Matayo 1
1
1Bokanda bon’eotwelo ena Yesu Masiya, bon’ona Dawidi, bon’ona Abalayama.
2Abalayama aotaki Isaka; ko Isaka aotaki Yakobo; ko Yakobo aotaki Yuda ko l’atoolo’anande; 3ko Yuda aotaki Pelese la Zela, ban’ana Tamala; ko Pelese aotaki Eselone; ko Eselone aotaki Lama; 4ko Lama aotaki Aminadamba; ko Aminadamba aotaki Nasona; ko Nasona aotaki Salomona; 5ko Salomona aotaki Boaza, bon’ona Laba; ko Boaza aotaki Obede, bon’ona Luta; ko Obede aotaki Yisai; 6ko Yisai aotaki Dawidi, lifoka lina roi.
Ko Dawidi aotaki Solomona, bon’ona boyoto onoyalaki booli ona Uliya; 7ko Solomona aotaki Labama; ko Labama aotaki Abiya; ko Abiya aotaki Asa; 8ko Asa aotaki Yosapata; ko Yosapata aotaki Yolama; ko Yolama aotaki Uziya; 9ko Uziya aotaki Yotama; ko Yotama aotaki Aza; ko Aza aotaki Izikiya; 10ko Izikiya aotaki Manase; ko Manase aotaki Amona; ko Amona aotaki Yosiya; 11ko Yosiya aotaki Yekonya ko l’akune’anande en’esik’enek’iy’otolamaka ena Babela.
12Ena mbusa, enek’iy’otolamaka ena Babela, Yekonya aotaki Salatiele; ko Salatiele aotaki Zelubabela; 13ko Zelubabela aotaki Abiuda; ko Abiuda aotaki Eliyakima; ko Eliyakima aotaki Azola; 14ko Azola aotaki Sadoka; ko Sadoka aotaki Akimi; ko Akimi aotaki Eliyuda; 15ko Eliyuda aotaki Elazala; ko Elazala aotaki Matana; ko Matana aotaki Yakobo; 16ko Yakobo aotaki Yosefa, bome’ona Malia onootaki Yesu, onotangama Masiya.
17Yok’osamb’oho, en’atenyi bana Abalayama la Dawidi biotwelo biyali jo l’inei; ko en’atenyi bana Dawidi l’esike enek’iy’otolamaka ena Babela biotwelo jo l’inei; ko en’atenyi ban’esike enek’iy’otolamaka ena Babela ko la Masiya biotwelo jo l’inei.
18Eotwelo eneki Yesu Masiya ootwaka eyaaki yok’osamb’one: Eneki boyango’onande Malia oyalaka ikuke ina Yosefa, kuma batasongana, ayaaki la yemi la Bolimo bon’olotsi. 19Koko Yosefa, bome’onande, ayaaki boto’ona mbongi, ko atalanga yatel’ende nsoi en’oso bon’ato, akanelaki lacina ayumole la lokuko. 20Koko enem’end’okanela baoyi’ane, lenda, ekima ena Yawe enyaki eneyal’ende ena lilotua, ate, Yosefa, bon’ona Dawidi, taangake lisonga Malia booli’one; ende amotola yemi la Bolimo bon’olotsi. 21Ko angota bon’ona mpame, ko ongof’ende lina lika Yesu, lacin’oka angikya bato’anande en’aoyi’owe’aniyo. 22Baoyi’ane bahatu bailamaki lacina baoyi banaki Yawe otendaka la bosumoli bailame, ate,
23Lenda, boyoto onotaate bome angotola yemi, ko angota bon’ona mpame,
Ko bangof’ende lina lika Imanwele
ncina ena liho nko Yakomba ayali l’iso. 24Ko eneki Yosefa oetwaka en’ilo, ailaki yok’onoki ekima ena Yawe olakaka, ko aosonga booli’onande; 25ko atasangana l’ende, yengoko aotaki bon’ona nsomi ona mpame, ko aofaki lina lika Yesu.
Айни замон обунашуда:
Matayo 1: BBY62
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962