Эхин 10
10
Ноахһаа үдэн гараһан арадууд
1Нойн гурбан хүбүүд болохо Шеэм, Хаам ба Яапэдэй угай бэшэг эндэһээ эхитэй. Үерэй һүүлээр гурбуулаа тэдэ хүбүүдтэй болоо һэн.
2Яапэдэй хүбүүд: Гоомэр, Магог, Мадай, Яваан, Тубаал, Мээшэх ба Тирас. 3Гоомэрэй хүбүүд: Ашхэнааз, Рифат ба Тогармаа.
4Яваанай хүбүүд: Элишаа, Таршииш, Киттим, Роданим. 5Тэдэнэй үри һадаһад далайн эрьеэр, мүн олтирогуудаар ажаһуугша зоной эхи табигшад болоно. Элдэб газар дайда, уг унги, айл аймагуудаар ажаһуугша, өөрын тусгаар хэлэтэй зон тэдээнһээл эхи абаа.
6Хаамай хүбүүд: Күүш, Мицраим, Пүүт болон Ханаһаан. 7Күүшэй хүбүүд: Севаа, Хавилаа, Савта, Раамаа ба Савтеха. Раамаагай хүбүүд: Шээба ба Дэдаан. 8Күүшэй хүбүүн Нимрод мүн. Тэрэ дэлхэй дээр түрүүшын хүсэтэ баатар байгаа. 9Эзэнэй туһаар тэрэ ехэ ангуушан болоһон байгаа. Тиимэһээ зон иигэжэ хэлсэдэг: «Эзэнэй үршөөл хайратай мэргэн ангуушан Нимрод мэтэ». 10Түрүүшээр тэрэнэй хаан түрэ Вавилоон, Ээрэх, Аккаад гэдэг гурбан хотоһоо бүридэдэг бэлэй. Эдэ гурбуулаа Вавилооной дайдада оршодог байгаа. 11Энэ газар дайдаһаа тэрэ Ассири ошожо, тэндээ Нинэвээ, Реховот-Ир, Калах 12мүн баһа Ресен (энэнь Нинэвээ ба ехэ хото Калахай хоорондо) хотонуудые бодхоогоо һэн.
13Мицраимһаа үдэн гараа: лудинүүд, анамнууд, леһавнууд, нафтухнууд, 14патруснууд, каслухнууд, тэдэ хоёрһоо пилиштүүд гараһан, кафторнууд.
15Ханаһаан ууган хүбүүндээ Сидоон гэжэ нэрэ үгэбэ. Тэрэнэй бусад хүбүүдынь Хээт, 16Ебүүс, Эмоор, Гиргааш, 17Хиив, Арк, Сиин, 18Арваад, Цемэр болон Хамаат гэгшэд. Хожомынь ханаһаан обогтон үргэнөөр тараа бэлэй. 19Тэдэ Сидоон хотоһоо урагшаа далайн эрьеын Гааза хотын оршом болохо Гэраар хүрэтэр, тэндэһээ зүүн тээшээ Лаша хүрэтэр Цэбоһиим, Содом, Гоморро, Адмаа гэдэг хотонуудые бии болгобо.
20Иигэжэ Хаамай бүхы үри һадаһад өөр өөһэдын хэлэтэй обог аймагууд боложо, өөһэдын мэдэлэй харьяата газар нютагтай болоһон гэхэ.
21Яапэдэй аха Шеэм Ээбэрэй хүбүүдэй элинсэг эсэгэ болоно. 22Шеэмэй хүбүүд гэбэл: Элаам, Ашшуур, Арпахшаад, Лүүд ба Араам.
23Араамай хүбүүд: Уц, Хуул, Гээтэр ба Маш.
24Арпахшаад Шээлах гэдэг хүбүүтэй һэн, Шээлахэй хүбүүн Ээбэр. 25Ээбэр хоёр хүбүүтэй болоһон юм. Тэрэ үедэ олон обог аймагуудай бэе бэеһээ таһаран һалажа байһан ушарһаа Ээбэр нэгэ хүбүүндээ «хубаарилга» гэһэн удхатай Пээлэг гэжэ нэрэ үгэбэ. Нүгөөдэ хүбүүнэйнь нэрэ — Ёктаан.
26Ёктаанай хүбүүд: Алмодаад, Шээлэф, Хацармаавэт, Йарах, 27Һадораам, Узаал, Диклаа, 28Оваль, Абимаэл, Шээба, 29Опиир, Хавилаа, Ёбааб. Эдэ хүбүүд булта Ёктаанай болоно.
30-31Иигээд Шеэмэй үри һадаһад өөр өөрын хэлэтэй обог аймагууд боложо, Меша хотын ба зүүн зүгтэ хада уулатай газарта оршодог Сефар хотын хоорондо һуурижаһан гэхэ.
32Нойн хүбүүдһээ эдэ олон обог аймагууд үдэжэ, хожомынь ами аминдаа арадууд болоһон гэхэ. Үерэй удаа тэдээнһээл бүхы дэлхэйн арад түмэн эхи абаһан түүхэтэй.
Айни замон обунашуда:
Эхин 10: BurOTp
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.