पेरीत 17
17
थिस्सलुनीयो यहूदीगीन को बिरोध
1वय अम्फिपुलिस अना अपुल्लोनिया नगर को यातरा पूरो करके वय थिस्सलुनीके नगर आइन। जहान यहूदी गीन को सभाघर होतो। 2पौलुस अपरी रीत को लक वहान उनलक भेटयो। उनना तीन हपता को पवीतर दिवस लक उन को संग मा बिचार राखिस। 3अना गिरंथ लक उनला समझात हुया, असो सिकात रहयो, का मसीह ला दुख भोगनो च होतो। अना मरया हुया मा लक जित्तो होवनो#17:3पुनुरुथान जरूरी होतो। अना “यो यीसु च से जोन को मी तुमरो बीच मा पिरचार करासेऊ मसीह सेत।” 4उनमा लक काही लोकगीन न भरोसा करीन, अखीन वय पौलुस अना सीलास को संग मिल गईन। परमेस्वर लक भेव राखनवारा अनगिनत गैरयहुदी भी उनमा मिल गइन। इनमा लगत आई माई गीन भी होतिन।
5पर यहूदी ईरसा अना जलनखोरी करन लगीन। अखीन उनना हाट का काही गुन्डा बदमास गीनला जमा करीन। अना नगर मा दंगा करा देईन। वय यासिन को घर पहुच गइन। अना यो कोसीस करन लगीन का कोनी परकार लक पौलुस अखीन सीलास ला लोकगिन पुड़ा मनजे। 6जब वय उनला नही भेटयो ता वय यासोन अखीन काही भाऊ गीन ला सहेर को पूड़ा घसीट के आनीन अना चिल्लाइन। ए लोक गिन सब कन उथल-पूथल करयो सेत अबा यो सहेर मा आयो सेत। 7यासोन न इनला अपरो यहान राखीसेस। अना ये सब लोक कैसर राजा को नियम को बिरोध मा काम करासेत। अना कव्हसेत का अवर एक राजा सेत जोनको नाव यीसु से। 8असो आयक के भीड़ अना अधिकारी भडक गयो। 9अना छुड़ायो जावनको लाय लगनवारा पैसा आन के अधिकारी गिन उनला अना यासेन ला छोड़ देइन।
बिरीया सहेर मा पौलुस
10भाऊ-बहिन न गदने रातो-रात पौलुस अना सीलास ला बिरीया नगर मा धाडीस। वहान पहुच के वय यहूदी गीन को सभाघर मा गईन। 11यो यहूदी थिस्सलुनीके यहूदिगीन लक लगत उदार होतिन। वय मोठि खुसी लक पिरभू की खबर आयकावत होतीन। अना वोकी खराई ला जाँचन लाई हर दिवस पवितर गिरंथ मा जाँचत होतीन। का यो गोस्टी असो सेति का नहाति। 12एको परिनाम मा लगत सा यहुदी अना गैर यहदी अना रहीस आईमाई ना भी बिस्वास करन लगीन। 13जबा थिस्सलुनीके को यहूदीगीन ला यो मालूम भयो तो वय बिरीया नगर मा आइन। अना बीरिया मा पौलुस को खिलाप लोकगीन ला भडकावन अना गुस्सा दिलावन लगीन। 14एकोलाय तभी भाऊ गिन ना गदने पौलुस ला सागर को कगर जावन लाय धाड़ दियो। पर सिलास अना तिमोथी वहाच रहयो। 15पौलुस को लिजावन वारा लोकगिन ना वोला अथेन पहुचा देइन। अना, सीलास अना तीमोथी ला कहीन का तुमी लवकर आव अना वय चले गइन।
16जबा पौलुस अथेने नगर मा सीलास अना तिमोथी की रास्ता चोवत होतो। ता नगर मा देवता की मुरत की भरमार चोयके ओको “करेजा जर गयो।” 17एकोलाई उ हर रोज यहूदी गीन युनानी लक बहेस करत होतो। इतरोच नही उ बाजार हाट मा जोन आवत-जावत होतीन। उनको संग मा भी बहेस करत होतो।
