Mwaluko 5
5
Lulelo lwa Adamu
1Ayi ndo mbuli ya lulelo lwa Adamu. Mhela Nguluwi loyamlumbile munhu, nakamlumba kwa kiwhana na heye. 2Nakawalumba mlume na mdala, hamba nakawatambichiza na kuwapa itagwa “Munhu.”
3Adamu loyali na miyaka miya imwe na makumi gadatu, nakawa na mwana msongolo yewhanile na heye, nakamchema Seti. 4Kulawila aho, Adamu nakekala miyaka miya nane, na kuwa na wana wanji walume na wadala. 5Adamu nakabagama loyawele na miyaka miya tisa na makumi gadatu.
6Mhela Seti loyawele na miyaka miya imwe na jihano, nakawa mhaza wa Enoshi. 7Loyampatile Enoshi, Seti nakekala miyaka miya nane na saba, na kuponda wana wanji walume na wadala. 8Seti nakabagama loyawele na miyaka miya tisa na kumi na mili.
9Mhela Enoshi loyali na miyaka makumi tisa, nakawa mhaza wa Kenani. 10Loyampondile Kenani, Enoshi nakekala miyaka miya nane na kumi na jihano, na kuwa wana wanji walume na wadala. 11Enoshi nakabagama loyali na miyaka miya tisa na jihano.
12Mhela Kenani loyali na miyaka makumi saba, nakampata Mahalaleli. 13Loyampondile Mahalaleli, Kenani nakekala miyaka miya nane na makumi gane, nakawa wana wanji walume na wadala. 14Kenani nakabagama loyali na miyaka miya tisa na kumi.
15Mhela Mahalaleli loyawele na miyaka makumi sita na jihano, nakawa mhaza wa Yaledi. 16Loyampondile Yaledi, Mahalaleli nakekala miyaka miya nane na makumi gadatu, nakawa wana wanji walume na wadala. 17Mahalaleli nakabagama loyawele na miyaka miya nane makumi tisa na jihano.
18Mhela Yaledi loyawele na miyaka miya imwe na makumi sita na mili, nakawa mhaza wa Enoki. 19Loyampondile Enoki, Yaledi nakekala miyaka miya nane, nakawa wana wanji walume na wadala. 20Yaledi nakabagama loyawele na miyaka miya tisa na makumi sita na mili.
21Mhela Enoki loyali na miyaka makumi sita na jihano, nakawa mhaza wa Metusela. 22Enoki na Nguluwi wali weganile. Loyampondile Metusela, Enoki nakekala miyaka miya jidatu nakawa na wana walume na wadala. 23Enoki nakekala miyaka jidatu na makumi sita na jihano. 24Enoki nayali weganile na Nguluwi, nakaheluka hela, ndo mina Nguluwi nakamhola.
25Mhela Metusela loyawele na miyaka miya imwe na makumi nane na saba, nakawa mhaza wa Lameki. 26Loyampondile Lameki, Metusela nakekala miyaka miya saba na makumi nane na mili, nakawa na wana wanji walume na wadala. 27Metusela nakabagama loyawele na miyaka miya tisa na makumi sita na tisa.
28Mhela Lameki loyawele na miyaka miya imwe na makumi nane na mili, nakampata mwana msongolo. 29Nakamchema mwana ayo Nuhu, yolonga, “Mwana ayu ndo yotuhembuliza kwa mijito jing'hang'hale yotulingukola kwa moko ga hetwe kuli isi yaipanjile Mkulu Nguluwi.” 30Loyampatile Nuhu, Lameki nakekala miyaka miya jihano na makumi tisa na jihano, nakawa na wana wanji walume na wadala. 31Lameki nakabagama loyawele na miyaka miya saba na makumi saba na saba.
32Nuhu loyafichile miyaka miya jihano, nakawa mhaza wa Shemu na Hamu na Yafeti.
Айни замон обунашуда:
Mwaluko 5: Chividunda
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators