मत्ति 7
7
हाइखाजि आप्टिक ए़ॽटिमे़
(लुका ६:३७-३८,४१-४२)
1येसुडे़ॽ हागोसो लुघे़ॽटु “याॽमिजि आप्टिक ए़ॽटिसानुमे, मोबा हे़निङ्सो आप्टिकनुङ्मा लिसानिङ्नि। 2इन्ढोङ्होङ हे़निङे़ॽ इन्डोॽ याॽमिजि आप्टिक टिन्डानुमे, मोडोक्नोॽ हे़निङ्सो आप्टिक टिम्मे। हाम्बे सिःक्ठामडे़ॽ हाइखाजि सिःक्पेन्डानुमे, मो सिःक्ठामडे़ॽनोॽ हे़निङ्सो सिःक्पेम्मे। 3इन्ढोङ हे़ने़ॽ निसामि मिकपेॽए ए़डिॽमा से़क्चिबा खाङ्डोक्इन्डुए तर आम्टाङ्बामि मिकहोङ्सिॽयुए बेॽए सिङ्बु चाहिँ खाङ्डोक्टुनिबा ? 4टाङ्बामि मिकपेॽए सिङ्बु मे़ङ्खाङ्डोक्खुबे़ॽ, निसाजि इन्डोक्टे लुहेन्डुए, ‘खोइ खोइ, हे़ने़ए़ मिकमि से़क्चिबा चाङ्बेन्ने़।’ 5होउ कप्टिजि! याक्लो टाङ्बामि मिकपेॽहा बेॽए सिङ्बु चाङ्बेसानुमे, मोबारेॽ हाइखाजिमि मिकपेॽहा से़क्चिबा छे़ङ्गै खाङ्डोक्हेन्डानुमे।
6 “पबित्रा थोक हुःॽवाजि ए़प्पिसानुमे, माहाजि टेडिघरिक हे़निङ्बेॽनोॽ पे़आप्इम्मे। टाङ्बानुङ टुहा मोति आक्माजि ए़ॽपिसानुमे, आक्टोॽ ले़ःॽटानुमहोङ खोजिमि सराङेॽ माहा सिॽइन्डुजे।
ङाःगानुमे, योगानुमेनुङ ढकढक रोगानुमे
(लुका ११:९-१३)
7 “ङाःगानुमे मोबा चुप्मिन्डानुमे, योगानुमे मोबा योक्टोॽइन्डानुमे, राम्डेम ढकढक रोःगानुमे मोबा हे़निङ्मि लागि मो हेम्बोक्इये। 8इन्ढोङ्होङ ङाःक्खुबे़ॽ चुप्मिन्डुए, योक्खुबे़ॽ योक्टोॽइन्डुए मोबा राम्डेम ढकढक रोःक्खुबामि लागि मो हेम्बोॽइये। 9हे़निङ्बेॽ असे़ॽटे, टाङ्बामि पसाडे़ॽ चरेपा ङाःक्माबेॽ रुङ्गोॽवा पिन्डुए ? 10अथबा ङा ङाःक्माबेॽ पुसे़ॽ पिन्डुए ? 11मोडोॽ हे़निङ मङे़हा पापि ले़न्डानिङ्रोसो टाङ्बामि पसाजि नुबा खा पिलेन्डानुमहोङ, थाङ्सिरिबेॽ टुघुबा निवाहाङ पाबाडे़ॽ खोनुङ ङाःक्खुबाजि नुबा खा पिमा छना मिङ्इये।”
ए़डे़म्मा राम्डेमनुङ एडे़ॽमा राम
(लुका ६:३१; १३:२४)
12 हाइखा याॽमिजिडे़ॽ हे़निङ्नुङ इन्डोक्मा बेबहार ले़टुजिरो मिॽइन्डानुमे, याक्लो हे़निङे़ॽसो मोडोक्नोॽ ले़टानुमे, इगोनोॽ निवाहाङ्डे़ॽ मोसा पिबॽआ आग्यानुङ, अगमबक्ताजिडे़ॽ पिबॽआ सिक्छेमि मुल ले़ये।
13 “नासि लिढाम ठाउँबेॽ रुक्ठाम राम्डेमनुङ मराम बेॽए ले़ये मोबेॽ राम्मा ने़ःक्चा ले़ये, इगो रामबाङ राम्खुबा बेॽलो टुम्मे। ए़डे़म्मा राम्डेमबाङ होङ्सिॽयु पे़खडानिङे। 14इन्ढोङ्होङ हिङ्मवाबेॽ रुक्ठाम राम्डेम ए़डे़म्मा ले़ये मोबेॽ राम्मा छॽइये। मो रामबेॽ राम्घुबाजि ए़डेॽवारेॽ टुम्मे।