18काही एपिकूरी अना स्तोइकी सिक्सक भी वोको लक बहेस करन लगीन। उन मा लक लोक कव्हन लगीन “यो बाकवाद करन वालो काजक चाहवासे ‘दुसरो न कहीस’ यो त विदेसी देव गीन पिरचार करन वालो मालुम पडसे” उनना एकोलाई कहीस का उ यीसु को बारे मा उपदेस देवत होतो। मंग जित्तो होवन को पिरचार करत होतो। 19एको लाई वय पौलुस ला अपरो संग अरियोपिगुस महा सभा मा ले गईन। अना उनला कहीन का हमी जान सका सेजन का तुमी या कौनती नवी सिक्सा देय रहीसेव? 20तुमी काही असी गोस्टी कव्हसेव, जोन हमरो कान लगावन वालो गोस्टी लगासे। हमी जाननो चाव्हसेजन का वोको अरथ का से? 21काहेकी अथेने नगर का सबच रव्हनवारा अना वहान का रव्हनवारा विदेसी नवी-नवी गोस्टी आयकावन अना आयकन को अलावा अखीन काही काम मा नही बितावत होतिन।
22अरियोपिगुस#17:22 भासन देने का एक मंच न्यायालाय को पुड़ा उभो होयके पौलुस न यो कहीस “अथेने नगर को रव्हन वारा महान गीन! मी चोय रही सेव का तुमी लोक हर पिरकार लक मोठो धरम पिरेम से।” 23जबा मी हिंडता-फिरता तुमरी उपासना को चीजगीन ला देख रही सेव, ता मोला एक होमनकुन्ड मिली जेनको पर यो लिख्यो से। “जोन ला आमी नही जानासेजन वा परमेस्वर काजी,” तुमी लोक उ परमेस्वर लक बेखबर सेव जेकी पुजा करासेव, “मी वोकी खबर तुमला आयकावसु।” 24जेना परमेस्वर न दुनिया अना वोको मा जोन काही सेत उ सब बनाईसेस, अखीन जोन बादर अना धरती को पिरभू से उ मानूस को हात लक बनाया हुया मंदिर मा नही रव्ह। 25अना वोला कोनी चीज को कमी नहाय, ता वोको मानूसगिन को हात लक सेवा नही होय सका। काहेकी उ ता खुदच सबला सांस अना सब कही देवासेत। 26वोना एकच मानूस लक सबरी मानूस लोक ला पैदा करीस। जोनलक वय सारी धरती पर बस जाय। अना वोना च मानूस गीन की बेरा पक्को कर देइसेस। अना जहान वय सेत वोना जघा मा रव्हन की सीवमेंडो ला पक्को करीसेस। 27एको मतलब यो सेत का वय परमेस्वर को खोज करे। अना वोला खोजता हुया हो सक सेत उनला मिल जाय। एतरो होवन मा भी उ आमरो लक दुहुर नाहती। 28काहेकी वोकोच मा हमी जित्तो सेजन। अना वोमच आमरो हिंड़नो-फिरनो सेत।
अना वोच मा आमरो जिंदगी सेत।
असो परकार तुमरो कितरो लिखनवारा ना लिखि सेत,
का अमी वोको च सन्तान सेजन।
29मंग अमी परमेस्वर को लेकरा-बारा आजन। एकोलाय अमीला यो समझनो जरुरी सेत का उ परमेस्वर सो-खूरो या गोटा की मुरत नाहती, जोनला मानुसगिन बनावसेत। 30यो गोस्टी ला जूनो जमाना मा परमेस्वर ना अगियानी समज के टाल दियोसेत। पर अबा सब मानुसगिन ला यो अगियानी पन लक हिटके मन मा सही बिचार आनन को मौका देवासेत। 31काहेका हरेक मानूस काजी वोना एक दिवस ठहरायोसेस, का वोना मानूस लक सब संसार को मानूस को धरमी पन लक न्याय करहेत। जेना वोला पयले लक ठहरायो। अना वोला मारयो मा लक जित्तो करीस, “एना गोस्टी ला पक्को करीसेस।”
32जबा उनला मरयो हुयो मा लक जित्तो उठनो की गोस्टी आयकिस। तो उन मा लक काही तो वोको हासी उडावन लगीन बल्की काही न कहिन हमी यो तोरो पिरवचन मघा आयकबीन। 33अना पौलुस उनको बीच लक चली गयो। 34मंग कोनी मानूस वोको संग भय गयो, अना बिस्वासी बन गयो। जसो न्यायालय को मुखिया दियोनिसियुस, दमरिस नाव की आई-माई अखीन काही मानूस।
Айни замон обунашуда:
पेरीत 17: NTPSP23
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
The New Testament in Powari Language © The Word for the World International and Powari Madhya Pradesh, 2023.