ወንጌል ዘማርቆስ 12
12
ምዕራፍ 12
ምሳሌ በእንተ ዐጸደ ወይን
1 #
ኢሳ. 5፥1-10፤ ኤር. 2፥21፤ ማቴ. 21፥23-46፤ ሉቃ. 20፥9-19። ወአኀዘ ይመስል ሎሙ ወይቤሎሙ ብእሲ ተከለ ወይነ ወፀቈኖ ወአክረየ ምክያደ ወሐነጸ ማኅፈደ ውስቴቱ ወሤመ ሎቱ ገባረ ወዐቀብተ ወይን ወነገደ። 2ወፈነወ ገብሮ ኀበ ዐቀብተ ወይን በጊዜሁ ያምጽእ ሎቱ እምፍሬ ወይኑ። 3ወአኀዝዎ ወቀሠፍዎ ወፈነውዎ ዕራቆ። 4ወካዕበ ፈነወ ኀቤሆሙ ካልአ ገብሮ ወኪያሁኒ ወገርዎ ወኰርዕዎ ወፈነውዎ አኅሲሮሙ። 5ወፈነወ ሣልሳየኒ#ቦ ዘይቤ «ካልአ» ገብሮ ወኪያሁኒ ቀተልዎ ወፈነወ ባዕዳነኒ አግብርተ ብዙኃነ ቦ ዘቀሠፉ ወቦ ዘቀተሉ። 6ወቦቱ አሐዱ ወልድ ዘያፈቅር ወፈነዎ ኀቤሆሙ ድኅረ ኵሉ እንዘ ይብል የኀፍርዎ ለወልድየሰ። 7ወይቤሉ ገባር ዝንቱ ውእቱ ወራሲሁ ንዑ ንቅትሎ ወንርከብ ርስቶ። 8#ዕብ. 13፥12። ወአኀዝዎ ወአውፅእዎ አፍኣ እምዐጸደ ወይን ወቀተልዎ። 9ምንተ እንከ ይሬስዮሙ በዓለ ወይን ይመጽእ ወይቀትሎሙ ለእልክቱ ገባር ወይሁብ ወይኖ ለካልኣን። 10#መዝ. 117፥22-23፤ ማቴ. 21፥22፤ ግብረ ሐዋ. 4፥11። ወዘኒ ኢያንበብክሙኑ ውስተ መጽሐፍ «እብን እንተ መነንዋ ነደቀት ይእቲ ኮነት ውስተ ርእሰ ማእዘንት። 11እምኀበ እግዚአብሔር ኮነት ዛቲ ወነካር ይእቲ ለአዕይንቲነ።» 12ወፈቀዱ የአኀዝዎ ወፈርህዎሙ ለሕዝብ እስመ አእመሩ ከመ በእንቲኣሆሙ ይቤ ዘንተ አምሳለ ወኀደግዎ ወሖሩ።
ዘከመ ተስእልዎ በእንተ ዲናር
13 #
3፥6፤ ማቴ. 22፥15-22፤ ሉቃ. 20፥20-27። ወፈነዉ ኀቤሁ ፈሪሳውያን ሰብአ ምስለ ሰብአ ሄሮድስ ከመ ያስሕትዎ በቃሉ። 14ወመጽኡ ኀቤሁ ወይቤልዎ ሊቅ ነአምር ከመ ጻድቅ አንተ ወአልቦ ዘያኀዝነከ ወኢመኑሂ፤ ወኢታደሉ ለገጸ ሰብእ ወበጽድቅ ትሜህር ፍኖተ እግዚአብሔር ይከውንሁ ነሀብ ጸባሕተ ዲናር ለቄሳር#ቦ ዘይቤ «ለነጋሢ» አው አልቦ። 15ወአእመሮሙ እግዚእ ኢየሱስ ጕሕሉቶሙ ወይቤሎሙ ለምንት ታሜክሩኒ አምጽኡ ዲናረ ወአርእዩኒ። 16ወአምጽኡ ሎቱ ወይቤሎሙ ዘመኑ ዝንቱ መልክኡ ወመጽሐፉ ወይቤልዎ ዘቄሳር። 17#ሮሜ 13፥7። ወአውሥአ እግዚእ ኢየሱስ ወይቤሎሙ ሀቡ ዘቄሳር ለቄሳር ወዘእግዚአብሔርኒ ግበሩ ለእግዚአብሔር ወአንከርዎ።
