LUKA 20
20
Isu thuneina an indawn
(Mt 21.23-27; Mk 11.27-33)
1Chun, ni khat chu, Pathien biekina mihai ân chûktir a, Chanchin Ṭha a hril laiin, thiempu lalhai le Dân inchûktirtuhai chu, upahai leh a kuomah an hung thut a;
2a kuomah, “Tû thuin am hieng thil hi i thawh a? Tûin am thu a pêk cheh a? mi hril rawh,” tiin an indawn a.
3Ama chun an kuomah, “Kei khawmin thu bau khat indawn vêng ka ti cheu: mi hril ro,
4Johan baptisma kha vâna mi thu am, mihriem thu?” a ta, ân dawn a.
5Chun, an inngaituoh a, “ ‘Vâna mi thu,’ ei ti chun, ‘Iengdinga a thu in awi naw?,’ mi ti sîng a ta.
6Chun, ‘Mihriem thu,’ ei ti chun, mi po poin lungin mi dêng an tih; Johan chu zâwlnei a ni an ring sih a,” an ta.
7Chuongchun, an dawn a, “Khâw- tieng lem thu am a ni kan hriet nawh,” an ta.
8Chun, Isûn an kuomah, “Kei khawmin, tû thuin am hieng thil hi ka thaw a, hril bîk naw ning cheu,” a ta.
Grêp huon tekhithu
(Mt 21.33-46; Mk 12.1-12)
9 #
Is 5.1
Chun, vântlâng kuomah hi tekhithu hi a hril tah a; “Tûin amanih grêp huon a siem a, lo enkawltuhai kuomah thlohlaw dingin a pêk a, sâwttak thang dingin ram dangah a fe tah a.
10A lo hun chun huona ra chu a chanâi an lo pêk dingin lo enkawl- tuhai kuoma chun suok pakhat a tir a; nisienlakhawm, lo enkawltuhai chun an lo vuok a, kutruokin an infetir nâwk tah a.
11Chun, suok dang a tir nâwk a; chu khawm chu an vuok nâwk bawk a, inzakumtakin an siem a, kutruok bawkin an infetir nâwk tah a.
12Chun, a pathumna a tir nâwk a; chu khawm chu an lo suksil a, an pei suok tah a.
13“Chun, grêp huon neitupa chun, ‘Iengtin am thâwng ka ta? Ka naupa dittak tir el ka tih; ama hi an lo inza duoiin,’ a ta.
14Nisienlakhawm, lo enkawltuhai chun ama chu an hmu phingleh, ‘Ama hi rohluotu ding chu a nih, that ei tiu; chuongchun, a ro chu ei ta nîng a tih,’ tiin an inrâwn a.
15Chuongchun, grêp huona in- thawk chu an the suok a, an sukhlum tah a. Grêp huon neitupa chun an chungah iengtin am hung thâwng a ta?
16Lo enkawltuhai chu hung sukbohmang a ta, huon chu mi danghai pêng a tih,” a ta. Chun, chu chu an hrietin, “Chuong êm chu tlung naw raw se!” an ta.
17 #
Sm 118.22
Nisienlakhawm, ama chun anni chu a en a,
“Hi thu an ziek hi ieng am a na?
‘In bâwltuhai lung dit naw kha,
Chu ngei chu a kia lung ṭhangkai tak a lo ni tah,’ ti hi.
18Tûkhawm chu lung chunga tlu taphawt chu kawi dar a ta; a del lem chu râwt nawi a tih,” a ta.
19Chun, chuong lai tak chun Dân inchûktirtuhai le thiempu lalhaiin man an tum a; nisienlakhawm, mipui chu an ṭih a; chu tekhithu chu anni demin a hril ti an hriet sih a.
Sie chawi thu
(Mt 22.15-22; Mk 12.13-17)
20Chun, ama chu Bawrsâp rorêlna le thuneinaa pêk dingin, a thu hril suol la dingin an inchân zing a, enthlittu, mi ṭha anga inlang tehlêmhai chu an tir a.
