Luke 22
22
Chapter 22.
1WAIGIEN shibli tlukulthdāwe gū hunt lagunung-ai, Passover hin kyāgang-an, dōng-ēlan.
2Waigien liplet un ga itlagadasgai isgien, ga tukālung-lēgasgai ishin tliku la tl tiitljoulthing-as edē tl kāūgaian; tl baada ga tl lthwaugaian altha.
3Waigien ga tlāalth waugu stunsgai swon, Judas Iscariot hin kyāgan, ai Satan kudsaian.
4Waigien il kaidan gien, liplēt un ga ītlagadasgai isgien, ga captain-gasgai ā ishin tliku tla ga la il isda-tljoulthing-as il kīlūlthaian.
5Waigien tl gudung-ai lāgan, waigien dāla la ga tl isdasang-an.
6Waigien il gwūlāgan, waigien tl shkūlas hung īlā tla ga il isdie il isdagūdang-an.
7Waigien shibli tlukulthdāwe gū shantlanai ijan, tlistleuon passover lumadōgai tl tīie lāgandlu-a.
8Waigien Peter isgien John ishin il kilistiidan, Passover-gai lth itil un tla-elthgīāū, talung tugai una, waigien hin il shouon.
9Gitlanu talung tla-elthgīgai da dung gudung-gung? waigien hin la il shudāwon.
10Waigien hin la il shudāwon, Tlistleuon ilnagai ai dalung isdsasdlu, nung īlthing-a ga jījūs un dalung istlāashang; nuh ai il kudsas ai lth la dlā isdsawong.
11Gitlānū lthdanou-roomgai ijung, a gyang disciplesgai alth passovergai lth tugai una? hin nung Itlagadas dung shudang, hin nung nuh-lēgas dalung shudie lāgung.
12Waigien nuh-shasi ā room euon tla-elthgīgas dalung il kendāashang; gai ā lth tla-elthgīwong, waigien hin la il shudāwon.
13Waigien il istiidāwon gien, tliku la il shudāwon ging-an etsi il keng-āwon; waigien passovergai il tla-elthgī-āwon.
14Waigien tlistleuon waudlu ēlandlu, ga apostlegasgai dung-alth il kāwon.
15Di waugung-ai kōnast, adshi passovergai dalung alth tugai da di gudung-euon-gun;
16Shanung-itlagadas gia ldngdomgai gu ga elthgigai keu, gum housen dalung alth lth tā-ung-ashang dalung ga lth shūs altha, waigien hin la il shudāwon.
17Waigien shkutlang-ū il isdaian, waigien sing il kil-lāgigandlu hin il shouon, Adshi lth isdū, dalung wautliwon lth wausta hūkadalū;
18Adshi sta Shanung-itlagadas gia kingdom-gai katlagai keu, gum housen vine ānē hou dalung alth lth hūtlang-ashang dalung ga lth shus altha, hin il shouon.
19Waigien shibli il isdaian, waigien sing il kil-lāgīgandlu ai il ginanang-an, waigien la ga il isdāwon, Adshi di lthū dalung un isdias ū ijung; di ā dalung gudanung-ai un lth hin waugung-wong, waigien hin il shouon.
20Waigien il lthdanūgīāwondlu, shkutlangwē ishin il isdaian gien hin il shouon, Adshi shkutlang-wē ū di ai dalung un kwah-yang-ungkasas shkotaga outla ijung.
21Waigien gwokeng, di alth nung gia-dahung-kasas stlai adshi tablegai ing-gu di alth ijung.
22Tliku wau kōnast elthgīgun ging-an yenki nung haada Git tligwi isang-kasas altha; nung haada di alth giadah-ung-kasas un tlou gin ga lthwaugīgāashang! waigien hin il shouon.
23Waigien tliku nung et adshi isda-ung-kasas da gut alth il kianung-idāwon.
24Waigien la shū nung itlagadāwos edē ishin il kāūgāwondlu, gu kilth shoutga il gūshūidāwon.
25Waigien hin la il shudāwon, Tliga kulat haade un ga king-gas tla un itlagadāgung-gung; waigien tla un ga ītlagadasgai tla da tlāēdlēalung hin kyāgung-gung.