በእንተ ሰዱቃውያን እለ ይብሉ አልቦ ትንሣኤ ምዉታን
18 #
ማቴ. 22፥23-33፤ ሉቃ. 20፥27-40። ወመጽኡ ኀቤሁ ሰዱቃውያን እለ ይብሉ አልቦ ትንሣኤ ምዉታን። 19#ዘዳ. 25፥5። ወተስእልዎ ወይቤልዎ ሊቅ ሙሴ ጸሐፈ ለነ ለእመቦ ዘሞተ እኁሁ ወኀደገ ብእሲቶ እንዘ አልቦ ውሉድ ያውስባ እኁሁ ለብእሲቱ ወያቅም ዘርዐ ለእኁሁ። 20ሀለዉ እንከ በኀቤነ ሰብዐቱ አኀው ወአውሰበ ዘይልኅቅ ብእሲተ ወሞተ እንዘ አልቦ ውሉድ። 21ወአውሰባ ካልኡኒ ወሞተ እንዘ አልቦ ውሉድ ወሣልሱኒ ከማሁ። 22ወእስከ ሰብዐቲሆሙ አውሰብዋ ወኢኀደጉ ውሉደ ወድኅረ ኵሎሙ ሞተት ይእቲ ብእሲት። 23አመ የሐይዉ እንከ ምዉታን ለመኑ እምኔሆሙ ትከውኖ ብእሲተ እስመ ሰብዐቲሆሙ አውሰብዋ። 24ወአውሥአ እግዚእ ኢየሱስ ወይቤሎሙ አኮኑ በእንተ ዝንቱ ትስሕቱ በኢያእምሮ መጻሕፍት ወኢኀይለ እግዚአብሔር ። 25ወአመሰ የሐይዉ ምዉታን ኢያወስቡ ወኢይትዋሰቡ አላ ከመ መላእክተ እግዚአብሔር እሙንቱ በሰማያት። 26#ዘፀ. 3፥2-6። ወከመሰ የሐይዉ ምዉታን ኢያንበብክሙኑ በውስተ መጽሐፈ ሙሴ ዘይቤሎ እግዚአብሔር በኀበ ዕፀ ጳጦስ እንዘ ይብል «አነ ውእቱ እግዚአብሔር አምላክከ አምላከ አብርሃም ወአምላከ ይስሐቅ ወአምላከ ያዕቆብ።» 27ኢኮነኬ አምላከ ምዉታን አላ አምላከ ሕያዋን ውእቱ ወአንትሙሰ ብዙኀ ትጌግዩ።
ዘከመ ተስእሎ አሐዱ ጸሓፊ በእንተ ትእዛዛት
28 #
ማቴ. 22፥34-40፤ ሉቃ. 10፥25-29። ወመጽአ አሐዱ ጸሓፊ ሰሚዖ ከመ ተኃሠሥዎ ወሶበ ርእየ ከመ ሠናየ ተሰጥዎሙ ተስእሎ፤ ወይቤሎ አይኑ ትእዛዝ ቀዳሚት እምኵሉ። 29#ዘዳ. 6፥4። ወአውሥአ እግዚእ ኢየሱስ ወይቤሎ ዛቲ ይእቲ ቀዳሚት እምኵሉ ትእዛዝ «ስማዕ እስራኤል እግዚአብሔር አምላክከ#ቦ ዘይቤ «አምላክነ» እግዚአብሔር አሐዱ ውእቱ። 30ወአፍቅሮ ለእግዚአብሔር አምላክከ በኵሉ ልብከ ወበኵሉ ነፍስከ ወበኵሉ ኅሊናከ ወበኵሉ ኀይልከ» ዛቲ ይእቲ ቀዳሚት ትእዛዝ። 31#ዘሌ. 19፥18። ወካልእታሂ እንተ ትመስላ ዛቲ ይእቲ አፍቅር ቢጸከ ከመ ነፍስከ ወዘየዐቢ እምእላንቱ ትእዛዛት አልቦ። 