KEYUM KERO 5
5
Adamke Otíng-oyine
1Simoko Adamke otíng-oyine. Edílo Shédíbí taniem pítodí delo tanime bí Shédíme gesudope pílento. 2Ingkona longelo bí pítodí, delo milopelang mimepe píla utepooro lubéélíkla tani emto; 3Adambí dítak língko kolang íying angumko idoem bí bím gesuna, bík migmo kísana ooko olenla, bím Seth emla amínem mínlíkto. 4Sethke abupe ila dítak língko píínyiko irongem Adam ome-ue ayoko kato. 5Adambí dítak língko konang kolang íying angumko turpala sikai. 6Edílo Sethbí dítak língko kolang takngoko yétodí, bí Inoshke abupe ito. 7Inoshme orongem Sethbí dítak língko píínyi kolang dítak kínídko turla ome-ue ayoko kato. 8Sethbí dítak língko konang kolang takying kolang taknyiko turpala sikai.
9Edílo Inoshbí takying konang todí delo bí Kenanme oto. 10Kenanme orongem dítak língko píínyi kolang takying kolang takngoko Inoshbí turla ome-ue ayoko kato. 11Inoshbí dítak língko konang kolang takngoko turpala sikai.
12Edílo Kenanbí takying kínídko delo yétodí bí Mahalalelke abupe ito. 13Mahalalelme orongem dítak língko píínyi kolang takying appiko Kenanbí turla ome-ue ayoko kato. 14Kenanbí dítak língko konang kolang takyingko turpala sikai. 15Edílo Mahalalelbí takying akké kolang takngoko yétodí delo bí Jaredke abupe ito. 16Jaredme orongem dítak língko píínyi kolang takying angumko Mahalalel bí turla ome-ue ayoko kato. 17Mahalalelbí dítak língko píínyi kolang takying konang kolang takngoko turpala sikai. 18Edílo Jaredbí dítak língko kolang takying akké kolang taknyiko yétodí delo bí Inokke abupe ito. 19Inokme orongem dítak língko píínyiko Jaredbí turla ome-ue ayoko kato. 20Jaredbí dítak língko konang kolang takying akké kolang dítak annyiko turpala sikai. 21Edílo Inokbí takying akké kolang takngoko yétodí bí Methuselahke abupe ito. 22Methuselahme orongem dítak língko angumko Inokbí Shédíkíng yébosula ome-ue ayoko kato. 23Inokke yénam dítage língko angum kolang takying akké kolang takngoko yéto. 24Inokbí Shédíkíng yébosula bí nyokkai. Kapeila Shédíbí bím laasito. 25Edílo Methuselahbí dítak língko kolang takying píínyi kolang dítak kínídko yétodí, delo bí Lamekke abupe ito. 26Lamekme orongem dítak língko kíníd kolang takying píínyi kolang taknyiko Methuselah bí turla ome-ue ayoko kato. 27Methuselah dítak língko konang kolang takying akké kolang dítak konangko turpala sikai. 28Edílo Lamekbí dítak língko kolang takying píínyi kolang taknyiko yétodí delo bí ooko oto. 29Delo oo delokke amínem Noah emla míndola sipe posuto, “Ruutum ke pélíknam amongso, ngoluke agí alag kídísok agér idírsunamlok bí ngolum asarmoyé.” 30Noahme orongem dítak língko pilngo kolang takying konang kolang takngoko Lamekbí turla ome-ue ayoko kato. 31Lamekbí dítak língko kíníd kolang takying kíníd kolang dítak kínídko turpala sikai. 32Noahbí dítak língko pilngoko yérongem Shem, Ham delokke Japhethke abupe ito.
Айни замон обунашуда:
KEYUM KERO 5: adiBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.