Luka 22
22
KHAOLO 22.
1MI yana moriho oa señkhue se se sa berisioañ o o birioañ Tlolaganyo, o atametse.
2Mi baperiseti ba bagolu le bakuari ba batla kaha ba ka molaeañ ka gona; gone ba boiha bathu.
3¶ Mi Satane a tsena mo go Yude eo o birioañ Isekariota, eo o le le moñue oa palo ea batuelev.
4Mi ka a ea, a bua le baperiseti ba bagolu, le likala, kaha o tla mo okelañ go bona ka gona.
5Mi ba itumela, mi ba golagana go mo naea lireko.
6Mi a rumalana nabo, mi a batla motla o, o tla mo okelañ go bona ka ona, kua bontsi yoa bathu bo sioñ gona.
7¶ Mi ga tla tsatsi ya señkhue se se sa berisioañ, ye Tlolaganyo e cuanetseñ go tlayoa ka yeona.
8Mi a roma Petero le Yohane, a re, Eañ, lo re etleletse Tlolaganyo, gore re e ye.
9Mi ba mo raea, U rata ra e etleletsa kae?
10Mi a ba raea, Bonañ, etlare lo tsena mo motseñ, lo tla khatlana le monona a roele nkho ea metse; mo saleñ morago le mo tluñ e o eañ go tsena go eona.
11Mi lo tla raea muñ oa ntlu, Moruti oa gu botsa, Ntlu ea boyelo e kae, e ki tla yelañ Tlolaganyo gona le barutoa ba me.
12Mi o tla lo shupetsa ntlu e kholu e e kua gorimo, e e bakancoeñ; bakanyañ gona.
13Mi ka ba ea ba bona yaka a ba buleletse; mi ba bakanya Tlolaganyo.
14Mi ka oura o sina tla, a lula le baaposotoloi ba tuelev ba na nae.
15Mi a ba raea, Ki tlologelecoe ka tlologelelo go ya Tlolaganyo e le lona, ki e si ki shue.
16Gona kia lo raea, Ga ’nkitla ki tlola ki ya ga eona, go tlo go tsamaee e rihahale mo bogosiñ yoa Morimo.
17Mi ka a cula senoelo a itumelela, mi a re, Culañ se lo se abalane;
18Gone kia lo raea, Ga ’nkitla ki noa louñuo loa movine, go tlo go tsamaee, pusho ea Morimo e tle pele.
19¶ Mi ka a tsaea señkhue a itumelela, mi a se roba, a se ba naea, a re, Se ki mele oa me o lo neiloeñ; rihañ se lo ’nkhopole ka shona.
20Gontse yalo le gona, a tsaea senoelo morago ga selalelo, a re, Senoelo se ki kholagano e nca mo mariñ a me, a a lo culogetseñ.
21¶ Mi, bonañ, seatla sa eo o ’nkokañ se na le ’na mo lomatiñ loa boyelo.
22Mi Moroa mothu o ea rure yaka go laocoe; mi go latlega monona eo, o okoañ ki ena!
23Mi ba simolola go botsanya, emañ oa bona eo e ka nañ ena eo o ka rihañ seo se.
24Mi le gona ga na khañ mo go bona, ea go re, eo o ka kaioañ mogolu mo go bona, ki ohe.
25Mi a ba raea, Likhosi tsa merahe lia laola mo go eona; mi ba ba busañ thata, ba birioa Bariheri‐molemo.
26Mi lona lo si ne yalo; mi ena eo mogolu bogolu mo go lona, a a ne yaka eo motlana; mi ena eo o laolañ, a ne yaka eo o rihelañ.
27Gone eo mogolu emañ? Eo o lulañ ha liyoñ, khotsa a ki eo o rihelañ? A ga si ena eo o rutseñ ha liyoñ? mi ’na ki mo go lona yaka eo o rihelañ.
28Mi lona lo ba ba le bantse ba na le ’na mo lipogishoñ tsa me;
29Mi kia lo laolela bogosi, yaka Rre a bo ’ntaoletse;
30Gore lo ye lo noe mo lomatiñ loa boyelo loa me mo bogosiñ yoa me; le go lula mo liruloñ tsa bogosi, lo atlola litsika li tuelev tsa Yeserela.
31¶ Mi Morena a re, Simona, Simona, bona, Satane o lo tlologelecoe go lo hehera yaka mabele;
32Mi ki gu rapeletse, gore tumelo ea gago e si nyelele; mi uena, u tlare u sina shukuloga, u thatahatse bakauleñue ba gago.
33Mi a mo raea, Morena, ki iketleritse go ea nau mo tluñ ea kholegelo, le mo loshuñ.
34Mi a re, Kia gu raea, Petero, Koku e tona ga e kitla e lela gompienu, u tlo u tsamaea u ’ntatole ga teri, u re, ga u ’nkitse.
35Mi a ba raea, Ki rile ki lo roma lo sina khetse ea sereko, le khuatla, le litlaku, a lo loa tloka señue? Mi ba re, Esiñ sepe.