32ወይቤሎ ውእቱ ጸሓፊ ሠናየ ትቤ ሊቅ አማን አሐዱ ውእቱ እግዚአብሔር ወአልቦ ባዕድ ዘእንበሌሁ። 33#1ሳሙ. 15፥22። ወከመ ታፍቅሮ በኵሉ ልብከ ወበኵሉ ነፍስከ ወበኵሉ ኅሊናከ ወበኵሉ ኀይልከ ወከመ ታፍቅር ቢጸከ ከመ ነፍስከ ወዝንቱ ይኄይስ እምኵሉ መባእ ወእምኵሉ መሥዋዕት። 34ወርእዮ ከመ ጠቢብ ውእቱ ይቤሎ እግዚእ ኢየሱስ ኢኮንከ ርኁቀ እመንግሥተ እግዚአብሔር ወአልቦ እንከ ዘተኀበለ ይሰአሎ።
ዘከመ ተስእሎሙ እግዚእ ኢየሱስ
35 #
ማቴ. 22፥41-46፤ ሉቃ. 20፥41-45። ወይቤሎሙ እግዚእ ኢየሱስ እንዘ ይሜህሮሙ በምኵራብ እፎ ይብሉ ጸሐፍት ክርስቶስ ወልደ ዳዊት ውእቱ። 36#መዝ. 109፥1። ወለሊሁሰ ዳዊት ይቤ በመንፈስ ቅዱስ «ይቤሎ እግዚእ ለእግዚእየ ንበር በየማንየ እስከ አገብኦሙ ለጸላእትከ ታሕተ መከየደ እገሪከ።» 37ዘለሊሁ እንከ ዳዊት እግዚእየ ይቤሎ እፎ እንከ ይከውኖ ወልደ ወኵሉ ሕዝብ ሠናየ ያጸምዕዎ።
በእንተ ተዐቅቦ እምግብረ ጸሐፍት
38 #
ማቴ. 23፤ ሉቃ. 20፥45-47። ወይቤሎሙ እንዘ ይሜህሮሙ ዑቁ ወተዐቀቡ እምጸሐፍት እለ ይፈቅዱ ያንሶስዉ ተላቢሶሙ ወይትአምኅዎሙ በምሥያጣት። 39ወያፈቅሩ ነቢረ ፍጽም በውስተ አዕዳዋት ወርእሰ ምርፋቃት በውስተ ምሳሓት። 40እለ ይውኅጥዎን ለአብያተ መበለታት ወይትሜየኑ በነዋኅ ጸሎቶሙ እሉ ይረክቡ ዘየዐቢ ኵነኔ።
በእንተ ክልኤ ጸራይቅ
41 #
2ነገ. 12፥9፤ ሉቃ. 21፥1-5። ወነቢሮ እግዚእ ኢየሱስ#ቦ ዘይዌስክ «ኆኅተ ምኵራብ» መንጸረ ሙዳየ ምጽዋት ይሬኢ ሰብአ ዘያበውኡ ጸራይቀ ወይወድዩ ውስተ ሙዳየ ምጽዋት ወብዙኃን አብዕልት እለ አብኡ ብዙኀ። 42ወመጽአት አሐቲ ብእሲት ነዳዪት መበለት ወአብአት ክልኤ ጸራይቀ ዘይብልዎ ቆንደራጢስ። 43ወጸውዖሙ ለአርዳኢሁ ወይቤሎሙ አማን እብለክሙ ከመ ዛቲ ነዳዪት መበለት አብዝኀት አብኦ እምኵሎሙ እለ አብኡ ውስተ ሙዳየ ምጽዋት። 44#2ቆሮ. 8፥12። እስመ ኵሎሙ እለ አብኡ እምተረፎሙ አብኡ ወይእቲሰ እምተጽናሳ ኵሎ ዘባቲ አብአት ወኵሎ መንበርታ።
Айни замон обунашуда:
ወንጌል ዘማርቆስ 12: ሐኪግ
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in