ᓭᐣᐟ ᒑᐣ 15
15
1ᓂᔭ ᐁᐊᐧᑯ ᑖᐯᐧ ᓱᒥᓇᑎᐠ, ᒫᑲ ᓄᑖᐃᐧ ᐁᐊᐧᑯ ᑭᐢᑎᑫᐃᐧᔨᓂᐃᐧᐤ. 2ᑕᐦᑐ ᐁ ᐸᐢᑫᑎᐦᑲᐧᓇᑭᓯᔮᐣ ᐁᑳ ᑳ ᒥᓂᓯᐊᐧᕽ ᐅᑎᓇᒼ; ᑕᐦᑐ ᒫᑲ ᑳ ᒥᓂᓯᐊᐧᕽ, ᐯᑭᑕᐤ, ᐊᐊᐧᓯᒣ ᑭᑕ ᒥᓂᓯᐊᐧᓂᔨᐠ. 3ᐁᑲᐧ ᑭ ᐯᑭᓯᓈᐋᐧᐤ ᐃᑌᐧᐃᐧᐣ ᐅᐦᒋ ᑳ ᑭ ᐊᔨᑎᑕᑯᐠ. 4ᑭᑭᐢᑲᐃᐧᐠ ᓂᔭ ᐁᑯᓯ ᓂᔭ ᑭ ᑲ ᑭᑭᐢᑳᑎᓈᐋᐧᐤ. ᒣᐧᐦᒋ ᐁᑳ ᑫ ᑭ ᐃᓯ ᒥᓂᓯᐊᐧᕽ ᐁ ᐸᐢᑫᑎᐦᑲᐧᓇᑭᓯᐟ ᓱᒥᓈᑎᐠ, ᑭᐢᐱᐣ ᐁᑳ ᓴᑲᒧᐊᔮᑭ ᓱᒥᓈᑎᑯᕽ, ᐁᑯᓯ ᒥᓇ ᑭᔭᐋᐧᐤ ᓇᒪᐃᐧᔭ ᑭ ᑲ ᒥᓂᓯᐃᐧᓈᐋᐧᐤ, ᑭᐢᐱᐣ ᐁᑳ ᑭᑭᐢᑲᐃᐧᔦᑯ. 5ᓂᔭ ᓱᒥᓈᑎᐠ, ᑭᔭᐋᐧᐤ ᒫᑲ ᐁ ᐸᐢᑫᑎᐦᑲᐧᓇᑭᓯᔮᐣ. ᐊᓇ ᐃᓴ ᑳ ᑭᑭᐢᑲᐃᐧᐟ, ᒥᓇ ᓂᔭ ᑳ ᑭᑭᐢᑲᐊᐧᐠ, ᐁᐊᐧᑯ ᒥᐢᑕᐦᐃ ᒥᓂᓯᐃᐧᐤ: ᒋᑫᒫ ᐁᑳ ᐃᐧᒉᐃᐧᔦᑯ ᓇᒪ ᑫᑲᐧᐩ ᑭ ᑲ ᑭ ᑐᑌᓈᐋᐧᐤ. 6ᑭᐢᐱᐣ ᐁᑳ ᐊᔨᓯᔨᓂᐤ ᑭᑭᐢᑲᐃᐧᒋ, ᑭᑕ ᐁᐧᐱᓈᐤ ᑖᐱᐢᑯᐨ ᐊᐧᑎᐦᑲᐧᐣ ᑳ ᐃᓯ ᐁᐧᐱᓂᑲᑌᐠ, ᐁᑯᓯ ᐁ ᐹᐢᑌᐠ; ᐁᑯᓯ ᐊᔨᓯᔨᓂᐊᐧᐠ ᒫᐊᐧᓴᑯᓇᒪᐧᐠ, ᒥᓇ ᒪᒍᐢᑌᐁᐧᐱᓇᒪᐧᐠ, ᐁᑯᓯ ᑭᓯᑌᐊᐧ. 7ᑭᐢᐱᐣ ᑭᑭᐢᑲᐃᐧᔦᑯ, ᒥᓇ ᓂᐟ ᐃᑌᐧᐃᐧᓇ ᑭᑭᐢᑳᑯᔦᑯ, ᐱᑯ ᑫᑲᐧᐩ ᑫ ᓇᑐᑕᒪᐁᐧᑫᐧ, ᐁᑯᓯ ᑫ ᑐᑕᒪᑲᐃᐧᔦᐠ. 