Matayo 7
7
1Botakoedyake bato baoyi, botokoedyama inoamene baoyi. 2Lacina bangokokoedy’ino nko l’okotua bonakody’ino; ko bangokeledy’ino nko la lelelo lon’eledy’inoamene. 3Ko olenda ifumbufumbu iniyali ena liso lin’efili ene, ko ofakanele botondo bonoyali ena liso lineamene lanai? 4E onoyali l’otondo ena liso lineamene, ongosumola efili ene, ate, Nkofoedya ifumbufumbu iniyali ena liso line, yok’osamb’oya? 5Ebosimo! fodya botondo ena liso lineamene en’oso, ko ombena fololo lacina ofodya ifumbufumbu ena liso lina efili ene.
6Botafake mbwa toma tonatoekyama en’oeka; ko botafusake perles en’oso’ona nsombo, itongoyikamel’iho, ko itohalingwa oyokook’ino mpota.
7Bufola, ko engofama eneyal’ino; bofona, ko bongosungya; bofomela, ko lokombo longokombolama eneyal’ino. 8Lacina boto l’oto onufola aotamba, ko boto l’oto onofona aena, ko lokombo lokombolama eneyal’ende onofomela. 9Yombo bona bon’oto’omoi’onino alomb’afango lomata, boto’onino onongofa lufe oka nai? 10Yombo bona alomba nse, angofa njua? 11Yomb’ino bato ban’owe beya lifa ban’anino nganji in’olotsi, Bafango’onino onoyali ena loola afaleki nde yaf’iyo banalomb’ende toma ton’olotsi? 12Lacin’eho, baoyi ban’etaketaka banalang’ino bato bakilel’ino, bilela bato nko baoyi’aho; lacina bokotua bon’aoyi ban’asangya l’an’asumoli bahatu nd’oho.
13Botuaka en’ofolo bona nkaka; lacina mboka eneyacu en’eehedyo eyali fololo mene, ko bofolo bona mboka eho bond’okolo, ko iy’anatua meho band’ike. 14Koko mboka eneyacu ena liiko eyali nko nkaka, ko bofolo bona mboka eho bond’isisali, ko iy’anasungy’eho bafan’ike.
15Boongya lilenda basumoli bana mpoci banay’eneyal’ino yoka mpate, koko en’etem’eniyo bayali yoka nkoi in’olema9 16Bongaeya l’emamo’eniyo. Bato banuka nde bemamo bena vina ena beenge? yombo bateli ena bafengolankoi? 17Nk’osamb’oho bote l’otebon’olotsi boot’emamo ben’olotsi; koko bote bon’owe boot’emamo ben’owe. 18Bote bon’olotsi bofotisa bemamo ben’owe; ko bote bon’owe bofotisa bemamo ben’olotsi. 19Bote l’ote bonofote bemamo ben’olotsi bokotama, ko bookama ena nkoi. 20Lacin’eho, bongaeya nko l’emamo’eniyo. 21Ef’iyatu banansumol’emi Nkolo, Nkolo, bangotua linga ena lifoka lina loola: onotu’olo nk’ende onila eango ena Bafango’onami onoyali ena loola. 22Bato bike bangonsumol’emi en’in’oho, iy’ate, Nkolo, Nkolo, iso totasumola nd’ato baoyi ena lina line? totafodya nde bafoi ena lina line? totakamba nde bikambwa bina mpefa bike ena lina line? 23Ko nongasumola, emite, Ntake-y’ino tu, in’anil’owe, bum’eneyal’emi. 24Lacin’eho, boto l’oto onoka baoyi’ane’anami, ko ail’aho, akolana la boto ona bomwu onofakak’otumba ena lufe. 25Ko mbula eolwa, ko lofongo lokumba, ko lofom’otumb’oho; ko botakwa, lacin’oka boho bofakamaki ena lufe. 26Koko boto l’oto onoka baoyi’ane’anami, ko afile’aho, akolana l’oto oninda bomwu onofakak’otumb’onande en’edye ena longewu. 27Ko mbula eolwa, ko efela eoyela, ko lofongo lokumba, ko lofom’otumb’oho, ko bokwa, ko ekwelo en’otumb’oho eyaaki bik’ike.
28Koko eneki Yesu okadyaka baoyi’ane, bik’ike bon’ato baofefa la lilako linande, 29lacin’ende alakak’iyo l’okotua bon’oto onoyali la lifoka, efa yoka batengi’aniyo ban’ekanda.
Айни замон обунашуда:
Matayo 7: BBY62
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962