IRPHUTNA 2
2
1Kha zoiin chu irnêng irvân le a sûnga om hrang murdi siam zoi a ni tâka. 2#Heb 4.4#Fes 20.11 Khanchu Pathianin sûn sari nî tena chu a thilsiam hranghai siam zoiin, a sûn sari nî chu a thilsiam mâkin a’rngam tâka. 3Khanchu Pathianin sûn sari nî sûn chu sat a vurin a ser ir-up tâka. Kha nî sûn chu Pathianin a thilsiamhai thu ringot le a kuta a isiamhai mâkin a’rngamsanhai tâk sikin.
Eden irhuan
4Irnêng le irvân siam dân chu hiang hin a ni, Rengpa Pathianin irnêng le irvân a siam lai khan. 5Irnênga sûl hringhai hi ite la om maka, irnênga anhringhai khom ite la mông thei maka. Rengpa Pathianin irnêng chunga rua a la’nthotir no sikin, irnêng tuk hrang mihriam khom an la om no sikin; 6khannisianlân irnêng ata sûm a hong suaka irnêng pumpui a bit zoi tâka. 7#1 Kor 15.45 Khan Rengpa Pathianin irnêng pilin mihriam a siama, a hnâra hringna phûk a mût inlûta, khanchu mihriam kha mihriam hring a hong ni tâka.
8Khan Rengpa Pathianin nisua tiang Eden irhuan a siama; a mihriam siam kha an omtira. 9#Thup 2.7 Khan irnêng ata Rengpa Pathianin thing satak tak le fâk thei zât tinrêng a inmôngtira, hringna thingkung a laitaka a inmôngtira, a sa le a sia inhriatna thing. 10Khan Eden irhuan ata tuidung, irhuan irziltir hrangin a inluangtira, khatak ata irsem darin, iva minliin a’rsem suak ta. 11Inkhat irhming chu Pison a ni; Havila ram pumpui hual suaktu a ni, kha khan rângachak a oma; 12kha rama rângachak kha a satak a ni, kha khan Bedolak le berul lung khom a om. 13Vadung inhnina irhming chu Gihon a ni, hi hi Kus ram pumpui hualtu a ni. 14Vadung inthumna irhming chu Hiddekal a nia; Assuria ram nisua tianga luang a ni. Khan vadung minlina chu Eufrates a ni.
15Khan Rengpa Pathianin mihriam kha a hruaia, Eden irhuan enkola hrung hrangin a siaa. 16Khan Rengpa Pathianin mihriam kuang khan, “Irhuana thing murdi ra ni fâk thei ving ni inuam murdi, 17khan a sia le sa inhriatna thing ra hi chu ni ifâk hrang ni ma: ni fâkin chu, ni fâk nî sûn le zoro taka ni ithi ngêt hrang a ni,” tiin thu a pêka.
18Khan Rengpa Pathianin, “Mihriam a bing doka om chu a sa ti maka, ama chanpui hrangin, a’rhloppui thei hrang irhoi mi siam pe ki ti,” a tia. 19Khan Rengpa Pathianin, irnêng pilin ramsa tinrêng le chunglêng vahai tinrêng a siama; khan an irhmingin imo a iti hrang ti inhriatna hrangin Adama kuang a hruaihaia; thilhring murdi Adama kuanga hong murdi chu, a iti ang takin irhming an nei ving ta. 20Khan Adama’n ramsa murdi, chunglêng vahai tinrêng irhming an neitirhai vinga; khannisianlân Adama chu a changpui hrang le a’rkoppui hrang ite a’rhloppui hrang om maka.
21Khanchu Rengpa Pathianin Adama kha inmu irhnik taka inzâlin an intira, a in kârin a kângru inkhat a lâk pea, kha irthûla khan taksa’n an bittir tâka; 22Khan Rengpa Pathianin Adama ata a ilâk kângru kha nupangin a siama, Adama kuang a hruai tâka.
23Khan Adama’n, “Hi ngêt hi keima ru ang ru neia,
ki taksa anga taksa nei ngei chu a ni:
Pasal ata lâksuak a ni sikin.
‘Nupang’ ti hrang ni a ti,” a tia.
24 #
Mt 19.5
Khasikin pasalin a nu le a pa masan a ta, a dôngma chel a ti: khanchu taksa pumkhat hong ni ta an ti. 25Khan Adama le a dôngma kha korongboiin an oma, inzak ual mahai.
Айни замон обунашуда:
IRPHUTNA 2: HRACLBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.