26Dalung tlou gum ging-an etgai lā-ung-gung; dalung shu sha nung ets tlou akwon dalung un il dōnēlē lāgung; dalung shu nung ītlagadas ishin dalung un gitsadāgai lāgung.
27Gīnasu sha ēdung? nung lthdanū-wos gien, il gītsada ishin? gum gu nung lthdanūwos sha edang-ūsh? ltha tlou dalung shu tl gītsa-dāguns ging-an edung.
28Dalung ū di edē tl kil-kenskialthk di alth ijuni;
29Waigien kingdom dalung un lth elthgīdagun, di Aung kingdom di un elthgīdagun ging-an-a;
30Giagun kingdomgai gu di alth dalung lthdanūē una; waigien aulthgahung-ū las ing-gu dalung tlōdas gien, Israel gwaigang-ai tlāalth waugu stung dalung ging-kilisalung-ashang.
31Simon, Simon, Satan dung isdie da kianung-gun, wheat tl whūstagung-us ging-an dung il isdie una;
32Waigien dung sing lth gushugun, dung yet-die gum tlan elthang-ai una; waigien housen dung stīlthsdlu lth, kwai-alung tl-dugwīēlthang, hin la il shudaian.
33Shalana, kechitnai ā dung alth kogai isgien, dung alth kotulai un ishin di elthgīgā-gung, waigien hin la il shudaian.
34Peter, di un dung ūnshits da dung kudā-lthōnulē keu, gum aiat shkou īlthing-as kingung-ung-ashang dung ga lth shugung, waigien hin il shouon.
35Dāla gwau-ale ādan isgien, tou gwau-ale ādan ishin, stashgaga ādan ishin dalung lth kilistīidundlu gu, gin da dalung kē-ai-a? waigien hin la il shudāwon. Gāanū, waigien hin il shū-āwon.
36Waigien hin la il shudāwon, Wet tlou dāla gwau-ale nung isdasdlu, il isdie lāgung, waigien tou gwau-ale ishin; waigien gum shich nung dāansdlu, kodatsai alth ung-a il giadahgai lāgung, waigien shich il dahgai una.
37Gin dāung-a isdālē-alung alth il kwai-indiāgun, hin kālung-āsi ging-an lth etgai lang dalung ga lth shus altha; tliku di edē gin tl kālang-an ging-an etses altha, waigien hin la il shudāwon.
38Shalana, a shich tl-stung ijung, waigien hin il shuāwon. Lāgung, waigien hin la il shudāwon.
39Waigien il kāgwaulan gien, tliku il ijang-an ging-an Olives tldāwe ā il kaidan; waigien ga disciplegasgai ishin la dlā istalan.
40Waigien tlistleuon gu il katlagandlu, Gum dalung edē tl kīl-keng-ung-ai un lth singlthgang gūshūū, hin la il shudāwon.
41Waigien tlistleu kwau tl kātagung-us dlu tla sta il kāgan; waigien kwolong kutsung alth il kou-on gien, singlthgang il gushouon,
42Aung-a, dung gwūlasdlu lth, adshi shkutlang-wē di sta isdi; waikian lth tliku lth guduns ging-an gum edang; tliku dung guduns ging-an lth et, waigien hin il shouon.
43Waigien sha-tligai sta nung angel-ga agung il kendaian gien, la il tl-dugwīēlan.
44Waigien il gudung-ai sti-euon-andlu, wau telg kwunan singlthgang il gushouon; waigien il dung-althdaiandlu, ai kwah-tuldang-euon-gung-us ging-an tligai ing-gu lang-a kwah-tuldang-an.
45Waigien tlistleuon singlthgang il gushouon sta il giāgandlu, gyang disciplesgai un il katlagan, waigien il gudung-ai sti-wos tist il kou-os lang-a il keng-āwon,
46Gushintlou dalung kogung? kālthū ung-a lth singlthgang gūshūū, waigien gum dalung edē tl kil-keng-ung-ai una, waigien hin la il shudāwon.
47Hawun il gushugundān, tl shkūl-euon istlagan, waigien ga tlāalth waugu stunsgai swon, Judas hin kyagan, tla un kutl-jāwon; waigien Jesus ā il kāgan la il shkwūntlie una.
48Judas, shkwūntla dung-alth gu nung haada Git alth dung giadah-shāūsh? waigien Jesus hin il shudaian.