21Anni chun a kuomah, “Inchûk- tirtu, indiktakin thu i hrilin în chûktir a, tûkhawm thlier bîk loin, thaw taktakin Pathien kawng thu în chûktir hlak ti kan hriet a;
22Kaisar kuoma sie kan chawi a thieng am a thieng naw?” an ta, an indawn a.
23Nisienlakhawm, ama chun an dâwp a nih ti a hriet a, an kuomah,
24“Duli#Denarion mîn entir ro,” a ta. “Tû lim le tu hming am a na a chuong hi?” a ta. Anni chun, “Kaisar,” an ta.
25Chun, ama chun an kuomah, “Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta.
26Chuongchun, mipui hmaah a thu hril suol lâk ding an hmu nawh a; a dawnna chu mak an ti hleh a, an to zing a.
Thonâwkna thua indawnna
(Mt 22.23-33; Mk 12.18-27)
27 #
Tt 23.8
Chun, Saddukai, thonâwkna a um nawh tihai laia mi tuhai amanih a kuomah an hung a, a kuomah,
28 #
Tt 23.8; Dt 25.5 “Inchûktirtu, Mosien, tûkhawm a unaupain nuhmei nei sienla, nau nei loin thi sienla, a unaupa chun a nuhmei chu hluoin, a unaupa ta dingin chi a thlapêk ding a nih ti a mi ziekpêk a nih. #Dt 25.5
29Âwle, sal sari an um a; a upatakin nuhmei a nei a, nau nei loin a thi tah a.
30A pahnina chun a hluoh a; nau nei lo bawkin a thi tah a;
31a pathumna chun a hluo nâwk a; chuong ang sengin pasarihai chu nau nei loin an thi pei a.
32Chu hnunga chun nuhmei khawm chu a thi tah a.
33Chuongchun, thonâwk pha chun a tû nuhmei tak am nîng a ta? an pasari chun nuhmeiin an nei seng sih a,” tiin an indawn a.
34Chun, Isûn an kuomah, “Tulai mihai hi nuhmei pasal an innei hlak;
35nisienlakhawm, chuong phaa ṭhang tlâk le mithi laia inthawka thonâwknaa ṭhang tlâka ruot taphawthai chu, nuhmei pasal innei ta naw ni hai,
36thi khawm thi nâwk thei ta naw ni hai, vântirkohai tlukin an um ding a ni sih a; thonâwkna nauhai an ni leiin Pathien nauhai nîng an tih.
37 #
Ex 3.6
Mithi keithoin an um ding a nih ti Mosie khawmin Chîmbuk thuah Lalpa chu, ‘Abraham Pathien, Isak Pathien, Jakob Pathien,’ a ti lai khan ân hriettir kha.
38Ama chu mithi Pathien a ni nawh a, mi hring Pathien a ni lem ie; amaa chun mi po po an hring vawng sih a,” a ta.
39Dân inchûktirtu tuhaiin ama- nih, “Inchûktirtu, i hril indik ngawt el!” an ta, an dawn a.
40Thu dang an indawn ngam ta si nawh a.
David naupa a ni thua indawnna
(Mt 22.41-46; Mk 12.35-37)
41Chun, ama chun an kuomah, “Krista chu David naupa a nih ti iengtiziea ti hlak am an na?
42Inpâkna Hla buah David ngeiin,
‘Lalpa chun ka Lalpa kuomah,
Ka changtieng ṭhung rawh,
43 #
Sm 110.1
I hmêlmahai chu i ke innghatnaa ka siem hmakhat chun,’ a ti a, a ta.
44Chuongchun, David chun ama chu, ‘Lalpa,’ a ti sih a, iengtin am, a naupa a ni thei leh?” a ta.
Dân inchûktirtuhaia inthawka fîmkhur dinga infuina
(Mt 23.1-36; Mk 12.38-40; Lk 11.37-54)
45Chun, mi po po hrietin a închûk- tirhai kuomah, “Dân inchûktirtuhai lai chun fîmkhur ro;
46anni chun zakaw infuol hâka lêng an nuom hlak, dâwr hmuna chi- bai bûkhai, inkhâwmna ina ṭhung- pha ṭhatakhai, ruoiṭhenaah hmun ṭha takhai an ngaina hlak a;
47hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.
Айни замон обунашуда:
LUKA 20: HMARCLBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.