1Mos. 5
5
Muntogat Adam
(1Taw. 1:1-4)
1 #
1Mos. 1:27-28
Nene te surat muntogat Adam. Kateteret Taikamanua aigalai sirimanua, bailuakenangan sia Taikamanua kele tubuNia. 2#Mat. 19:4; Mrk. 10:6 Igalai le sia simanteu samba sinanalep. Isukatnake sia samba oniakenangan sia “Sirimanua”. 3#1Mos. 1:1-4 Keteteret si Adam ainia sangotu telupulu ngarura, bara togania simanteu simakere tubunia, iageti kaunangan oninia Set. 4Lepa nenda si Adam murimanua peile ujunia balungotu ngarura minca samba bara tatoga bagei. 5Aitata' si Adam kateteret ainia sibangotu telupulu ngarura.
6Kateteret ai si Set sangotulima ngarura, bara togania simanteu, oninia si Enos. 7Lepa nenda si Set murimanua peile ujunia balungotu pitu ngarura minca samba bara tatoga bagei. 8Aitata' si Set kateteret ainia sibangotupulurua ngarura.
9Kateteret si Enos ainia sibapulu ngarura, bara togania simanteu, oninia si Kenan. 10Lepa nenda si Enos murimanua peilenia ujunia balungotu pululima ngarura minca samba bara tatoga bagei. 11Aitata' ainia sibangotulima ngarura.
12Kateteret si Kenan ainia pitupulu ngarura, bara togania simanteu, oninia Mahalaleel. 13Si kenan aipeile murimanua ujunia balungotu epatpulu ngarura minca samba bara tatoga bagei. 14Aitata' ainia sibangotupulu ngarura.
15Kateteret si Mahalaleel ainia enem pululima ngarura, bara togania simanteu, oninia Jared. 16Lepa nenda Mahalaleel murimanua peilenia ujunia balungotu telupulu ngarura minca samba bara tatoga bagei. 17Aitata' ainia balungotu sibapululima ngarura.
18Kateteret ai si Jared sangotu enempulurua ngarura, bara togania simanteu, oninia si Henokh. 19Lepa nenda si Jared murimanua peilenia ujunia balungotu ngarura minca samba bara tatoga bagei. 20Aitata' ainia sibangotu enem pulurua ngarura.
21Kateteret ai si Henokh enem pululima ngarura, bara togania simanteu, ononia Metusalah. 22Lepa nenda si Henokh murimanua kabagat pusaraat pasamba Taikamanua ujunia telungotu ngarura. Bara togania bagei 23samba iaili telungotu enempululima ngaruraa. 24#Ibr. 11:5; Jud. 14 Kalulut si Henokh mariuriu ipusara murimanua pasamba Taikamanua, mapepenangan kalulut aialania Taikamanua.
25Kateteret si Metusalah ainia sangotu balu pulu pitu ngarura, bara togania simanteu, oninia Lamekh. 26Lepa nenda si Metusalah murimanua peilenia ujunia pitungotu balupulurua ngarura. 27Aitata' ainia sibangotu enem pulusiba ngarura.
28Kateteret si Lamekh ainia sangotu balupulurua ngarura, bara togania simanteu. 29Kuanangan si Lamekh, “Toga nene geti iake le attinang kateteret tapugalai simasane masipasikeli polak sitelei Tuhan.” Lulut nenda oniakenangan toga nenda Noak. 30Lepa nenda si Lamekh murimanua peilenia limangotu sibapululima ngarura minca. Bara tatogania bagei, 31samba langonangannia ainia pitungotu pitupulupitu ngarura.
32Katetere ai si Noak limangotu ngarura, bara togania telu taimanteu, iate si Sem, Jafet samba Ham.
Айни замон обунашуда:
1Mos. 5: MWV
Лаҳзаҳои махсус
Паҳн кунед
Нусха
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Ftg.png&w=128&q=75)
Want to have your highlights saved across all your devices? Sign up or sign in