8ᐁᑯᑕ ᒫᑲ ᐅᒪ ᑫᐢᑌᔨᑕᑯᐃᐦᐟ ᓄᑖᐃᐧ ᒥᐢᑕᐦᐃ ᑭᑕ ᒥᓂᓯᐃᐧᔦᐠ; ᐁᑯᓯ ᒫᑲ ᑭ ᑲ ᐅᑭᐢᑭᓄᐦᐊᒪᐋᐧᑲᓂᒥᑎᓈᐋᐧᐤ. 9ᑳ ᐃᓯ ᓵᑭᐦᐃᐟ ᐁᐧᔪᑖᐃᐧᕽ, ᐁᑯᓯ ᓂᐢᑕ ᑳ ᑭ ᐃᓯ ᓵᑭᐦᐃᑕᑯᐠ: ᐊᔮᐠ ᒫᑲ ᑕᐦᑭ ᓂ ᓵᑭᐦᐃᐁᐧᐃᐧᓂᕽ. 10ᑭᐢᐱᐣ ᑲᓇᐁᐧᔨᑕᒣᑯ ᓄᔭᓱᐁᐧᐃᐧᓇ, ᑭ ᑲ ᐊᔮᓈᐋᐧᐤ ᓂ ᓵᑭᐦᐃᐁᐧᐃᐧᓂᕽ; ᒣᐧᐦᒋ ᑳ ᐃᓯ ᑲᓇᐁᐧᔨᑕᒪᐧᐠ ᓄᑖᐃᐧ ᐅᔭᓱᐁᐧᐃᐧᓇ, ᒥᓇ ᐁ ᐊᔮᐊᐧᐠ ᐅ ᓵᑭᐦᐃᐁᐧᐃᐧᓂᕽ.
11ᐁᐊᐧᑯᓂ ᐅᐦᐃ ᑳ ᐊᔨᑎᑕᑯᐠ, ᓂ ᒫᒪᑖᑯᓯᐃᐧᐣ ᑭᑕ ᑭᑭᐢᑳᑯᔦᐠ, ᐁᑯᓯ ᑭ ᒪᒪᐦᑖᑯᓯᐃᐧᓂᐋᐧᐤ ᑭᑕ ᑭᓯᐅᒪᑲᕽ. 12#ᒑᐣ 13:34; 15:17; 1 ᒑᐣ 3:23; 2 ᒑᐣ 1:5ᐁᐊᐧᑯ ᐅᒪ ᓄᔭᓱᐁᐧᐃᐧᐣ, ᑭᑕ ᓵᑭᐦᐃᑐᔦᐠ, ᑳ ᑭ ᐃᓯ ᓵᑭᐦᐃᑕᑯᐠ. 13ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐊᔮᐤ ᐊᐊᐧᓯᒣ ᓵᑭᐦᐃᐁᐧᐃᐧᐣ ᐃᔨᑯᕽ ᐅᒪ, ᑭᑕ ᐸᑭᑎᓇᕽ ᐅ ᐱᒫᑎᓯᐃᐧᐣ ᐅᑐᑌᒪ ᐅᐦᒋ. 14ᑭᔭᐋᐧᐤ ᓂᑐᑌᒪᐠ ᑭᐢᐱᐣ ᑐᑕᒣᑯ ᐊᓂᒪ ᑳ ᐃᓯ ᓯᑭᒥᑕᑯᐠ. 15ᐁᑲᐧ ᒫᑲ ᓇᒪᐃᐧᔭ ᐊᑐᐢᑫᔮᑲᓇᐠ ᑭᐟ ᐃᓯᔨᐦᑳᑎᑎᓈᐋᐧᐤ; ᒋᑫᒫ ᐊᑐᐢᑫᔮᑲᐣ ᓇᒪᐃᐧᔭ ᑭᐢᑫᔨᑕᒼ ᐁᓯᒋᑫᔨᐟ ᐅᐟ ᐅᑭᒫᒪ: ᒫᑲ ᓂᔭ ᓂ ᑐᑌᒪᐠ ᑭᐟ ᐃᓯᔨᐦᑳᑎᑎᓈᐋᐧᐤ; ᒋᑫᒫ ᑲᐦᑭᔭᐤ ᑫᑲᐧᐩ ᑳ ᐃᑎᑕᐊᐧᐠ ᓄᑖᐃᐧ ᑭ ᑭᐢᑫᔨᑕᒧᐃᑎᓈᐋᐧᐤ. 