E’doza 11
11
Jo izuru Babeliari
1 #
’Yeta 2:6
Isu de angu wudrikuru dria ma ti ndra alu azini e’yo ’yoza yini ndra alu indio 2#Dan 1:2Te eri nga eca ’dini, yini aciria muria etuni efurialeru, yi nga angu isu dalakaru Sinaria; yi nga ovu ’daa. 3Yi nga ’yo yi eselia, Ama mu, ama ma ’ba biriki, ama ma eve yi teketeke. Oni paria yi ovu biriki be, afa ebizuri paria yi ovu odri be. 4#Azi 1:28; Yoh 5:44; Luk 1:51Yi nga ’yo, Ama mu, ama ma si aku amboru pi, jo izuru driniri cazu kpere ’buari be, amani ru kuza isuzu ani, ama kazu ama erezu saaru angu wudrikuru dria ma alia ku. 5#E’do 18:21; Zab 33:13; 53:2Te Yehova nga esi va aku pi ondrezu jo izururi be, anzi ’banini sile ’diyi. 6#Zab 2:1, 4Yehova nga ’yo, Mi ndre, yi suru alu, yi dria ma ti ’yoza vini alu; te e’yo ’diri eri e’yo yini e’dole ’yeleri; te curu’do yi ngani afa azini yini lele ’yeleri ku ’yekokoru ku. 7#E’do 1:26; 42:23; Azi 28:49; Yer 5:15; ’Yeta 2:4-11; 1 Kor 14:2, 11, 23Ama mu, ama ma si va, ama ma osa ti ’yoza yini, yi ma va yi agyi ma e’yo ’yoza ku beni. 8#E’do 10:25-32; Zab 92:9; O’be 19:29; Luk 1:51’Dini Yehova nga yi ere ndu ndu engazu ’darisi angu wudrikuru dria ma dria, yi nga di aku nde ku siko ja ani. 9#1 Kor 14:23E’yo ’disi ’da di runi Babeli’i, Yehovani ti ’yoza ’ba angu wudrikurua ’diyini osale ’daarisi; te engazu ’dasi Yehova nga yi ere ndu ndu angu wudrikuru dria ma dria.
Semi ma ori
10 #
1 Sur 1:17-27
A’bianzi Semini yi ’di. Semi ma eli ka ca turu alu ’bo, eri nga Aripakisadini ti de eli iri aga yi tiza ma vutia ’bo; 11Semi ovu idriru erini Aripakisadini tizu ’bori ma vutia eli turu towi, nga agianzi oti lezoanzi be.
12 #
Luk 3:35
Aripakisadi ma eli ka ca kali na drini towi, eri nga Selani ti; 13Aripakisadi ovu idriru erini Selani ’tizu ’bori ma vutia eli turu su drini na, nga agianzi oti ezoanzi be. 14Sela ma eli ka ca kali na, eri Inga Eberini ti; 15Sela ovu idriru erini Eberini tizu ’bori ma vutia eli ’turu su drini na, nga agianzi oti ezoanzi be.
16 #
1 Sur 1:19
Eberi ma eli ka ca kali na drini su, eri nga Pelegini ti; 17Eberi ovu idriru erini Pelegini tizu ’bori ma vutia eli turu su drini kali na, nga agianzi oti ezoanzi be.
18Pelegi ma eli ka ca kali na, eri nga Reuni ti; 19Pelegi ovu idriru erini Reuni tizu ’bori ma vutia eli turu iri drini oromi, eri nga agianzi oti ezoanzi be.
20Reu ma eli ka ca kali na drini iri eri nga Serugini ti; 21Reu ovu idriru erini Serugini tizu ’bori ma vutia eli turu iri drini aziri, eri nga agianzi oti ezoanzi be.
22Serugi ma eli ka ca kali na, eri nga Nahorini ti; 23Serugi ovu idriru erini Nahorini tizu ’bori ma vutia eli turu iri, eri nga agianzi oti ezoanzi be.
24Nahori ma eli ka ca kali iri drini oromi, eri nga Terani ti; 25Nahori ovu idriru erini Terani tizu ’bori ma vutia eli turu alu drini mudri drini oromi, eri nga agianzi oti ezoanzi be.
26 #
E’do 12:1; Yos 24:2; 1 Sur 1:26 Tera ma eli ka ca kali aziri, eri nga Iburamu pi oti, Nahori pie, Harani be.
Tera ma ori
27 #
E’do 12:4; 13:10; 14:12; 19:1, 29; 2 Pet 2:7 A’bianzi Terani yi ’di. Tera ti Iburamu pi, Nahori pie, Harani be; Harani ti Lotini. 28Te Harani dra ati Tera ma ageiasi angu Uri ’ba Kalideyaa ’diyini yini eri osizuria. 29#E’do 17:15; 22:20Iburamu pi Nahori be nga oku je yi dri; Iburamu ma oku ma ru Sarai’i, oku Nahorini Milika, Harani Milika pi otipi Isika beri ma zi’i. 30#E’do 16:1Te Saraini ndra ondoni; mvani yo.
31 #
Neh 9:7; ’Yeta 7:4; Ebra 11:8; E’do 10:19 Tera nga mvi erini Iburamu pi ’du ji, Loti Harani mvi mva erini ma nwa pie, Sarai eri ma zia mvi Iburamu ma okururi pie dria, yi fu yi be tualu Uri ’ba Kalideyaa ’diyiniasi, muzu angu Kananinia; yi nga ca Harania, nga ovu ’daa. 32O’du Terani dria ca eli turu iri drini towi; Tera dra di Harania ’daa.
Айни замон обунашуда:
E’doza 11: LB66
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Bible in Lugbara © United Bible Societies, 1966.