याॽमि खोमि योम्बोकबाङ लेडोक्हेये
(लुका ६:४३-४६; १३:२५-२७)
15 “मे़ॽनोक्हा अगमबक्ताजिबाङ होसियार ले़टानिङे। माहाजि सामुडोॽ लिनुङ लेङ्इम्मे, तर होङ्सिॽयु चाहिँ किस्सिमारोहा एःभाजिडोॽ ले़म्मे। 16हे़निङे़ॽ माहाजि खोजिमि योम्बोकबाङ्नोॽ लेहेन्डानुम। इमा चिजिङ्मि डाङ्बेॽ अङ्गुरनुङ सिउडिमि डाङ्बेॽ वेॽलाभुमि चा किङ्इये ? 17नुबा डाङ्बाङ नुबानोॽ चा किङ्इहा। तर मङे़हा डाङ्बाङ मङे़हानोॽ चा किङ्इहा। 18नुबा डाङ्बेॽ, मङे़हा चा किङ्हेनि, मङे़हा डाङ्बेॽ नुबा चा किङ्हेनि। 19नुबा चा मे़ङ्किङ्खुबा चोप डाङ चेन्नुङ मिबेॽ राप्पेमानोॽ खे़ये। 20इडोक्नोॽ मे़ॽनोक्हा अगमबक्ताजि खोजिमि योम्बोकबाङ्नोॽ लेन्डानुमे।
21 “का ‘परभु परभु’ लुघुबाजि चोप याॽमिजि थाङ्सिरिमि राज्यबेॽ पे़खे़ॽहेमिनि। थाङ्सिरिॽटु पेङ्खुबा के़ए़ पाबाडे़ॽ मिॽपॽआडोॽ योम्बोक ले़ःॽखुबाजिरेॽ निवाहाङ्मि राज्यबेॽ पे़खे़ॽहेम्मे। 22मो याक बेॽलो याॽमिजिडे़ॽ का इडोॽ लुम्मे, ‘परभु, परभु, इमा कानिङे़ॽ हे़ने़ए़ निङ्बेॽ अगमबानि मे़इःसुङ्मे ? हे़ने़ए़ निङ्बेॽ मङे़हा चापजि मे़यिगुङ्मे़ ? इमा हे़ने़ए़ निङ्बेॽ सक्तिनुङ्हा योम्बोक मे़ले़टुङ्मे़ ?’ 23मोडोक्पेॽ माहाजि लुनुङ्हाजि, ‘निवाहाङ्मि नियमडे़ॽ लुडिडोॽ मे़ले़ःॽखुबा याॽमिजि, के़ॽ हे़निङ लेनिम्नानि काबाङ ओः खे़ॽपेसानिङे।’
निच्चि खालहा खिममि जग
(लुका ६:४७-४९)
24 “मोडोगे़ॽ इघा के़हा बचन खेम्नुङ पालना ले़ःॽखुबा याॽमि चाहिँ, रुङ्गोॽवासोक्पेॽ टाङ्बामि खिममि जग टोङ्खुबा चेन्दुबा याॽमिडोॽ ले़ये। 25मोबा फुइक्सुमा, वारिनुङ वाडुम लेन्नुङ मो खिम रोःगु तर मो खिम मे़योघडा इन्ढोङ्होङ मो खिम रुङ्गोॽवासोक्पेॽ आङ्बॽआ ले़टे़। 26तर के़हा इघा बचन खेम्नुङ्सो पालना मे़ले़ःॽखुबा याॽमि चाहिँ रुङ्गोॽवासे़ॽवाबेॽ खिम आङ्खुबा उम्बरिङ याॽमिडोॽमा ले़ये। 27खिम आङ्सेॽ ए़क्साङ फुइक्सुमा, वारिनुङ वाडुम लेस्सा मोबा मोमि खिम चोप योघडा।”
28येसुडे़ॽ इघा सिक्छे इःॽसेॽनुङ ए़क्साङ, मोबेॽ सुम्बॽआ याॽमिजि खरि मिनामि। 29इन्ढोङ्होङ येसुडे़ॽ यहुदि धारमिक नियम इःॽखुबाजिडे़ॽ इःॽटिडोॽ ने़ॽनि तर अधिकारनुङ सिक्छे इःडुजे।
Айни замон обунашуда:
मत्ति 7: YAMP
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society