16ᓇᒪᐃᐧᔭ ᑭᔭᐋᐧᐤ ᑭ ᑭ ᓇᐊᐧᓱᓂᓈᐋᐧᐤ, ᒫᑲ ᓂᔭ ᑭ ᑭ ᓇᐊᐧᓱᓂᑎᓈᐋᐧᐤ, ᒥᓇ ᑭ ᑭ ᐃᑕᑭᒥᑎᓈᐋᐧᐤ, ᑭᑕ ᓇᑕᐃᐧ ᒥᓂᓯᐃᐧᔦᐠ, ᒥᓇ ᑭ ᒥᓂᓯᐃᐧᐃᐧᓂᐋᐧᐤ ᑭᑕ ᐊᔮᐠ; ᐱᑯ ᒫᑲ ᑫᑲᐧᐩ ᑫ ᓇᑐᑕᒪᐊᐧᐁᐧᑫᐧ ᐁᐧᔪᑖᐃᐧᕽ ᓂ ᐃᐧᔪᐃᐧᓂᕽ ᑭᑕ ᒥᔨᑯᔦᐠ.
17ᐁᐊᐧᑯᓂ ᐅᐦᐃ ᑭᐟ ᐃᑕᓱᐋᐧᑎᑎᓈᐋᐧᐤ, ᑭᑕ ᓵᑭᐦᐃᑐᔦᐠ. 18ᑭᐢᐱᐣ ᐊᐢᑭ ᐸᑳᐧᑎᑯᔦᑯ, ᑭ ᑭᐢᑫᔨᑌᓈᐋᐧᐤ ᐁ ᑭ ᐸᑳᐧᑎᑯᔮᐣ ᒪᐧᔦᐢ ᑭᔭᐋᐧᐤ ᐸᑳᐧᑎᑯᔦᐠ. 19ᑭᐢᐱᐣ ᐊᐢᑭᕽ ᐅᐦᒋ ᑎᐯᔨᑖᑯᓯᔦᐠ, ᐊᐢᑭ ᑭᑕ ᓵᑭᐦᐁᐤ ᐊᓂᐦᐃ ᑳ ᑎᐯᔨᒫᐟ: ᒫᑲ ᐁᑳ ᐁ ᑎᐯᔨᑖᑯᓯᔦᐠ ᐊᐢᑭᕽ, ᒫᑲ ᐁ ᑭ ᓇᐊᐧᓱᓂᑕᑯᐠ ᐊᐢᑭᕽ ᐅᐦᒋ, ᐁᐊᐧᑯ ᐅᐦᒋ ᐊᐢᑭ ᑳ ᐸᑳᐧᑎᑯᔦᐠ. 20#ᒫᐟᔪ 10:24; ᓬᐅᐠ 6:40; ᒑᐣ 13:16ᑲᓄᑭᐢᑭᓯᐠ ᑳ ᑭ ᐃᑎᑕᑯᐠ, ᓇᒪᐃᐧᔭ ᐊᐊᐧᓯᒣ ᑭᐢᑌᔨᑖᑯᓯᐤ ᐊᑐᐢᑫᔮᑲᐣ ᐃᔨᑯᕽ ᐅᐟ ᐅᑭᒫᒪ. ᑭᐢᐱᐣ ᓂ ᑭ ᑯᑕᑭᐦᐃᑲᐧᐠ ᓂᔭ, ᑭᔭᐋᐧᐤ ᒥᓇ ᑭ ᑲ ᑯᑕᑭᐦᐃᑯᐋᐧᐊᐧᐠ; ᑭᐢᐱᐣ ᑭ ᑲᓇᐁᐧᔨᑕᒪᐧᐠ ᓂᔭ ᓂᐟ ᐃᑌᐧᐃᐧᐣ, ᑭᔭᐋᐧᐤ ᒥᓇ ᑭᑕ ᑲᓇᐁᐧᔨᑕᒪᐧᐠ. 