Mátíyu 1
1
Árúku 3:23-28
1Ísu Káráísitina akúni'a uráan-kwasai. Ísu aíkwá'náma Tévítimani. Tévíti aíkwá'náma Ááváramumani.
2Ááváramu Áísákaamba marankówana
Áísáka Yákópomba marankówana
Yákópo Yúta-iyai áváráwáínónda matinkówana
3Yúta Pérésinte Sáraante matínkaraimba
tinówa Témamani.
Pérési Éséronimba marankówana
Éséroni Árámumba marankówana
4Árámu Ámínátapamba marankówana
Ámínátapa Násonimba marankówana
Násoni Sáómonimba marankówana
5Sáómoni Póásimba maránkaraimba
anówa Áré'apimani.
Póási Ópétimba maránkaraimba
anówa Árútimani.
Ópéti Yésimba marankówana
6Yési Tévítimba marankówana
Tévíti kárákwiyi-i'a uráiwai Sórómonimba
maránkaraimba anówana aiva-kwánkó áwí'a
Yúráya úwana naaén-kwamba Tévítimani.
7Sórómoni Áríyapoamumba marankówana
Áríyapoamu Ápáísaamba marankówana
Ápáísaa Ésaamba marankówana
8Ésaa Yíósavatimba marankówana
Yíósavati Yórámumba marankówana
Yórámu Ásáyaamba marankówana
9Ásáyaa Yótámumba marankówana
Yótámu É'ásaamba marankówana
É'ásaa Ésékayaamba marankówana
10Ésékayaa Mánásaamba marankówana
Mánásaa Émósimba marankówana
Émósi Yósáyaamba marankówana
11Yósáyaa Yékónaya-iyai áváráwáínónda matinkówasa
minkánáávímbá Pépíróni-naopakewai Ísareri-kwaasi tayí'maesa Pépíróniva'a ándáva'a mátínkaraawe.
12Pépíróniva'a mátínkó-kanaavimba
Yékónaya Síátiomba marankówana
Síátio Sérápápeomba marankówana
13Sérápápeo Ápáyatimba marankówana
Ápáyati Éráyakimumba marankówana
Éráyakimu Ésomba marankówana
14Éso Sétókomba marankówana
Sétóko Ékímumba marankówana
Ékímu Éráyatimba marankówana
15Éráyati Éríesaamba marankówana
Éríesaa Mátánaamba marankówana
Mátánaa Yákópomba marankówana
16Yákópo Yósépimba marankówana
Yósépi Máríyaamba awaikó úwana Máríyaa Ísumba anówamani. Ísuntavesa Áánútu usásinankaiwaiye sésa Káráísitiye kwésewe.
17Ááváramumo máyonka'a sísamaivakemba éíyaimba kumbaimái-kwaasi 14 kwaasi agáyówasa Tévítimo paárurenamo máyonka'a sísamaivakemba éíyaimba kumbaimái-kwaasi 14 kwaasi agáyówasa Pépírónivakewai tayí'maesa Pépíróniva'a ándáva'a mátínkarowasa máyón-kanaavimba sísamaivakemba éíyaimba kumbaimái-kwaasi 14 kwaasi agáyówana minká'á Máríyaa Ísu Káráísitimba maránkaraiye.
Ísumba maránkarain-kwasai.
Árúku 2:1-7
18Ísu Káráísitimba marankómba maará uráiye. Ísu anówamba Yósépinka'a siváúmaresa ítámakowana Yósépi íma kwesé kurónka'a ámú'a paáruraiye. Áánútun-amanko ámú'a paárumankarowana 19awaikó kawe'á kwéuwai séna kwaási túranka'a ai'máráanana Máríyaa aigaeyávéna iváímpo'a aúpá'á ai'mátuwanaumne-imayaa uráiye.
20mirá imáyáama kwéena aún-kwáyowana Ísóigona kwayó'nákó kwíyómpakewai kaainampá'á simámena séna Yósépiyo Tévítin-andaraken-kwaasi óne. Máríyaamo ámú'o káúvímba Áánútun-amankowe su'mai ámú'a kauwánkáímba po kwembá úwoi mayáníyompo íma áá'a kaíno. 21iyámpóímo marankánímba áwí'a Ísuwe simámiyo siráiye. mináwíkóná ááimba kwená kwaási sáwí-imayaaomo tátokaimpinkemba iyátinkaniye siráiye.
22naaóvá'á Áánútun-aai simátímakowai sirónka'a póna mirán-tántáá'á paáruraiye. 23kwemá agaimaréna séna
moórá-inaamarugo kwaaí íma mairéna ámú'a
kaumái iyámpói marankáínasa miníyámpóígó
áwí'a Émániyueriye sénááowe
agaimaréna siráimba mináwíkóná ááimba Áánútu keséya máyáiye siráiye.
24Yósépi aúvínké usásinena Ísóigona kwayó'nákó kwíyómpakewai siróntemba awainínkómbá mairéna 25íma kwesé kúmba úwoi ména kárákwirowana iyámpói marankówana Ísuwe séna áwí'a tamánkaraiye.
aaváúmó usópaken-kwaasi taawánaraan-kwasai.
Айни замон обунашуда:
Mátíyu 1: kze
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 1980, Wycliffe Bible Translators, Inc. All rights reserved.