Wĭkheegŭn 1
1
1Tanĕk’ ŭmskooŏs’ machahak’ Kŭlocswagŭn eoos’: ha neaga Kŭlooswagŭn wejāooa’bŭnĭl Nŭkskamŭl: ha neaga Kŭlooswagŭn Nŭkskamwewoos’.
2Yoot tanĕk’ ŭmskooŏs’ machahak’ wejāooa’bŭnĭl Nŭkskamŭl.
3’Mseu kĕkwsăl ooche‐kesetăsoosŭp’ŭnĭl nāgŭm; ha neaga tan skat kese’tookŭs’, skat kesetăsewĭs’.
4Nāgŭm oohŭkĕk pŭmowsooagŭn eoos’; ha neet pŭmowsooagŭn oopŭsâkwhĕkŭmooŏ pŭmowsooenooŭk.
5Ha pŭsakwhĕk lebeteahtĕs pĭskâhtādook, ha pĭskâhtĕk skadama wekwĕhtoonāweepŭn.
6Pŭmowsoo’enoo’ oochĭpchetak’anĕs’ Nŭkskamooĭkŏŏk le’ wesoos Sabadĭs.
7Nāgŭm ooche‐pŭkŭchehĕs’ oonoochĭnspeu‐wŏŏlaman, oonŭspeuwŏŏlămăd’ŭmŭn yoot pŭsakwhĕk; wĕlaman ’mseu wānĭk ooche‐woolămsŭtŭmoote’nea nāgŭm oohŭkĕk.
8Skat net nāgŭm pŭsakwhĕk, kānookŭloo ŭpcheda’kanĕs’ oonŭspeuwŏŏlămăd’ŭmŭn yoot pŭsakwhĕk.
9Net oolămāwagŭne‐pŭsakwhĕk tan egŭhak’s ooskĭt’kŭmĭkw, pŭsakwhā’tooŏts’ ’mseu pŭmowsoo’enoo’.
10Nāgŭm eoos’ ooskĭt’kŭmĭkw, ha neaga ooskĭt’kŭmĭkw oochekesĭh’tasoos nāgŭm oohŭkĕk, ha neaga ooskĭt’kŭmĭkw skadama ookŭchĭjehoogooesŭb’ŭnĭl.
11Pŭkŭchehĕs’ tan yoot nāgŭm tĕbĕltŭk, ha nāgŭm tĕbĕltŭk skat wekwĕhlŭgooŭn.
12Kānookŭloo tanĭhĭ wekwĕhlĭjĭhĭ oomelanĕs’ tŭpĕltŭmooagŭn Nŭkskam oonejanĭn, nĭktŭna tanĭk wĕlamāwĕltŭmat we’sooŭn.
13Tanĭk skat wĕje‐nŭmekŭsoolteekwĭk pŭka’kŭnŭk, kŭsŭna ’mhŭk ooledŭhadŭmooa’gŭnŭm ĭkŏŏk, kŭsŭna pŭmowsooenooŭk ooledŭhadŭmooagŭnŭmoo‐ĭkoo’ŏk; kānookŭloo oochenŭmegoosooltooŭk Nŭkskam‐ooĭkŏŏk.
14Ha Kŭlooswagŭn ’mhŭkooĕsoos’, ha eoos’ tan āāyŭkw, ha k’nŭmetooŏnĕnoopŭn ookechetŭmetŭhadŭmooagŭn; stŭkā’ Wāgwŏŏsĭt Nŭkskam wĭhwebeu’ ookwŏŏsŭl ookechetŭmetŭhadŭmooagŭn, ŭpsŭnpoos’ hŭlĕlmoogwāwagŭn ha neaga oolămāwagŭn.
15Sabadis, (San), oonŭspeuwŏŏlămalasŭbŭnĭl, ha ootookĕmĭhtăsoos’, eetŭmoos’: Woot nāgŭm tan woot nĕstŭhookpŭn [tan ĕgedŭman’] tan woot wĕjepŭkŭchehat n’tasedāmŭk eoos mĕskw nel ā’ewŏn’, ee’bŭchŭl peĕmek’chetŭmĭtpŭsoo katŭk nel.
16Ha ’mseu tan kĕseyŭk’w koochim‐sŭnŭmŭn‐ĕnoo’pŭn oopŭsnāta’gŭnŭm, ha neaga lĕlmoogwāwagŭn ooche lĕlmoogwāwagŭn.
17Kānookŭloo bootoosooagŭn oochemelooŏnĕs’ Mooĭsk, kānookŭloo lĕlmoogwāwagŭn ha neaga oolămāwagŭn ooche‐ch’kooehĕs’ Sāsoos oohŭkĕk.
18Mĕskw wĕn nŭmehow’eŭl Nŭkskamŭl tan tĕpŏŏkt toocheu; wĭhwebu Ookwŏŏsŭl tan Oometâkwsŭl ootlămsĕk āelejĭl, nāgŭm ookesăgŭnemal.
19Net yoot Sabadĭs oonŭspeuwŏŏlămāwagŭn tan toocheu Lĕsweesŭk oochĭpchedaka’nea Sāloosălĕmk’ pahtŭleaas ha neaga Lebeik’ wĕdabĕkselejĭhĭ oopabĕhchema’nea: Wĕn kel?
20Ha oopabĕkăgŭnoodŭmooa, ha skat ookadooŭn, kānook oopabĕkagŭnoodŭmooa, eedŭm: Nel skat Newĕskooweu.
21Eaga ootŭle‐pabĕhchema’nea: Kĕkwsā’ŭloo? Kel net Eleijah? Sabadĭs eetum: Skat: Kel net nekanikchĭjeta’kāwĭn? Asedāmat: Skat.
22Netwāje yŭhatĭt: Wĕn kel? wĕlaman n’keseasedĕma’nooŭk tanĭk pĕjetakŭlĭnŭmŭkpŭnĭk: tanŭloo ŭktŭloo’dŭmŭn ŭkhŭk?
23Sabadis eetŭm: Nel ookŭloosooagŭn tan wĕn ĕtlookĕmĭts bakŭtakŭmeekw, ĕtleëdŭkŭs: Oolekeakwādook Ukchesakŭm ootowt’: tan e’dŭkŭs nekanĭkchĭjeta’kāwĭn Esae.
24Nĭkt tanĭk kesĭpche‐takĕmkŭsŭp’ŭnĭk ooche‐eooltŭsŭb’ŭnĭk Pălooseŭk oohŭkāwŏk.
25Ha oopabĕhchemawŏl, ootehawŏl: Netwāje kĕkwsāŭloo wĕjepapteisooĕhloo’eŭn? skat Newĕskoowewŭn, kŭsŭna Eleijah, kŭsŭna nŭt nekanĭkchĭjetakāwĭn.
26Sabadĭs asedāmât, eetŭm: Choodĕhloo nel n’papteisooĕhloo samagwanŭk; kānookŭloo wĕn sĕhkĕt abaseu ŭkhŭkāwŏk, tan skat kĕjejehawĕkw;
27Nāgŭm nŭt tan wĕjepŭkŭchehat n’tasedāmŭk, ha eoos’ mĕskw nel āewŏn’; tan oochesŭgoonăp’ skat nel ’ntepkow teunāwĭn’ ’ntăpkwĕhtooŏn.
28Net neetŭl kĕkwsāăl keskăjĭtpeaksŭbŭneegŭl Bātăbŭlĕk, kamŭk seep tan ĕlewesooĭk’s Sooldŭn, (Jordan), tan tĕt Sabadĭs ĕtlepapteisooĕhtasĭts.
29Net ā’taeu’ keesook Sabadĭs oonŭmĭhal Sāsoosŭl wĕchkooe’halejĭl tan āĭt, ha eetŭm: Sagĭhŏŏk! K’chenŭkskam Ootŭsepeesŭmŭl, tan machĕptakw ooskĭt’kŭmĭkw lakŭmĭksooagŭn.
30Nāgŭm nŭt tan wĕskooemookpŭn tan eetŭmanpŭn: Ooskedăp oochepŭkŭchehĕ n’tasedāmŭk tan āĭts nel mĕskw a’ewŏn’, eebŭchŭl eoos nel mĕskw ā’ewŏn: (eebŭchŭl ăjepeāmĭkchetŭmĭtpŭsoos’ katŭk nel).
31Ha nel skat n’kŭjejehawis’: kānookŭloo wĕlaman oochemĕswātasĭn Islĕlk’ wĕchkooe‐papteisooĕhlooe‐anpŭn samagwanŭk.
32Ha Sabadĭs ’nspeuwoolămāpŭn, eetŭmoopŭn: Nkesenŭmĭha Nŭkskam oochŭchakool oochebŭnĕgwĕsoo spŭmkeek leegoo stŭkā’ pŭlĕs’, ha ŭngĕsoo oohŭkĕk.
33Ha skat nŭnoo‐oweepŭn; kānookŭloo nāgŭm tan ĕlgemĭtpŭn n’papteisooĕhlooŏn samagwanŭk, n’tehoogoopŭn nel: Uktnŭmehach’ Nŭkskam oochŭchakool oochkooe‐pŭnĕgwĕseelĭn ha n’gĕsooŭl oohŭkĕk, nŭt nāgŭm tan noochepapteisooĕhlooĕt We‐je‐oole‐newĕskwĭt‐ooĭkŏŏk. (Nŭkskam oochŭchakool.)
34Ha nel nŭmehapŭn ha nŭspeuwoolâm’ nŭt choo Nŭkskam ookwŏŏsŭl.
35Net ā’taeu’ keesook Sabadĭs apch sĕhkĕt, ha nesoo tanĭhĭ ĕgĕhkemajĭhĭ [wejāooawŏl.]