21ᒫᑲ ᑲᐦᑭᔭᐤ ᐅᐦᐃ ᑭ ᑲ ᐊᔨᑐᑖᑯᐋᐧᐊᐧᐠ ᓂ ᐃᐧᔪᐃᐧᐣ ᐅᐦᒋ, ᒋᑫᒫ ᓇᒪᐃᐧᔭ ᑭᐢᑫᔨᒣᐊᐧᐠ ᑳ ᑭ ᐯ ᐃᓯᑎᓴᐦᐅᔨᐟ. 22ᑭᐢᐱᐣ ᐁᑳ ᑭ ᐯ ᐃᑐᐦᑌᔮᐣ ᒥᓇ ᑭ ᐃᐧᐦᑕᒪᐊᐧᑭᐠ, ᓇᒪᐃᐧᔭ ᐅ ᑲ ᑭ ᐊᔮᑖᐋᐧᐤ ᒪᒋᑎᐃᐧᐣ: ᒫᑲ ᐁᑲᐧ ᓇᒪᐃᐧᔭ ᐊᔮᐊᐧᐠ ᑭᐧᑕᐃᐧ ᐃᑌᐧᐃᐧᐣ ᐅ ᒪᒋᑎᐃᐧᓂᐋᐧᐤ ᐅᐦᒋ. 23ᐊᓇ ᓂᔭ ᑳ ᐸᑳᐧᓯᐟ, ᓄᑖᐃᐧᔭ ᒥᓇ ᐸᑳᐧᑌᐤ. 24ᑭᐢᐱᐣ ᐁᑳ ᐅᐦᒋ ᐃᑐᑕᒫᐣ ᒣᑳᐧᐨ ᐃᑕ ᐁ ᐊᔮᒋᐠ ᐊᑐᐢᑫᐃᐧᓇ ᐁᑳ ᑯᑕᐠ ᐁ ᑭ ᐃᑐᑕᕽ, ᓇᒪᐃᐧᔭ ᐅ ᑲ ᑭ ᐊᔮᑖᐋᐧᐤ ᒪᒋᑎᐃᐧᐣ: ᒫᑲ ᐁᑲᐧ ᑖᐱᐢᑯᐨ ᓂ ᑭ ᐋᐧᐸᒥᑯᓈᓇᐠ ᒥᓇ ᓂ ᑭ ᐸᑳᐧᑎᑯᓈᓇᐠ ᓂᔭ ᒥᓇ ᓄᑕᐃᐧᔭ. 25#ᓂᑲᒧᓇ 35:19; 69:4ᒫᑲ ᐅᒪ ᐃᐢᐸᔨᐤ ᐃᑌᐧᐃᐧᐣ ᑳ ᒪᓯᓇᐃᑳᑌᔨᐠ ᐅᔭᓱᐁᐧᐃᐧᓂᐋᐧᕽ ᑭᑕ ᑎᐱᐸᔨᔨᐠ, ᐱᑲᐧᓇᑕ ᓂ ᑭ ᐸᑳᐧᑎᑲᐧᐠ. 26ᒫᑲ ᐃᐢᐱ ᑭ ᑕᑯᓯᑭ ᐅᒥᔪᑌᐁᐃᐁᐧᐤ, ᐁᐧᔪᑖᐃᐧᕽ ᐅᐦᒋ ᑫ ᐯ ᐃᓯᑎᓴᐊᐧᐠ, ᐊᓇ ᐅᑎ ᑖᐯᐧᐃᐧᓂ ᐊᐦᒑᕽ, ᐁᐧᔪᑖᐃᐧᕽ ᑳ ᐅᐦᒋᐟ, ᐃᐧᔭ ᓂ ᑲ ᐋᒋᒥᐠ: 27ᐁᑯᓯ ᑭᔭᐋᐧᐤ ᒥᓇ ᑭ ᑲ ᐋᒋᒥᓈᐋᐧᐤ, ᒋᑫᒫ ᒥᒋᒫᐨ ᐅᐦᒋ ᑭ ᑭ ᐯ ᐃᐧᒉᐃᐧᓈᐋᐧᐤ.
Айни замон обунашуда:
ᓭᐣᐟ ᒑᐣ 15: KKMs
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.