayi ouzor, di huwarth roaiyai Eibarai moathor hiteta'rth thuli mara, onnor ouzorai zith loai failieyai. 24Thoai Pilate ayi haqum diyai onnor dorhurss mazin. 25Are zai dasai bagaworthi are kathorl garon orr zoriya ziyourl foairjai; are zarai eithera ayiri dorborla hoail eitherai ayiri diyai, magor Isarai onnor monsha mazin military allorai gasie diyai. 26Are zaiwakthought Eibarai loaizar goai, thoai onnayi Simon numor akzorn Cyrenian oraiyow zai garng orthu ireshai, eitherai yow dari yourai moath'or hiteta either owrai thuli diyourai Isar fisali loaigiyai. 27Are dasai ougua munshor bishi ba'ra' daie are baishabishi mayafuwine allow zaithera eibarla handi yourai Eibar, fisali giyai. 28Isayai onnor ouzu firi yourai hoaiyai, “Aie Jerusalem orr zoarfuwine all!, Anrla, na'handi your balkai nizorla are nizor fuwine allorla han'da. 29Kiyourla hoailai daikaw owdinn aieyair zanthai eithar hoaibow, ‘Mubarak Baza, are zibayai fuwa fairoth nala, are zibayai dooth na'haba!’” 30Ayiwakthought
“Eithera ow farare allorai huwarshuru garibow,
‘Anarar owrai barngi faribow!’ Are kiyai hoaibow anara'rai ‘Zafaie Failiebow!’ 31Kiyourla hoailai kansar guss loai anndoaila garaidai auailai, fuwan loai hoain doaila garibow nazani?” 32Are onnayi Eibar fuwanathi are duaizorn, bordkar manush, onn raiyow akku fuwanthi loaiyourai kathorl gari'borla loaizar. 33Zaiwakthought eithera ayi zargarth foanshai ziyarn orai Mathar Mala hoai mathar, thoai yarnorth Eibarai moathor hitetarth diyai, are bordkar allorai yow akzorn orai dann darkorthu are akzorn orai barn dakorthu. 34Isayai hoaiyai, “Aie buff!, Onnorai marf gorr, kiyourla hoailai onnayi nazarnai onnayi kigarair” Are onnayi Eibar fushark allorai lottery diyourai bararth gari loaiyai. 35Are manush alldasai thiyie sie roaiyai sordar allayi tartie gariyourai huwie hoai garaiar areo “eibar oainazorn orai basar, zadi eibarai Allahthalar yai barsi loaiyaidai Mashi oailai,” thoai eibar bala auailai nizarai nizai orhon barsie'bow. 36Military allyow dakai aieyourai ha'ra' fani loai Eibar, loai tartie gari hoaiyai. 37Are “Zadi thuai Yahudi, allor barsha auailai thuai nizarai nizai barsa.” 38Are akkarn nishana yow Eibar mathar owria laiki diyai, 39Tharfor zai bordkar moathor hitetartart lortka giyai'dai onnor buthorthu akzornai Eibar owrai andoaila tartie goairthow ligegai, thuai Mashi na' naiki? Thuai nizarai nizai are anarayow barsa. 40Kinthu are akzorn ayiyow, thuai Eibar doail akudoaila sazar fielaiyow, Allahthalar radow na'daros niki? Hoai, hoaiyai. 41Are anarar saza dai wajib, kiyourla hoailai nizor harm allor badaila fairedai, kinthu Eibayai hornaw “bakar” galthi harm nagarai. 42Tharfor eibayai hoaiyai, “Aie Isa, zaiwakthought Ornai nizor barshayi'th aieyour thoai anarai akka yard goairja.” 43Eibayai eitherai hoaiyai, “aine tharai soaiyi hoair, thuai areziya yow anar fuwanathi Jannathul fairdoos orthow anar fuwanathi auaibi.” 44Bail arelair borr shamor hanasai auaidai yarnthu shuru gari, thinua bazai forn thamarm dashor argagura under auaigiyoai. 45Tharfor Bail'or foror under auaigiyoai, are Bithul Muquddus'or porda yow duai bark auaigiyoai. 46Tharfor Isayai bara arebus loai mathie yourai hoaiyai, “Aie buff!, Aine Nizor Ruh rai,” Thor harth allorth gasie diyi hoai yourai niyarsh naili giyoai. 47Thoai Ayi mazaira, daiki yourai military'ir barayai Allahthalarai, shukuriya goairjai are hoaiyai, baishork ayi Manush Eiba! “Soaiyi” nakar ouzu.' 48Are zaidoon munshai ayi marmaila rai sieborla ireshil, ayi mazaira daiki yourai eithar nizor shina all orrai birejie yourai wapas giyoai. 49Kinthu eibar forthi sinna farisa all, are mayafuwine all zai'thera Galilee ithu eibar fuwanarthi ireshil, eithera dasai dorathu thiyie yourai, ayi hather allorai sie roaiyai. 50Daka' Yusuf numor akzorn manush, ziba dasai soaiyi nakar, ouzu manush ireshil. 51Eibadasai onnor sorla “morshwarar” harm orai razinie, Eibadasai Yahudi allor town Arimathea yar, thaki'dai “bashinda”, are eibadasai Allahthalar barshayi'r “anathaizar” orth aresai 52Eibadasai Pilate orr dakai zieyourai Isar lash orai migegai. 53Thoai eibayai lamie yourai nainkalart sardor horloai bairie yourai loaiyai, tharfor ougua habor orr boutharai galie diyai ziba shilor fartarn orth kuairjai, are eibarth hornaw wakthought hanikarai dafan nadai. 54Ayi dinn “Ruzar” dinn ow dakai auaiyai. 55Are ayi mayafuwine all zoon Yusuf orr fuwanarthi Galilee ithu fisai fisai ireshai, zieyourai eibar habor orai are lash orai hoain doaila gari rikekai yarnyow daikai. 56Tharfor wapas aieyourai koushba orla shizall are anthor thoaiyar goairjai. Thoai badai yow eithara shariyath ma'zin sabbath “Ruzar” dinn arerum goairjai.
Айни замон обунашуда:
Luke 23: trpv-rv
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
This translation of the Rohingya Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.