Matayo 15
15
1Llyo Vafarisayo na vaaṛia va mitisine vashea Yesu vauka Yerusalemu. Vakamwia: 2Naamu ki ili vanalosho vafo vakee iburua mikae ya vakuuku? Fulya vatakee isangya maako ili veelyaa shoonga. 3Nae kavaaṛua kavaia: Nki ili ini mukee vaburua ivavaso lya Iṛuva kiimba kya miloshie yo yanu? 4Amu Iṛuva anumbua: India ndeo na maa. Na ulya ammaa ndee ana mae awalwa afwe. 5Neeni munumbuaa: Kwakooya nndu aia ndee ana mae: Filya mwiwariaa kwakwa fa imulela nammaa ifirwaa waviń lwa numba ya Iṛuva. Kyasia nndu to akimakii iindia ndee na mae lingi ndi. 6Nkuro mundeteveta kirero kya Iṛuva kiimba kya wishiviṛi lwa vakuuku vanu. 7Ini vamakavili, Yesaya amuṛonga kisha lia aauya kisuku kanumbua: 8Vandu va vashiindiaa na fiṛomu da, kake ngoo tawo tikee kwaasha nań. 9Nawo vashiindiaa kya ruu kuṛań, neeli miloshie yawo valoshaa mmavavaso a kivandu. 10Kavaanga isyamu lia lya vandu na io akai kavia: Aranyiń na iitumuso! 11Nta nkilya kikee yaka kaniń nkyo kiniingaa nndu ukwe ndi. Kake nkilya kikee isomuka kaniń nkyo kiniingaa nndu ukwe. 12Llyo vanalosho vamwi vakanshea vakamwia: Kwishi sheeli ili Vafarisayo vaita kirero kilya vasua? 13Nae kavaaṛua kanumbua: Mwishi sheeli kilya kyoose kindeveekyo kitaare nNde yakwa wa iṛuvewu andekiveekya kiiṛulwaa. 14Tień iwo! Amu mmidoń iirye midoń ingi mbele. Na ndoń ukairya ndoń ungi mbele vaolokaa woose vali vavili iriniń. 15Petiro kaaṛua kamwia: Tiie misendye ya sumu yo, mbee! 16Yesu kanumbua: Amu neeni kumande alli mukiseere nta kindo mwishi? 17Nta mwammanya se sheeli kindo kyoose kyakaa na ifo kaniń, kyo kyolokaa ndewuń kikasomuka-fo kikakumbwa iriniń? 18Kake filya fuukaa ifo kaniń ka nndu fasomuka fuuka na nrimiń. Nafo mfo finiingaa nndu ukwe. 19Amu ifo nrimiń mfo kundo aukaa makusaṛo makasha na iwaa na waaisi na yaaika na unini na fa ukureki lwa wongo na nrumu. 20Mfo ifo finiingaa nndu ukwe. Kake nndu kalya shoonga na maako atakee masangye ikyo kiniingaa nndu ukwe ndi.
21Kyasia Yesu kauka kulya akai kaenda kulya miingoń ya Tiro na Sidon. 22Na nndu nka wa Vakanaani kanshea auka na kulya miyanuń ya ngyurukeń tilya. Kawaanga na ununga unini eemwiaa: Anna Nndumi Mwana wa Davidi, shililya! Mwana wakwa wa sambuṛa akee yunganiswa nnu ni uketo. 23Nae nta imwanta kirero. Vanalosho vakanserikya vakantereva veemwiaa: Lleke aende, mbee, amu akee iṛoṛongya nnu numa yeru. 24Nae kavaaṛua kavaia: Niń nanrumwa kwa mburu shireti ta ngyufwari ta Isiraeli tubu. 25Na nka ulya kanserikya kawa na si mbele yamwi kamwia: A Nndumi, kwasheelekań? 26Na Yesu kamwaṛua kamwia: Nkisha isoka vana shoonga yawo na yeeṛya makite ndi. 27Na nka ulya kamwia: Ee Nndumi nkya dede. Kake na akwaa mmakite nawo akuliyaa filya fiirikyaa si fuuka faashoń fa womi vayo. 28Llyo Yesu amwaṛua kamwia: Ee nka, ikusura lyafo ni inini. Kikuvie sheeli kufurie. Na sambuṛa yamwi ikava shisha kyeeri kilya kyeni.
29Yesu kakwimboo ifo kafika mbaai ya nruva ya Galilaya. Kasaama uroń kakaa-fo rembo. 30Kashewa nsyamu shiingi ya vandu veemwendyee fitoṛokombo na midoń na vateeshi irera na fisaya na vengi veengi. Vakavarwaa marendeń a Yesu, nae kavakiṛa. 31Na isyamu lia likaṛiika, ili vandelolya vafu uṛoo veereraa, na fisaya filya veeshiaa, na vatoṛokombye valya veendaa, na midoń ilya iilolyaa. Nawo vakaitikisa Iṛuva wa Isiraeli.
32Yesu kavaanga vanalosho vamwi kanumbua: Nawavyo mmuu kiimba kya isyamu li. Fulya yansinda kwakwa mikonu iraru vakee andu emwi nań ana vataare kindo kya ilya. Lingi ilakana nawo vakee na soto nkee imakii ndi, amu vatashe ilemyo ifo shień. 33Vanalosho vamwi vakamwia: Nkwi tuutaa mikate miingi ia ṅṅaloń kumande yawuurusa isyamu li Ufile kuri? 34Yesu kavaia: Moore mikate inga? Vakamwia: Ni mfungare na fikunga faangu. 35Nae kavavasa syamu ilya ikaa rembo. 36Kawaria mikate ilya na makunga alya. Kaana Iṛuva kaifukyafukya kaniingya vanalosho vamwi. Nawo vakaavya isyamu lia. 37Vakalya woose vakawuura. Vakasańiṛya fibeṛeshu filya fasaa fa mikate vakaishuṛa mikusha mfungare. 38Na iwo vandelya veekee womi fiku fiini vateefo vaka na vana. 39Nae kalakana na syamu ilya. Kaaṛukya ngalaveń kaenda taari ta miingo ya Magidala.
Айни замон обунашуда:
Matayo 15: RWK72
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.