Apostoloin ruavot 6
6
Seiččie diakonua vallitah
1Niilöih aigoih opastujien joukko ainos vai kazvoi. Gretsienkielizet jevreit ruvettih kiistämäh jevreinkielizienke, buite heijän leskinaizii vuarrettih jogapäivällisty abuu jagajes. 2Sit net kaksitostu apostolua kučuttih yhteh kogo opastujien joukko i sanottih heile: «Ei ole hyvä, ku myö, apostolat einehen jagamizen täh jätämmö bokkah Jumalan sanan. 3Vallikkua, vellet, teijän keskes seiččie miesty, kudamih näh kaikin sanotah vai hyviä da kudamat ollah tävvet Hengie da mielevytty, heidy myö panemmo täh ruadoh. 4A sit myö voimmo anduakseh malitule da Jumalan sanan jagamizele.» 5Tämä pagin oli mieldy myö kogo joukole. Hyö vallittih Stefan – mies, kudai oli täyzi uskuo da Pyhiä Hengie, Hilippy, Prohoru, Nikanor, Timon, Parmen da Miikul, jevreilöin vieroh kiändynyh antiohielaine. 6Heidy tuodih apostoloin edeh, i apostolat molittihes da pandih käit heijän piäle.
7Jumalan sana ainos vai levii muadu myö. Opastujien joukko ruttoh liženi Jerusalimas, da monet papitgi roittihes uskon kuundelijoikse.
Stefan otetah kiini
8Stefan oli täyzi hyvytty da vägie, häi luadii suurii kummii da tunnusruadoloi rahvahan keskes. 9Sit erähät miehet ruvettih kiistämäh hänenke; yhtet heis kuuluttih, kui sanotah, välläle piästettylöin#6:9 Välläle piästetyt oldih endizii orjii. kirineilazien da alek sandrialazien sinagougah, toizet oldih Kilikiespäi da Aaziespäi. 10No hyö ei voidu vastustua sidä mielevytty da Hengen vägie, kudamal pagizi Stefan. 11Sit hyö peitoči kuhkutettih erähii miehii sanomah: «Olemmo kuulluh händy pagizemas pahua Moiseih da Jumalah näh.» 12Hyö yllytettih rahvastu, rahvahan vahnimii, zakonanopastajii, sit tuldih käzin Stefanah da viettih händy N՚evvokunnan edeh. 13Sinne hyö tuodih miehii, kudamat oigevuolleh viäritettih Stefanua. Hyö sanottih: «Tämä mies heittelemättäh pagizou tädä pyhiä kohtua da Zakonua vastah. 14Myö kuulimmo, gu häi sanoi, buite Iisus, se Nazariettalaine, hävittäy tämän kohtan da muuttau eländytavat, kudamat Moisei on meile andanuh.» 15Kaikin, ket istuttih N՚evvokunnas, nostettih silmät Stefanah, i hänen rožat ozutettihes heile anhelin nägözekse.
Айни замон обунашуда:
Apostoloin ruavot 6: LIVVI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003