36Mi a ba raea, Mi yana, a eo o nañ le khetse ea sereko, a e tsee, gontse yalo eo o nañ le khuatla, mi ena eo o sinañ caka, a a bapatse seaparo sa gague, a reke ñue.
37Gone kia lo raea, Seo se se se kuariloeñ se cuanetse go rihahala mo go ’na, Mi o la a balecoe le batlori; gone lilo tse li kuariloeñ ga me li na le bokhutlo.
38Mi ba re, Morena, bona caka li tu ki tse. Mi a ba raea, Go lekanye.
39¶ Mi ka a coa a ea kua thabeñ ea Olefa, yaka a tloaetse; mi barutoa ba gague le bona ba mo sala morago.
40Mi ka a sina hitla gona, a ba raea, Rapelañ gore lo si tsene mo thaeloñ.
41Mi a ikhaoganya nabo, e kane e le kua leincue le ka konopeloañ gona, mi a khubama, a rapela.
42A re, Rra, ha u rata, ’ntlosa senoelo se; mi esiñ thato ea me, mi a ea gago e rihale.
43Mi ga iponatsa moengele go ena, a coa kua legorimoñ, a mo thatahatsa.
44Mi ka a le mo tlaleloñ e kholu, a rapela thata bogolu; mi mohuhuco oa gague oa na yaka mashuele a mari a a rothelañ ha hatse.
45Mi ka a sina ema mo thapeloñ, a tla go barutoa ba gague, a ba hitlela ba robaricoe ki bohutsana;
46Mi a ba raea, Lo robaletseñ? Cogañ, lo rapele, gore lo si tsene mo thaeloñ.
47¶ Mi ka a sa bua, bonañ, bontsi, le ena eo o birioañ Yude, moñue oa ba tuelev, a le ha pele ga yona; mi a atamela Yesu go mo atla.
48Mi Yesu a mo raea, Yuda, a u oka Moroa mothu ka katlo?
49Mi bona ba ba nañ nae, ka ba bona se se tla rihahalañ, ba mo raea, Morena a re tla rema ka caka?
50¶ Mi moñue oa bona a rema motlañka oa moperiseti eo mogolu, mi a mo khaola tsebe e e siameñ.
51Mi Yesu a araba, a re, Lesañ yalo. Mi a ama tsebe ea gague, a mo horisa.
52Mi Yesu a raea baperiseti ba bagolu, le bagolu ba tempela, le bagolu ba ba le ba tlile go ena, A lo rule ka licaka le melamu yaka go senokuane?
53Ki rile ki na le lona ka malatsi aotle mo tempeleñ, ga lo e si lo ’ntsetse atla tsa lona; mi oura o ki oa lona, le thata ea lehihi.
54¶ Mi ka ba mo cuara, ba mo goga, ba mo isa kua tluñ ea moperiseti eo mogolu. Mi Petero a latela a le khakala.
55Mi ka ba sina gotsa molelo ha gare ga loloapa, mi ka ba lula mogo, Petero a lula ha gare ga bona.
56Mi mohula moñue a mona ka a rutse ha moleloñ, mi a mo leba thata, a re, Monona eo, le ena o la a na nae.
57Mi a mo latola, a re, Mosari, ga ki mo itse.
58Mi ka lobakanyana lo sina heta, eo moñue a mona, a re, Le uena u oa bona. Mi Petero, e re, Monona, ga si ’na.
59Mi ka e kane e le oura o sina heta, eo moñue a tlomamisa thata, a re, Ka amarure, eo le ena o la a na nae; ka e le Mogalilea.
60Mi Petero a re, Monona, ga ki itse se u se buañ. Mi yana ka a santse a bua koku e tona ea lela ka bonako.
61Mi ka Morena a retologa, a leba Petero. Mi Petero a gakologeloa lehuku ya Morena, kaha o la a mulelela ka gona, U tla ’ntatola ga teri, koku e tona e si e lele.
62Mi Petero a coela kua ntle, a lela ka botluku.
63¶ Mi banona ba ba tsegeritseñ Yesu, ba mo shotla, mi ba mo tlanya.
64Mi ka ba sina mo hapa maitlo, ba mo tlanya mo sehatlogoñ, ba motsa ba re, Shoaba shoaba eo o gu tlantseñ?
65Mi ba bua lilo lintsi kaga gague ka khalo.
66¶ Mi ka bo sina sa, ga phuthega bagolu ba bathu le baperiseti ba bagolu, le bakuari, mi ba mo gogela kua tsekoñ ea bona, ba re,
67Ha e le uena Keresete, re bulelele. Mi a ba raea, Etlare ha ki lo bulelela, ga lo kitla lo rumela;
68Mi le gona ha ’nka lo botsa, ga lo kitla le ’nkaraba, le go ’ntesa ki ea.
69Mi ga yana Moroa mothu, o tla lula mo atleñ se se siameñ sa thata ea Morimo.
70Mi botle ba re, Mi a u Moroa Morimo? Mi a ba raea, Loa re, Ki ’na.
71Mi ba re, Re sa rihañ le cupo? gone rona ka rosi re utluile ka molomo oa gague.
Айни замон обунашуда:
Luka 22: TSN1890
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
this is a historical text maintained by the British and Foreign Bible Society