49Waigien la odō ga ijan-gai tlistleuon tliku gin ēdangkasas tl kang-andlu, Shalana, shich alth gu tla talung shoshgadash? hin tl shouon.
50Waigien tl swon liplēt un nung ītlagadas gitsada shoshgadan gien, sōolgūstgai il geu wau sta lang-a il shkī-otlaian.
51Kwai lth etdū, waigien hin Jesus hang-lthang shouon. Waigien il geu lang-a il tlitlaian gien, lang-a il tla-ngīstlaian.
52Waigien liplēt un ga ītlagadasgai isgien, templegai un ga captain-gasgai ishin, ga kēasgai ishin, la hanltha etgai un la un istlagan Jesus hin shudaian, Nung kwōlthdalēga hanltha etgai un tl istlaguns ging-an gu, shich dung-alth isgien, shkong-ū dung-alth ishin di un dalung istlā-ūsh?
53Shantlan wautliwon templegai ā dalung alth lth ijundlu, gum di dalung gitsgīlthdang-gīnī; waigien dalung gia timegai ā isis gien, algagai dugwīgai ishin ā ijung, hin tla il shudaian.
54Waigien la tl gitsgīlthdaian gien la tl al-kaidan, waigien liplēt un nung ītlagadas gia nai ai la tl isdaian. Waigien Peter tla dlā āgwī kāgan.
55Waigien tlistleuon nai kēū gu tl tsanouon gien tl wautliwon gudung-althan tlāwondlu, Peter ishin tla shu kou-aian.
56Waigien hawun tsanu-e otgagai ā il kougundān, nung jada itan inā il kang-an, waigien la il khatsgīlthdaian gien, Unis ishin la alth ijun, hin il shouon.
57Waigien da il kudaian, Nung jadas, gum la un di ūnshidang-gung, waigien hin il shouon.
58Waigien gum jīng-ang-gundān nung kulat ishin il kang-an, Dā ishin tl swon ijun, waigien hin il shouon. Nung īlthing-as, gum tl swon di isang-gung, waigien hin Peter shouon.
59Waigien wau sta ashkoshgīt swonshang-andlu, nung kulat ishin kwūnan gushouon, Yenkien anung īlthing-as ishin la alth ijun, il Galilee haadas altha, waigien hin il shouon.
60Nung īlthing-as, gum tliku dung shus un di ūnshidang-gung, waigien Peter hin shouon. Waigien hawun il gushugundan, hawīdan shkou-e king-ang-an.
61Waigien Shalana gwī kī-aian gien, Peter il khatsgīlthdaian. Waigien tliku Shalana shouon ai Peter kēidan, Aiat, shkou īlthing-as king-ung-ai kōnast di da dung kuda-lthō-nulthshang, hin la il shudaian-a.
62Waigien il kāgwaulan gien, il sailth-euon-an.
63Waigien Jesus ga gītsgadan-gai la alth kilthnang-an gien, la tl shkidang-an.
64Waigien il hung odō gin tl isdaian gien, Unsta lth shu; gīshdū dung shkwudang? hin la alth tl kianang-an.
65Waigien gin āda kwon la hanltha tl shudaian gien, gushou dāung-a la ga tl isdaian.
66Waigien itan shantlan-gundān, ga kēasgai councilga un gudung-althan gudā ijan, waigien liplet un ga itlagadasgai isgien, ga tuhālanglēgasgai ishin gu ijan; waigien councilgai ā ung-a la tl alkaidan;
67Nung Christgas dung isdō lth, itil ga shudi, waigien hin tl shouon. Waigien hin tla il shudaian, Dalung lth shudadōwan, gum dalung yetdang-ashang;
68Waigien dalung alth lth kianung-dōwan, gum hanglthang dalung shu-ung-ashang.
69Waigien adshi sta-hun nung haada Git Shanung-itlagadas dugwīgai sōolgūst kou-wauashang, waigien hin tla il shudaian.
70Shanung-itlagadas Git gu dung isūsh? waigien hin tl wautliwon shouon. Dalung ū lth ising shugung, waigien hin tla il shudaian.
71Gūsh-un-ū witness ga housen itil stalthang? Talung gudan helthang ai sta il shus gudung-gun altha, waigien hin tl shouon.
Айни замон обунашуда:
Luke 22: HAIDA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
First published by the British and Foreign Bible Society 1891-1899.