मरकुस ईं सुब समाचार गै बारै में
ईं सुब समाचार गै बारै में
ओ सुब समाचार मरकुस गै नाम पर, खास चेलै पतरस गै आध्यात्मिक बेटै अर ईं सुब समाचार गै लेखक गै नाम ऊं जाण्यो जावै है। ईं किताब में आपां यीसू मसी नै जाणा हां झिकै अधिकार गै सागै आपगो काम करयो हो।
मरकुस यरुसलेम में रेवंतो हो अर बरनाबास गै काकै गो बेटो हो अर बिंगी मां गो नाम मरियम हो। पेली परचार यातरा गै टेम मरकुस पौलुस अर बरनाबास गै सागै हो। पण बिचाळै ई बो पाछो आ'ग्यो हो। बिंगो इब्रानी नाम यूहना अर लतीन नाम मरकुस हो।
ईं किताब नै रोम में ईस्वी सन् 55 ऊं 65 में लिखी गेई ही।
आपां नै ईं किताब में यीसू गा काम अर सिक्सा गी जाणकारी विस्तार ऊं मिलै है। मरकुस ईं किताब में यीसू मसी नै ओपरी नै काड़णो अर पाप माफ करण गी ताकत गै सागै दिखायो है। ईं किताब में यीसू मसी परमेसर गो बेटो है। बो ईं धरती पर आयो क्यूंकै लोगां गै पाप खातर आपगो जीवन दियो अर लोगां नै बांगै पापां ऊं बचाया।
रूप रेखा
सुब समाचार गी सरुआत 1:1-13
गलील में यीसू गी सेवकाइ 1:14–9:50
गलील ऊं यरुसलेम जाणो 10:1-52
यरुसलेम में आखरी हप्तो 11:1–15:47
यीसू गो जी उठणो 16:1-8
जींवंतै प्रभु गो दिखणो अर सुरग जाणो 16:9-20
Айни замон обунашуда:
मरकुस ईं सुब समाचार गै बारै में: BGQ
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust