Luke 16
16
1ကိုယ်တော်ယေရှုနား အတပည့်လှီ့အောလ် အထာပုံပမာ(ခွီး)ပုသ်ဟှတ် အမိန့်ဘွာလ်တီခေါမ်စေ့ ဟမယ် ဆထီးပွလ်ဟှတ်နား အလုပ်ငန်းစီမံညွန်ကြားဟိုင် ခေါင်ပွလ်ဟှတ် မန်နေဂျာအဖြစ် အခန့်အပ်။ အင်(မ်)ဘော်နားခါ အင်(မ်)ခေါင်နား ဒေါင်းဂိုလှီ့ အလွဲသုံးစားစိုင်းခေါမ် စုတ်(င်)ဟိလ့်။ 2အင်(မ်)ခန်းနောလ် ဆထီးနား အင်(မ်)မန်နေဂျာ ဗိုင်နောလ်ထေ့နား "နာ(င်)အကြောင်းလှီ့ ကေယှောက်လောဒ့်ခေါမ် ဟအီလှီ့ယောင်။ နာ(င်)မန်နေဂျာရာထူးဝေါလ် တောတိယော်ခန်းနောလ် နာ(င်) စီမံခေါမ် စာရင်းဇယားလှီ့ ကေးရို တင်ပြအား" တိရို အဟောင်။ 3အင်(မ်)ဟိုဝေါလ် မန်နေဂျာနားခါ "ကေးဟိဘော် ကေထောလ်လောဒ့်အိုက်။ ကေးဆရာနား ကေး အလုပ်ထုတ်နားစေ့ ကေးနား တွင်းတူးဟိုင်ခါ ကေထားမယ်ယော်၊ တောင်းငယ်ဟိုင်ခါ ကေယှောက်ကာလ်။ 4မန်နေဂျာ ရာထူးအောလ်ကိ အလုပ်ထုတ်ခံလောဒ့်ဟိုဝေါလ် ခေါင်လှီ့နား အာမ်အိမ်မယ် ကေးအာမ်လက်ခံဟိုင် ဟိဘော်စိုင်းလောဒ့်အိုက်နောက်ခေါမ် ကေစုတ်(င်)ပါလ် တိရို အစဉ်းစားယေ။ 5အင်(မ်)ပါလ်နောလ် အဆထီးဘိုးစငေါလ် လေပက်ဟိုင်မယ်တိခေါင်လှီ့ ပွလ်ဟှတ်ပါလ်နောလ်ပွလ်ဟှတ် ဆောရ်ထေ့နား စိပ်စိပ် ပွလ်ဟှတ်တောလ် နာ(င်)နား ကေးဆထီးရိုး လေအီဟို့ နာပက်လောဒ့်အိုက်" တိရို အဟိ့။ 6အင်(မ်)ခေါင်နား "aသံလွင်ဆီ စည်ဖို့ဟှတ်(1500လီတာ) ကေပက်ဟိုင်မယ်" တိရို အဟောင်ဘွာလ်။ မန်နေဂျာနား "စာရင်း စော်လှပ်အရင်ငေါလ် လူးဝေထေ့နား ဟို့ကိ တိရို ရုတ်ကား" တိရို အင်(မ်)နောလ် အဟောင်။ 7အင်(မ်)ပါလ်နောလ် မန်နေဂျာနား အထာပွလ်ဟှတ်တောလ် အီဟို့ နာပက်ဟိုင် မယ်တိရို ဟိဟိုဝေါလ် "ဂျုံ အိတ် ဖို့ဟှတ်" တိရို အဟောင်။ "စာရင်း စော်လှပ်ပါလ် ဆာ့ကိပ် တိရို ရုတ်ကား" တိရို အဟောင်။ 8အင်(မ်)ဟိုဝေါလ် အဆထီးဘိုးနားခါ မန်နေဂျာလား အပုန်းဟို့ ကိုယ်ကျိုးတွက် အဆောင်ရွက်ခေါမ် အချီးမွမ်းလှာလ်။ ဆုမ်သပ့်ခုံးငေါလ်ကိ ခေါင်လှီ့နား ပုန်းဟို့အကျိုး ဆောင်ရွက်ဟိုဝေါလ် ဖုလော်ရှင် စိုးနောင်(င်)လှီ့ ထက်ကာလ် ပုန့်ဟိုးကိုယ်ကျိုးယောင် ဦးစားအာမ်ပက်ထေ့" တိရို အဟောင်။ 9ကိုယ်တော်ယေရှုနား အတပည့်လှီ့အောလ် အမိန့်ခေါမ်စေ့ "တပည့်တော်လှီ့တွက် ခီပွီ ပူနူးလောဒ့်ဟိုင် လောကီစည်းစိမ်လှီ့ အသုံးပြုဘွတ်စူး။ လောကီစည်းစိမ်လှီ့ အကုန်ခမ်းဟိုဝေါလ် နာ(င်)မီး ဟြားလုအောလ်မယ်တိ နစ္စထာဝါရအိမ်နား အကြိုဆိုဝိုက်။ 10အသေးမွှား မူလာလှီ့အင်(မ်) ဆက်ဇော်မယ်တိလှီ့စေ့ အရေးကြီးတိ မူလာလှီ့အောလ်ခါ ဆက်ဇော်အာမ်မယ်။ အသေးအမွှားမူလား လှီ့အင်(မ်)ရိုးသားယတိစေ့ အရေးကြီးတိ အလုပ်မူလာလှီ့အောလ်ခါ ရိုးသားဟိုင်ဆီးယော်။ 11နာ(င်)နား နီဘောင် လောကီစည်းစိမ်လှီ့ကုံးခါ ဖြောင့်မတ်ဟနောလ် အသုံးနာပြုယဟိုဝေါလ်စေ့ စစ်မှန်တိ စည်းစိမ် နာ(င်)ငေါလ် ဟအူနား အာမ်အပ်ပိုက်။ 12အစွာခေါင်ပိုင်ခေါမ် ပစ္စည်းဥစ္စာလှီ့ မှန်မှန်ကန်ကန် အသုံးပြုဟိုင် ဆက်ဇော်နာမ်မယ်ယဟိုဝေါလ်စေ့ ဟအူနား နာ(င်)မီး ပိုင်ဆိုင်ဟိုင်ပစ္စည်းဥစ္စာလှီ့ နာ(င်)မီးရိုး အာမ်ပက်တိုက်။ 13အီဘောင်အစေခံနားခါ သခင်ပွလ်နှိခေါမ် ကွလ်ဟှပဓေါလ် အစေခံခွတ်ယော်။ ဆီးယနား ပွလ်ဟှတ် ဆက်ဇော်အစောင့်သိနောက်နားစေ့ အထာပွလ်ဟှတ် မထီမဲ့မြင်အပြုအိုက်။ နာ(င်)မီးခေါမ် ဖုလော်ရှင်လား လောကီစည်းစိမ်လှီ့ ပြိုင်ဟှတ်တောလ် အစေခံမာလ်လောဒ့်ယော်" တိရို အမိန့်။ 14ဒေါင်းဂိုမက်တိ ဖာရိရှဲလှီ့နား ကိုယ်တော်ယေရှု ခေခေါ အာမ်ယှောက်ဟိုဝေါလ် အာမ်လှောင်ပြောင်ငယ်နား အာမ်နုနောက်။ 15အင်(မ်)ဘော်နားခါ ကိုယ်တော်ယေရှုနား "နာ(င်)မီး ခေါင်မော်ဝေါလ် ပွန်ဟနောလ် နာမ်မယ်နားခါ ဖုလော်ရှင်နား နာ(င်)မီးလုန် အစုတ်(င်)။ ခေါင်လှီ့နား အမြတ်တနိုးတောဒ့်ခေါမ် အရာလှီ့စေ့ ဖုလော်ရှင်အမုဝေါလ် စက်ဆုပ်ရွံရှာခေါမ်ငေါလ်ယောင်အထောလ်။ 16သွီးဓေါလ်မင်္ဂလာပက်တိ ဆရာယောဟန်ခေတ် ခိုက်လှောင်(င်)နောလ် ခေါင်လှီ့ မောရှေဥပဒေလှီ့လား ပရောဖက်လှီ့ပညတ်တော်လှီ့ဘော်တိုင် အာမ်လိုက်နာဟိလ့်။ အင်(မ်)ဘော်နားခါ ဖုလော်ရှင်သာနာတော် အခိုက်လူးဟိုဝေါလ်စေ့ ခေါင်လှီ့ပူနူးနား သာသနာဒုလ်ကာလ်ဝင်ဟိုင် အာမ်ကြိုးစားလူး။ 17အင်(မ်)ဘော်နားခါ ဖုလော်ရှင် နှုတ်ကပါတ်တော်ဒုလ်ကာလ်ကိ အဒိပ်ခိတိ အက္ခရာလုံးဟှတ် အပျောက်ပျယ်ယထက်ကာလ် နေဟြှလ်လား ဆုမ်သပ့် ခိတ်ဟိုင်စေ့ ပိုဝေနား အလွယ်။ 18ပီဟာဟို့ဓေါလ် ကာထေ့နား အစွာမုတောပွလ်ဟှတ်ဓေါလ် လက်ထက်တိခေါင်တိုင် အိမ်ထောင်ရေးဖောက်ပြန်တိရို အာထောလ်။ ကာတိမုတောလက်ထပ်ခေါမ်ခါ အတူဝေယေယောင်" တိရို အဟောင်။ 19အင်(မ်)ပါလ်နောလ် ကိုယ်တော်နား "ဟမယ် ဈေးလန်တိ ဆူဆောက်လှီ့ခုအယ်ထေ့နား နှိုပ်တိုင် စီးစိမ်ဥစ္စာလှီ့တောလ် ပျော်မြူးတိဆထီး ပွလ်ဟှတ် အမယ်။ 20လာဇရုမိန်နိုးတိ အပုန်းယူလုံးဝေါလ် အနာလှီ့ ပေါက်တိ စက်ကာလ်တိပွလ်ဟှတ် ဆထီးခြံပေါက် အဟြမ်းငယ်။ 21အင်(မ်)ခေါင်နား ဆထီး ဘုအေခေါမ်ငေါလ်ကိ အကျန်တိလှီ့ အေလောဒ်ဟိုင်အတောင့်တ။ အွီးလှီ့နားခါ အင်(မ်)အနာလှီ့ အာမ်လှပ်ကာလ်။ 22အင်(မ်)ပါလ်နောလ် အင်(မ်)ခေါင်အဘာလ်ဟိုဝေါလ် နတ်ဒေဝါလှီ့နား အင်(မ်)ခေါင် အာဗြဟံကာဝေါလ် အာမ်ဈိ။ ဆထီးအဘာလ်ဟိုဝေါလ်ခါ သင်္ဂြုလ်ခေါမ်ခံလောဒ့်။ 23အင်(မ်)ပါလ်နောလ် ဆထီးဘာလ်ထေ့နား မာရဏနိုင်ငံရိုး ဆိတ်ခံလောဒ့်ထေ့နား အင်(မ်)နား အဟြှလ်အဓေါ့်ဟိုဝေါလ် အာဗြဟံကာဝေါလ် လာဇရုခေါမ် အလှမ်းမယ်ကထု အမု။ 24အင်(မ်)ဟိုဝေါလ် အင်(မ်)ခေါင်နား ကာပ်ဗာန် "အဖအာဗြဟံ၊ ကေး မာနောလ်ပက်မို့ဝြား။ လာဇရုကွတ်ရုန်း သွီးရို ယွှာထေ့နား ကေး လျှာဝေါလ် လှာမ်လူးပက်မိုဝြား" တိရို အတောင်းဆို။ 25အင်(မ်)ဟိုဝေါလ် အာဗြဟံနား ဟောင်ဘွာလ်ခေါမ်စေ့ "ကေးစိုးဝါး၊ သတိလောလ့်အား။ နာ(င်)နောက်ခေါမ် အဆောက်နာဟင်(င်)ဟိုဝေါလ်စေ့ ပွန်ပွန်နာမယ် ပွန်ပွန်နာအေလောဒ့်။ လာဇရုစေ့ အရာရာဝေါလ် နုံရှာဟိလ့်။ တုအောလ် အင်(မ်)အပျော်လောဒ့်ပါလ်ခန်းနောလ် နာ(င်)စေ့ ဝေဒနာ နာခါမ်လောဒ့်။ 26အင်(မ်)ဘော်နားခါ နာ(င်)လား ကေးမီး ကြားဝေါလ် ထုဟုမ်းတိ လှော်နူးပွလ်ဟှတ် မယ်ထေ့ ဝမ်းလာမ်းနား ဝမ်းလာမ်း ဈာတ်ဓေါလ်လောဒ့်ယော်။ 27အင်(မ်)ဘော်နားခါ နာ(င်)လား ကေးမီး ကြားဝေါလ် ထုဟုမ်းတိ လှော်နူးပွလ်ဟှတ် မယ်ထေ့ ဝမ်းလာမ်းနား ဝမ်းလာမ်း ဈာတ်ဓေါလ်လောဒ့်ယော်။ 28ကေးနား သာနောင်(င်)ခွာ ပိုးဟိုရ် ကေတောဒ့်ကာလ်။ အင်(မ်)နီလှီ့ ဝေဒနာခံနောက် နီဘောင်အရပ်အောလ် အာမ်ခိုက်လူးယဟိုင် ဈာတ်ထေ့နား သတိပက်တေဆောင်ဟိုင်ကေလီ" တိရို အတောင်းဆို 29အင်(မ်)ဘော်နားခါ အာဗြဟံနား "နာ(င်)သာနောင်(င်)လှီ့ခါ မောရှေလား ပရောဖက်လှီ့ ပညတ်တော်လှီ့ အာမ်တောဒ့်ကာလ်။ အင်(မ်)လှီ့ ရေးဟိလ့်ခေါမ်လှီ့ လိုက်နာဆသ်ဟ" တိရို အဟောင်။ 30အင်(မ်)ဘော်နားခါ အာဗြဟံနား "နာ(င်)သာနောင်(င်)လှီ့ခါ မောရှေလား ပရောဖက်လှီ့ ပညတ်တော်လှီ့ အာမ်တောဒ့်ကာလ်။ အင်(မ်)လှီ့ ရေးဟိလ့်ခေါမ်လှီ့ လိုက်နာဆသ်ဟ" တိရို အဟောင်။ 31အင်(မ်)ဟိုဝေါလ် အာဗြဟံနား "အင်(မ်)လှီ့နား မောရှေလား ပရောဖက်လှီ့ပညတ်တော်လှီ့ကုံးခါ အာမ်ငေးယဟိုဝေါလ်စေ့ ဘာလ်ခေါမ်ငေါလ်လူးဘွာလ်တိ ခေါင်ပွလ်ဟှတ်ခေခေါခါ ငေဟိုင်ဆီးယော်" တိရို အမိန့်
Айни замон обунашуда:
Luke 16: ctpv-rv
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
This translation of the Chin-Songlai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.