Kisah Rasul-rasul Tumoro ung kitap kenu
Tumoro ung kitap kenu
Ung kitap kenu ém pinantik ni dokter Lukas, si nimantik kangkasii ung kitap Lukas. Ung kitap kenu é lumekep a méipantik witu ung kitap Lukas (Kis. 1:1; Luk. 1:1-4). Witu ung kitap kenu, si Lukas simirita tumoro kura sé aatu ni Yesus mahwoka' u Nuwu' Lé'os tumoro si Yesus wana péléng an tampa wo kura si Roh Lenas timulung ni séra i mahwoka' niitu. Sé makalakez méisirita ni Lukas witu ung kitap kenu é sé zua aatu ni Yesus, si Petrus (Kis. Wéwéténgan 1-12) wo si Paulus (Kis. Wéwéténgan 13-28). Si Lukas kangkasii simirita tumoro sé jamaat kataré-taré, kura ni séra i ma'éman rengana wia sé tou Yahudi (Kis. 11:19) makaz wia sé tou zéi'kan Yahudi (Kis. 13:45-46, 18:6, 28:28). I sé tou zéi'kan Yahudi ma'émano si Yesus, wéwéhan um peligauen néra: Apa sé ma'éman si Yesus é léwo'zéi' ing kumiit un ukum Torat? Mengiit um wéwéténgan 15 i sé tonaas né tou ma'éman wia si Yesus nimeruzla, ni séra timotozla i sé tou zéi'kan Yahudi sé ma'émano si Yesus én zéi'mo totoz kumiit un ukum Torat. Witu ung kitap kenu kangkasii si Lukas makalakez simirita kura si Roh Lenas i mahpaayang wia sé tou ma'éman wo kura kangkasii si Roh Lenas ing kimawasa wia sé tou ma'éman im witi Yerusalem rengané in endo Pentakosta. Puunala niitu, si Roh Lenas éng kimawasa uman wia sé tou sé pinéléng ni Opo Empung, taan i sé tou nima'émanola wia si Yesus Kristus, si Roh Lenas kangkasii éng kimawasamo ni séra. Péléng a méipantik witu ung kitap kenu én tumuzumé sa si Roh Lenas éng kimawasa wia sé tou sé ma'émano si Yesus i milot ni séra im witu un ukuman wana a singkéla'.
Айни замон обунашуда:
Kisah Rasul-rasul Tumoro ung kitap kenu: LAITOM
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in