MATIUS 4
4
Jhara lua hakko Yesus
(Mrk. 1:12-13; Luk. 4:1-13)
1 #
Ibr. 2:18, 4:15 Ta alla pemina harre ta aggo ke Yesus ri Henga Deo la dhara padha do keji-kejidho tu ta la hakko ri Wango. 2Appa nguru lodho appa nguru rammi Yesus ne do dho nga'a do dho nginu. Moko ta menganga ke No. 3Ta dakka ke Wango jhe lii pa Yesus, ”Au ke ne Ana Deo ne, too? Ki do mina harre ma lii we au pa wowadu do na hedhe ta bharri-anni ta roti.”
4 #
Ul. 8:3
Ta bhale ke ri Yesus pa no, ”Pa dhara Buku Lidara-Likewahhu Deo, do era do hure do bhuke: ’Ddau raiwawa nara dho ta muri mada ngati roti we, tapulara lema ti hari-hari lipedai do pale ri Deo.’ ”
5Ta alla pemina harre ta aggo ke Yesus ri wango ne la Yerusalem, rae do mmau do megala ne, jhe la petito pa bangngu Ammu Deo. 6#Mzm. 91:11-12 Ta lii ke ne Wango ne pa Yesus, ”Au ke ne Ana Deo ne, too? Ki do mina harre, riju ko we au ti dhe la dha'i; rowi do era do hure do bhuke pa dhara Buku Lidara-Likewahhu Deo do mina hedhe,
’Do ta pepu ma ri Deo ne naju No ta ma herimo-heruge au,
do medae au ta henate ri ruai ro, mita do dho goe le ne kae Au pa wowadu.’ ”
7 #
Ul. 6:16
Ta bhale ke ri Yesus pa no, ”Tapulara pa dhara Buku Lidara-Kikewahhu Deo do era do hure du bhuke lema, ’Bhole hakko ri au Deo Muri au.’ ”
8Ta alla pemina harre ta aggo ri ke Yesus ri Wango ne la hewue lede do dhai ketutu, jhe pedhelo pa No hari-hari rai-pereda pa raiwawa nga hari-hari lua kaja nga kete'e no. 9Ta lii ke Wango pa Yesus, ”Hari-hari ne na he dhe do medae ta wie pa au ri ya, hadhi we au ta wiehu nga mejura pa ya.”
10 #
Ul. 6:13
Ta bhale ke ri Yesus pa no, ”Langnga, pejjhau-anni au ngati dhe, Wango! Pa dhara Buku Lidara-Likewahhu Deo do era do hure do bhuke, ’Do jhamma ke mu ta takke pekerihe Muri, Deo mu, jhe pemoke titu wata No we!’ ”
11Pa pedakka rahi ta langnga ke ne Wango ne ti nga Yesus, moko ta dakka ke naju-naju Deo la pemoke Yesus.
Jhare ri Yesus ne lua jhagga No pa Galilea
(Mrk. 1:14-15; Luk. 4:14-15)
12 #
Mat. 14:3; Mrk. 6:17; Luk. 3:19-20 Ta rangnge ri Yesus ta do alle ke Yohanes pepemaho la dhara ammu bhaddho, ta pehira-anni ke No la Galilea.
13 #
Yoh. 2:12
Ta pekaddhi ke No ngati Nazaret, jhe la pee pa Kapernaum do pa ngidi ei-lobo Galilea pa ihi rai Zebolun nga Naftali.
14Hakku tao ri Yesus ne lai do nadhe, mita tobo ke ne lii do alle pepale ri Nabi Yesaya,
15 #
Yes. 9:1-2
”Rai Zebulon nga rai Naftali,
do pa rujhara do ju la ei-lobo, do pa hebhakka Loko Yordan ne,
Galilea adho rai do Yahudi!
16Ddau do muri mada pa dhara lua kerabba
do ngadde ke ri ro ne weo do kelala!
Tu do pee pa dhara rai kerabba made mada
do hhau ke ne weo do kehabbha!”
17 #
Mat. 3:2
Jhari ti awe do naanne ta jhari ke Yesus ta pepeke, ”Jharra we mu ngati lubhu harro nga menyilu mu, rowi do hedharra ke Deo ta ma pereda mii Duae!”
Yesus pedoa do appa ddau mone jhala
(Mrk. 1:16-20; Luk. 5:1-11)
18Pa dhara nga lappa Yesus pa tabbi ei-lobo Galilea, ta ngaddi ke ri No do dhue ddau mone jhala, Simon (do pedoe lema ta Petrus) nga ari no Andreas. Ro do era pa dhara nga jhala nadu'u pa ei-lobo do naanne.
19Ta lii ke Yesus pa ro, ”Mai ma pedute Ya. Do ta ajha mu ri ya ta jadhi mone jhala ddau.” 20Ta kaddhi dhangnge ke ro, hami ne jhala ro, jhe pedute Yesus.
21Ta kako ke Yesus ri, ta ngaddi ke ri No do dhue ddau do pea'a-ari do hewala ri, Yakobus nga Yohanes, ana-ana ri Zebedeus. Era pa dhara nga habhi jhala nga ama ro pa dhara kowa. Ta pedoa ke ro hari do dhue ri Yesus, 22ta kaddhi dhangnge ke ro, hane ne kowa ne nga ama ro, jhe la pedute Yesus.
Yesus wie liajha, peliba lii nga peie do paddha
(Luk. 6:17-19)
23 #
Mat. 9:35; Mrk. 1:39 Pa Galilea, ta bela ke Yesus pekehero hari hewue ihi rai do naanne, jhe ajha ddau ri No pa ammu-ammu hebhajha. Pepeke ri No ne jhara Li Hagha Dhara ta do ta pereda ke Deo. Ddau-ddau do paddha, peie ri No, mina harre lema ne ddau-ddau do lakka ri addha nga hagu. 24Ta menyabbha ke ne lii jhara lua Yesus ne la hari hewue ihi rai Siria, hakku rihi rrau ne ae ddau do dakka langa Yesus. Dakka ro nga aggu ddau-ddau do lakka ri heworawwu-heworawwu paddha nga do hedui-herui. Ddau-ddau do lakka ri rani, do made ki'i nga do made hebhakka, ta peie ke ro hari-hari ri Yesus. 25Dhai ae ne ddau do pedute Yesus pa dhara awe do naanne. Era do dakka ngati Galilea, ti Dekapolis, ti Yerusalem, ti Yudea nga era lema ti rai-rai do pa hebhakka Loko Yordan.
Айни замон обунашуда:
MATIUS 4: LAIHVN
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in