उत्पत्ती 10
10
नोहाच्या मुलांचे वंशज
(१ इति. 1:5-23)
1नोहाचे पुत्र शेम, हाम व याफेथ ह्यांची वंशावळी येणेप्रमाणे : जलप्रलयानंतर त्यांना मुलगे झाले.
2याफेथाचे मुलगे : गोमर, मागोग, मादय, यावान, तुबाल, मेशेख व तीरास.
3गोमरचे मुलगे : आष्कनाज, रीपाथ व तोगार्मा.
4यावानाचे मुलगे : अलीशा, तार्शीश, कित्तीम व दोदानीम.
5ह्यांनी समुद्रकाठालगत भाषा, कुळे व राष्ट्रे ह्यांपरत्वे निरनिराळे देश वसवले.
6हामाचे मुलगे : कूश, मिस्राईम, पूट व कनान.
7कूशाचे मुलगे : सबा, हवीला, साब्ता, रामा व साब्तका; आणि रामाचे मुलगे : शबा व ददान.
8कूशाला निम्रोद झाला; तो पृथ्वीवर महारथी होऊ लागला.
9तो परमेश्वरासमोर बलवान पारधी झाला, म्हणून ‘निम्रोदासारखा परमेश्वरासमोर बलवान पारधी’ असे म्हणण्याचा प्रघात आहे.
10शिनार देशात बाबेल, एरक, अक्काद व कालने ही त्याच्या राज्याचा आरंभ होत.
11त्या देशातून तो पुढे अश्शूरास गेला व त्याने निनवे, रहोबोथ-ईर व कालह ही वसवली;
12तसेच निनवे व कालह ह्यांच्या दरम्यान त्याने रेसन शहर वसवले; हेच ते मोठे शहर होय.
13मिस्राईम ह्याला लूदीम, अनामीम, लहाबीम, नाप्तुहीम,
14पात्रुसीम, कास्लूहीम (ह्यांच्यापासून पलिष्टी झाले) व कफतोरी हे झाले.
15कनान ह्याला सीदोन हा पहिला मुलगा आणि हेथ,
16यबूसी, अमोरी, गिर्गाशी,
17हिव्वी, आर्की, शीनी,
18अर्वादी, समारी व हमाथी हे झाले; पुढे कनानी कुळांचा विस्तार झाला.
19कनान्यांची सीमा सीदोनाहून गरारास जाण्याच्या वाटेवर गज्जापर्यंत आणि सदोम, गमोरा, आदमा व सबोईम ह्यांच्याकडे जाण्याच्या वाटेवर लेशापर्यंत होती.
20कुळे, भाषा, देश व राष्ट्रे ह्यांपरत्वे वर सांगितलेली हामाची ही संतती आहे.
21शेम हा सर्व एबर वंशाचा पूर्वज व याफेथाचा वडील बंधू, ह्यालाही संतती झाली.
22शेमाचे मुलगे : एलाम, अश्शूर, अर्पक्षद, लूद व अराम.
23अरामाचे मुलगे : ऊस, हूल, गेतेर व मश.
24अर्पक्षदास शेलह झाला, व शेलहास एबर झाला.
25एबरास दोन मुलगे झाले, एकाचे नाव पेलेग होते, कारण त्याच्या दिवसांत पृथ्वीची वाटणी झाली; त्याच्या भावाचे नाव यक्तान होते.
26यक्तानास अलमोदाद, शेलेफ, हसर्मावेथ, येरह,
27हदोराम, ऊजाल, दिक्ला,
28ओबाल, अबीमाएल, शबा,
29ओफीर, हवीला व योबाब असे मुलगे झाले; हे सगळे यक्तानाचे मुलगे.
30त्यांची वस्ती मेशापासून पूर्वेकडील डोंगर सफार ह्याकडे जाण्याच्या वाटेवर होती.
31कुळे, भाषा, देश व राष्ट्रे ह्यांपरत्वे ही शेमाची संतती आहे.
32पिढ्या व राष्ट्रे ह्यांपरत्वे ही नोहाच्या वंशजांची कुळे सांगितली आहेत; जलप्रलयानंतर त्यांची पृथ्वीवर भिन्नभिन्न राष्ट्रे झाली.
Айни замон обунашуда:
उत्पत्ती 10: MARVBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Marathi R.V. (Re-edited) Bible, पवित्र शास्त्र
Copyright © 2015 by The Bible Society of India
Used by permission. All rights reserved worldwide.