36Ha ootŭtlŭsagehal Sāsoosŭl pāmoosālejĭl, eetŭm: Sagĭhŏŏk’! ootŭsepeesŭmŭl Nŭkskam!
37Ha yookt nesooŭk egĕhkemoojĭk oonoodoowawŏl Sabadesŭl ĕtlewĕstoolejĭl, ha nā’gŭmow oonoosookooawŏl Sāsoosŭl.
38Eaga Sāsoos kwŏŏlpekapooĕsoo, ha oonŭmĭha oonoosookagoo, ha ootĭha:
Kĕkwsā’ kwelooŏtooĕkw? Ootehawŏl: Labei, tan kese kwŏŏlpewetasĭk, eetŭmŭn, Uktŭbĕltŭm, (Sakŭm) tama’ k’tĭh’?
39Sāsoos ootĭha: Ch’kookowdĭkw, ha k’nŭmetoonea’ch. Pĕtkowtooŭk ha oonŭmetoo’nea tan tĕt āelĭt, ha wejāooawŏl net keesook. Tamaha’l ’nkoodĭnskĕgāwā’ paskoodeegŭn.
40Pĕskw nĭkt nesejĭk ooskedăp’eŭk tanik oonoodoo‐owŏsŭb’ŭnĭl Sabadesŭl ĕtlewĕstoolejĭl, ha neaga n’noonŏŏsoogooŏnea Sāsoosŭl, Atŭlā’ nŭt, Semoo Peāl wĕjegededejĭl.
41Nāgŭm tŭmk oomŭskooŏl wĭjegededejĭl Semooŭl, ha ootĭhal: N’mŭskooŏn Newĕskwĭt, tan kese kwŏŏlpewetasĭk edasoo Mĭmkwāna.
42Ha oopĕjĭphal Sāsoosk’. Sāsoos āsagĭhat, eetŭm: Kel Semoo, Sona ookwŏŏsŭl. Keel ŭktŭlewehoogŭch Seepŭs, tan kese kwŏŏlpewetasĭk, edasoo, Pŭnŏp’skw, (Peāl.)
43Net kŭtŭk ātaeu’ keesook Sāsoos kŭtelehĕ Goolelĕtk, ha oomŭskoowŏl Pelĭpŭl, ha Sāsoos ootĭhal: Noosookooĭn’.
44Net Pelĭp tŭlāoweu Bĕtsādāk, Atŭlā’ ha Peāl ootoodĕnāwŏ.
45Pelĭp oomŭskooŏ Nataneālŭl, ha ootĭhal: N’kesĭmskooŏn nāgŭm tan Mooes ŭtploodŭmooagŭn ĭkŏŏk, ha neaga nekanĭkchĭjetakāwĭnooŭk ootoowĭkhowŏsĭbŭnĭl, nŭt nŭt Sāsoos Sosĕp ookwŏŏsŭl, tan oochā’ Nasalĕtk.
46Nataneāl ootĭhal: Māch kese kĕkw kŭlooŭt wĕjenoodahhak Nasalĕtk? Pelĭp ootĭhal: Ch’kooe ha sagĭht.
47Sāsoos oonŭmĭhal Nataneālŭl wĕchkooehalejĭl tan āĭt, ha ootŭle‐ăgŭnemal: Sagĭhŏŏk! Islĕlk wedătkoonkŭsĭt, kĕtlāwāooagŭn ĭkŏŏk, tan oohŭkek kĕspoogahlŭtooagŭn skat eyewe.
48Nataneāl ootĭhal: Tama tĕt koochĭkchejĭhe nel? Sāsoos asedāmat, ootĭhal: Mĕskw wekwĭmlook’w Pelĭp, ā’eŭn āmĕkāoo meenĭk‐ŭpŭs’, k’nŭmehooloopŭn.
49Nataneāl asedāmat, ootĭhal: Labei, N’sa’kŭmam, kel Nŭkskam Ookwŏŏsŭl, kel Islĕl Ookĭnchāmŭs’ŭmŭl.
50Sāsoos asedāmat, ootĭhal: Eebŭchŭl k’tehooloopŭn, k’nŭmehooloopŭn āmĕkāoo meenĭk ŭpŭs’, netwāje oolămāwĕlmeŭn? k’nŭmetoonŭl’ch ăjenŭgŭmkĭkwŭnool, ăjeŭsŭge‐na’gootool, skatŭk neetŭl.
51Ha neaga ootĭhal: Ulāu, ŭlāu, yŭhool, ĕlmeha’kch k’nŭmedoo’nch spŭmk pantĕhtĕhch’, ha Nŭkskam ootasālĭm oonagĭh’eŭk ha neaga āmĕhkĕheŭk pŭmowsooĭn Ookwŏŏsŭl oohŭkĕk.
Айни замон обунашуда:
Wĭkheegŭn 1: PQM1870
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
First published by the British and Foreign Bible Society in 1870.