मत्ती 6
6
दान
1 #
मत्ती 23:5
“सावधान रवु! तुमू मानुस क देखाड़ने क करता आपसा न्याय क काम नी करू, नी तो आपसा सोरग मा वावु बास छे काही भी फोव नी देखछे।”
2“एरकरीन जव तु दान करे, तो आपने ओगव भीराक मा वाजाड़ मांगे, जोसो कपटी, सभा आरू गलियो मा करता छे, ताकि मानसे उन बढ़ाई करू। हाव तुमू छे छाचो कयता छे कि त्यो आपसा हर फोव देख चूके। 3पुन जव तु दान कर, तो जो तारो डावु हात करतो छे, ओको तारो जेवड़ा हात नी जानन छे।” 4ताकि तारो दान सातायलो रोवे, आरू तव तारो बास जो सातायलो मा देखता छे, तुखे हर फोव आपसे।
प्रार्थना
(लूका 11:2-4)
5 #
लूका 18:10-14
“जव तु प्रार्थना कर, तो कपटियो क समान नी होय, काहकि मानसे क देखाड़ने क करता आराधना घर मा आरू सयड़क क मोड़ो पर उबा हईन प्रार्थना करने उनको वारलो लागतो छे। हाव तुमू छे छाचो कयता छे कि त्यो आपनो हर फोव देख चूके।” 6पुन जव तु प्रार्थना कर तो आपसी घर मा जा; आरू झोपलो बंद कर क थार बास सी जो सातायलो मा छे प्रार्थना कर। तव तारो बास जो सातायलो मा देखता छे, तुखे हर फोव आपसे।
7प्रार्थना करता टेहाव गैरयहुदी क समान बक–बक मा करू, काहकि त्यो समझता छे कि ओको घोणा बुलने छे ओकी सोमवाय जाछे। 8एरकरीन तुमू मांगने छे पेहल ही जानता छे कि तुमरी काय जरूरत छे।
9शेवली कावा तुमू इनीये रीति छे प्रार्थना कर्या करू
हे हामरा बास, तु जो सोरग मा छे; तारो नाव चुखलो मान्यो जाय:
10तारो राज आवे। तारी मरजी जोसी सोरग मा पूरी होयती छे,
त्योसी कोवी पर भी होय।
11हामरा दाहड़ा भर क रोटा आज हामुक आपसुत।
12आरू जी रीति हामु ने आपने गुणेहगार क माफ कर्या करसे छे, ताकि बुराई सी आमुक वाचाड़। काहकि राज्य, शक्ति आरू महिमा हमेशा तारा छे। आमीन।
त्योसो ही तु भी हामरे दोष क माफ करू।
13आरू हामु परीक्षा मा नी ला,
पुन बुराई छे वाचाड़; काहकि राज आरू पराक्रम आरू महिमा सदा तारो ही छे। आमेन।
14एरकरीन यदि तुमू मानुस क गुणू माफ करसे, ते तुमरा सोरगीय बास भी तुमूक माफ करसे। 15आरू यदि तुमू मानुस क गुना क माफ नी करे, तो तुमरा बास भी तुमरे गुना क माफ नी करसे।
उपवास
16जव तुमू उपवास करू, तो कपटियो क समान तुमरो मुय चिमायलो नी रये, काहकि त्या आपसो मुय चिमाड़ीन रये रयता छे, ताकि मानसे उन लोगहन उपासी जाने। हाव तुमू छे छाचो कयता छे कि त्यो आपसो हर फोव ली चूक्या। 17पुन जव तु उपवास करू तो आपने मुनका पर तेल मल आरू मुय धरती। 18ताकि लोगहन नी बाकुन तारो सोरग मा वाळो बास जो सातायलो मा छे, तुखे उपवास जाने। जो सातायलो मा देखता छे, तुखे हर फोव आपसे।
सरगीय धन
(लूका 12:33-34)
19 #
याकूब 5:2,3 “आपने करता धरती पर धन एखठा मा करो, जा सब किड़ा आरू उदाय उको बिगाड़े आरू चुट्टा चुरी करलेय। 20पुन आपने करीन सोरग मा आपने करीन धन एखठो करू, चा नी ती किड़ा, आरू नी उदाय बिगाड़े, आरू जा चुट्टा नी सेंध लागाड़े आरू नी चुरी करे। 21काहकि वा तारो धन छे चा तारो मन लागलो रोवसे।”
डीलन दिया
(लूका 11:34-36)
22डिलन दिवु डुवो छे। यदि तारा डुवा वारला छे, ती तारा आखो डील भी विजावो होयसे। 23पुन यदि तारा डुवा बुरा होय, ती तारो आखो डील भी आँधारलो रोवसे; अतरान करीन कारण त्यो विजावो जो तुखे मे छे यदि आँधारलो होय ती आँधारलो कोसो मोटो होयसे।
काही वातन चिंता नी करनेन
(लूका 16:13; 12:22-31)
24काही मानसे दुय यहोवा–भगवान सेवा नी कर सकता, काहकि चु एक सी बैर आरू दिसरा सी मोंग राखसे, या एक से निष्ठावान रोवसे आरू दिसरा क तिरस्कार करसे। तुमू यहोवा भगवान आरू धन दुयून सेवा नी कर सकता।
25अतरान करीन–करीन मे तुमू से कयतो छे, कि आपसा जीवन करीन यी चिंता नी करने कि हामु काय खासे, आरू काय पीसे, आरू नी आपसा डीलन करीन कि काय पेरसे, काय खानो से, आरू डील पर छिंदरा रयन मोटो नी। 26वादवो क चिल्लान क देखु! त्या नी वेरे, नी काटे, आरू नी कुठार मा एखठा करे; 27तुमरे मा कुन छे, जो चिंता करिन आपसी जीवाय क एक टेम बढ़ाई सके?
28आरू छिंदरा क लिन क फिकुर काह करो? जंगली फुल क देखु, कि त्या कसो त्योदे, त्या नी काठो काम करे, आरू नी छिंदरा बनावे। 29ते भी हान तेखो कय द्यो, कि सुलैमान भी, तेखा आपना सब वैभव मा ओका मा सी काहना एक क समान छिंदरा नी हतो। 30अतरान करीन यहोवा भगवान खोळदीन खोड़ो क, जो आज छे, आरू उको वाहना मा आगठी मा न्हाख देसे, त्यो असो छिंदरा पेहनावे, ती काय ए विनभुरसीया तेखो नी पेहरावे काय?
31एरकरीन तुमू फिकुर करीन यो झुण कयता, कि हामु काय खासू, आरू काय पीसू, आरू काय पेहरसु? 32काहकि गैरयहुदी इनी आखी वात क हेरता रये, आरू तुमरो सोरग मा वाळो बास जाने, कि उको यी आखी चीज जुवे। 33एरकरीन तुमू पेहले यहोवा भगवान राज आरू तेखो न्यायपन क हेरो ती यी सब चीज उको मुवसे जो उको जुवे। 34अतरानकरीन करीन आवने वाहनेन दाहड़ा क चिंता मा करो, काहकि वाहने क दाड़ो आपसो चिंता करसे; आजुन क दुःख आज ढेरको छे।
Айни замон обунашуда:
मत्ती 6: NTDii20
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020