Juɛl a pwɔdɛn tɛ Mak 3
3
1TƐ ɣoŋ a parɛ Yecu kacɛn cinagog ji; ɔci minɛ ballɛ bɔŋu yhinɛ. 2Wontɛ Yecu gwɔlɛ ma, kan minɛ warɛ pwɔktɛ tɛ ɣoŋ a wuwɛn; akɛ ma luptɛn Eke ti. 3Ɔci Yecu gɔkjɛ minɛ ti, minɛ bɔŋu yhinɛ: Jɔŋɛ nyalɔ. 4Wontɛ Yecu gɔkjɛn makɛn ti: Ma yuokɛn tɛ noŋdɛ wakɛ pwɔdɛn tɛ ɣoŋ a wuwɛn, walɛ ma noŋdɛ wakɛ yayɛn? Tɛ ɣoŋ a wuwɛn ma yuokɛn tɛ noŋɛ aginɛ akɛ minɛ ciyɛ, walɛ noŋɛ aginɛ akɛ minɛ nhugdɛ? Aŋkɛ ma ciyɛn liedɛ. 5Wontɛ Yecu gɔrtɛ ma, Eke lonyɛ eken ti, ma yumgɛn dil a dil, ɔci gɔkjɛn minɛ ti: Bɔŋu luljɛ nyalɔ. Aŋkɛ eke bɔŋu lulɛn: pwɔnɛ dokɛ. 6Ɔci makɛ Paraci kacɛn burɛ, ɔci atɛn nɛ penyɛn jɛyɛn makɛ Kerod, aŋkɛ noŋdɛ yuubjɛ, akɛ Yecu nhugdɛ.
7Yecu yakɛn makɛ botɛn atɛ thul ji: makɛ coŋɛn bɛnɛ ta Galili botɛn Eke ti: 8ɔci ma Judaya, ɔci ma Jerucalem, ɔci ma Idumia, ɔci ma Jordan, ɔci ma Tayɛ, ɔci ma Caydon, ma botɛn Yecu ti, ma a coŋɛn a coŋɛn, tiŋɛn wakɛ tolɛn naŋɛ Yecu, ɔcɛn Eke ti. 9Yecu gɔkjɛn makɛ botɛn ti, aŋkɛ bum a diɛrɛn oodɛ; ma a coŋɛn a coŋɛn, non a cocɛn bawɛ. 10Makɛ coŋɛn pwɔŋɛn Yecu; ɔci makɛ pokɛn yayɛn ɔcɛn Eke ti, aŋkɛ tupcɛ Eke ti. 11Jɔkɛn yayɛn gɔrcɛn Eke, dɛmdɛn inyu ɔci yaadɛn, gɔkjɛn Eke ti: I a Kacɛ Juɔŋ a Tolɛn. 12Ɔci Yecu ɣitɛ jɔkɛn ti aŋkɛ eken gɔkɛ ɔŋkɛ bɛ.
13Yecu kaicɛ pom ti, ɔci borcɛn makɛ tagdɛ Eke: ɔci ma atɛ Eke ti. 14Yecu muŋɛ ma inyakɛn witkɛn ayo, aŋkɛ eken ciyɛ Eke ti, aŋkɛ eken cwundɛ Eke akɛ ma laltɛn tɛ juɛl, ɔci ɣitɛ jɔkɛn ti, 15ɔci jɔkɛn yayɛn yɛpcɛn ɔntɔ. 16Ma mwuŋɛ Yecu tɛ yintɛ a nɛnɛ: Caimon Eke borcɛ Peter; 17ɔci Jakob kacɛ Yebedi, yakɛn mod eken Jɔn; eken Yecu bortɛ Boanergo, kegen nyalɔ tɛntɛn; 18ɔci Andru ɔci Pilip, ɔci Bartolomu, ɔci Matayo, ɔci Tomat, ɔci Jakob kacɛ Alpiat, ɔci Tadayo, ɔci Caimon minɛ Kaynan, 19ɔci Judat Yitkariat, minɛ noŋɛ labjɛ Yecu ti.
20Ɔci Yecu atɛ puwɛ ban ji. Ɔci makɛ coŋɛn nɛnɛ ɔcɛn tɛ ban ji, aŋkɛ non a cocɛn tɛ omtɛ am ballɛ bɛ. 21Ma Yecu tiŋɛn, ma ɔcɛn nɛ coŋɛn ɔŋ, atɛn akɛ Yecu edɛ burɛ, gɔkjɛn: Ɔŋ a pwɔcɛn bɛ, Yecu yanɛn dokɛ. 22Ɔci ma kijɛ wɛragɛ, makɛ bɛnɛ ta Jerucalem gɔkjɛn: Eke mwuŋɛn Beeljebub, ɔci tɛ ciagɔn jɔkɛn tɔlgɛn Eke yibɛ jɔkɛn ɔntɔ. 23Ɔci Yecu borcɛ makɛ, ɔci gɔkjɛn eken ti tɛ parabɔl: Cetan yɛpcɛn Cetan ɔntɔ a ɔki? 24Kan ban a ciɛlɔ cientɛn jidɛn tɛ nhuwɛ eken pokɛn, ban yɔnɛ bɛ. 25Kan ma a ciɛlɔ nhowɛ pokɛn, ma yakɛn ti codɛ bɛ, bawɛn dokɛ. 26Ɔci kan Cetan nhowɛ warɛ eke parɛ, ɔci cientɛn jidɛn, eke yakɛn ti codɛ bɛ, bawɛn dokɛ. 27Minɛ yakɛn ti kacɛ ɣora ɣon minɛ tɛyɛn, akɛ nhogdɛ wakɛ eke ti bawɛ; dalɛ minɛ tɛyɛn wiɛndɛ dokɛ, ɔci eke nhogdɛ wakɛ ballɛ tɛ ɣon eke. 28Ya gɔŋɛ a warɛ ɣɛke ti, Nɔjɛ makɛ maban wakɛnda akɛ wiektɛ ɔntɔ, ɔci wakɛ dharŋɛ budan akɛ wiektɛ ɔntɔ. 29Dalɛ minɛ dhurŋɛ Boŋ a Bɔwɛn ti akɛ wiektɛn ɔntɔ bɛ, nɔjɛ a nɛnɛ yaddɛ a yannɛ dokɛ, aŋɛ dwɔŋɛ, badɛ bɛ. 30Aŋkɛ ma gɔkjɛn: Eke mwuŋɛ juɔŋ a yayɛn.
31Ɔci Yecu megen yakɛn modgɛ bɛnɛ, yɔdɛn tɛ burɛ, bortɛ Yecu. 32Ma a coŋɛn ballɛ conɛn Yecu ti; ɔci ma gɔkjɛn Eke ti: Gwɔlɛ, me ɣɛke yakɛn modgɛ ɣɛke ballɛ burɛ lirtɛ I. 33Aŋkɛ Yecu gɔkjɛn: Me ɔn a minɛ? modgɛ ɔn a makɛ? 34Ɔci Yecu ma gwɔldɛ wakɛnda, gɔkjɛn: Gwɔlɛ, me ɔn ɔci modgɛ ɔn! 35Minɛ noŋdɛ wakɛ tagdɛ Juɔŋ a Tolɛn, eke a me ɔn, eke a kow ɔn, eke a mod ɔn.
Айни замон обунашуда:
Juɛl a pwɔdɛn tɛ Mak 3: MFZ1947
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
First published by British and Foreign Bible Society in 1947.