Luke 18
18
Chapter 18.
1WAIGIEN kēgang alth tla gail kēgang-an, singlthgang tl gushugīs gien, gum tl ahgulthang-ai una;
2Lana a-swonshung gu nung ging-kilis-alang-lēga ijan, waigien gum Shanung-itlagadas ga il lthwaugans gien, tl haada alth ishin gum il ai-ū-ang-an;
3Waigien gai ilnagai gu nung dsūlthin-ga ijan; waigien la un il katla-hunsgadan gien, Di nung tloulth-dāung-gun alth di da tlāad, hin il shugang-an.
4Waigien kwai-umdsiwun gum ging-an ūgai da il gudung-ang-an; waigien waudlā hin il gudang-an, Shanung-itlagadas ga gum di lthwaugans gien, tl haada alth ishin gum di ai-ū-uns kianan,
5Anung dsūlthin-gas di gudung-ai lth-kwidadas alth la da lth tlāadshang, waigien di un il katlagīs ai gum di ahgulthang-ai una, hin il gudang-an.
6Tliku nung ging-kilisalang-lēga dāung-as shouon lth gudung-ū.
7Waigien gum gu Shanung-itlagadas ga kenstaian da ung-a tlāadang-ash, shantlan wautliwon īsgien al wautliwon ishin la ga tl sailth-kiāgans gien, tla un il kung-gudung-as altha?
8Hawidan tla da il tlāadshang dalung ga lth shugung. Nung haada Git katlasdlu tl gu, il kil tl yetdas il kēi-āash? waigien hin Shalana shouon.
9Itil ū lāgung, tl kulat wautliwon tlou dāung-ung, hin ga gudang-an-gai ga adshi kēgang-ai alth il kēgang-an;
10Tl haada stung singlthgang gushue un temple-gai ā istal-lthaian; nung swon Pharisee haadāgan gien, nung swon ishin giashouga-nung-lēgāgan.
11Nung Pharisee haadas giāang-an gien, hin gudung-ung alth singlthgang il gushou-on, Shanung-itlagadas, gum tl haada kulat ging-an di edans sing dung ā lth kil-lāgung; tla ga ging-kōnung-gung-usgai isgien, kwolth-dālē-alung ishin, gū-īnēl king-gogung-ai ga tla-hōstagung-usgai ishin, anung giashouganung-lēgas ging-an ishin gum di edang-gung.
12Sundiga shoshgu gut lth kēsal-stung-gung-gung; gin lth dāēlths wautliwon tīch templegai ga lth isdagung-gung, hin il shouon.
13Nung giāshouganung-lēgas tlou lthkiā-gwau āgwī giāang-an, waigien gum shi ga kēilthie da il gudung-ang-an; hing-an kun-ung il shkwūdaian gien, Shanung-itlagadas di kalthshint lth gudung, di dāung-as altha, hin il shouon.
14Nung swon telg Shanung-itlagadas unis kalthshint gudang-an dalung ga lth shugung, waigien nai ā ung-a il kāalan; shā ung nung edas ū hēt ēlthses altha; het ung nung edasdlu tlou, sha ēlthishang, hin Jesus shouon.
15Waigien gitalung ḵutilas ishin la ā tl isdaian, tla ing-gu il tldulthdie una; waigien tlistleuon ga disciplegasgai kang-andlu, tla il stidāwon.
16Waigien Jesus tla un ai-ang-an gien, hin il shouon, Akwon lth tl āḵutilas di ā istaldū, waigien lth gum tla ā stugadang-ū, Shanung-itlagadas gia kingdomgai hin ga etsgai gia isis altha.
17Yenkien dalung ga lth shugung, Gum nung āḵutsū ging-an Shanung-itlagadas gia kingdomgai nung isdāansdlu, gum ai il kud-sang-ashang, hin il shouon.
18Nung Itlagada las, di hēnung-a-swonung-ai un gūshū lth isdāashang? waigien hin nung itlagada la alth kianang-an.
19Gushintlou, Nung Lā, hin di dung kyādang, gum nung swonshung-hun lā-ung-gung, tlan Shanung-itlagadas swonan-a.
20King-goguns un dung ūnshīdung, Gum tl gin kulda-ung-ga, Gum tl haada tl tīiang-ga, Gum tl kwolthda-ung-ga, Gum nung alth tl kilthgadung-ung-ga, Aung-ung ga tl gūtgī-da, ou-ung ishin, waigien hin Jesus il shudai-an.
21Di dlailāgun sta-hun adshi wautliwon duman lth keng-gīni, waigien hin il shouon.
22Waigien tlistleuon Jesus gudang-andlu, Gin swonshung gum hawun dung isdang-gung; gin dung daas wautliwon alth gia-dah-ū, waigien lth ka kong-ushgitaigasgai da tlāad, waigien sha-tligai gu gin kwoyā dung da-ēlthi-shang; ūtla, di dla lth kā, hin la il shudaian.
23Waigien tlistleuon adshi il gudang-andlu, il gudung-ai sti-euonan, il gin-lthing-ā-euonan altha.
24Waigien tlistleuon Jesus il kang-andlu, hin il shouon, Ga ginlthing-asgai Shanung-itlagadas gia kingdomgai ai isdsie yenkien shing-idsāashang!
25Nung ginlthing-a Shanung-itlagadas gia kingdomgai ai kudsie telg, camel stlin-kōsi ai kashginai yang-alang, hin il shouon.
26Gīshd tlou kogunāsini? waigien ga gudang-an-gai hin shouon.
27Tl haada gum gin isdalthing-ans ū Shanung-itlagadas isdalthing-āgung, waigien hin il shouon.
28Gwokeng, gin wautliwon talung tustla-gun, waigien dung dlā talung istalgun, waigien hin Peter shouon.
29Waigien hin tla il shudaian, Yenkien dalung ga lth shugung, Nai isgien, jā-ung ishin, kwai-alung ishin, yāalung ishin, gitalung ishin, Shanung-itlagadas gia kingdomgai agunan nung tustlasdlu,
30La ū wēt kwunan wau telg da-ēlthishang, waigien tliga isangkasas gu il hēnung-a-swonung-ashang, waigien hin tla il shudaian.
31Waigien ga tlāalth waugu stunsgai un il ai-ang-an gien, hin la il shudāwon, Gwokeng, Jerusalem ā talung istal-lthangkashang, waigien ga prophetgasgai gin kālang-an wautliwon ging-an nung haada Git un etishang.
32Tliga kulat haade ga la tl isdāases altha, waigien la alth tl kilthnans gien, ishin la tl tloulth-dāung-as gien, ishin la gwī tl lthtā-gwong-ashang;
33Waigien la tl shkiduns gien, ishin la tl tīiā-ashang; waigien shin lthonulthīlthsdlu housen il kalthū-ashang, waigien hin la il shudāwon.
34Waigien adshi wautliwon gum un il ūnshi-dang-āwon; waigien adshi gushue la sta salgaāwon, waigien gin il shudaian da il kētusāwon.
35Waigien Jericho un il dōng-ēlandlu, nung hang-kaga gin ginung-ai un keu-e in kou-aian;
36Waigien tl shkūl-euon la gūt istals il gudang-andlu tliku gin etgai da il kianang-an.
37Waigien Jesus Nazareth haadas kāang la ga tl shouon.
38Jesus, David Git dung is, di kalthshint lth gudung, waigien hin kwunan il shouon.
39Waigien tla kōnast ga istalan-gai il stidaian, kilthwol il itsgai una; David Git dung is, di kalthshint lth gudung, waigien hin kwunan wau telg il shouon.
40Waigien Jesus giāagan gien, āgang la tla il isdā-alan; waigien tlistleuon il āanē-landlu,
41Gūsh dung un lth isdie da ū dung gudung-gung? hin la alth il kianang-an. Shalana, di hung-i helthilthgie da ū di gudunggung; waigien hin il shouon.
42Akwon lth dung hung-i helthilthgada; dung yetdie ū dung kogundang, waigien hin Jesus il shudaian.
43Waigien hawīdan gin il keng-īdan, waigien la dlā il kāgan gien, Shanung-itlagadas ā il kil-lāgan; waigien tlistleuon tl haada wautliwon kang-andlu, Shanung-itlagadas ā tl kil-lāgan.
Айни замон обунашуда:
Luke 18: HAIDA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
First published by the British and Foreign Bible Society 1891-1899.