Popular Bible Verses from Jhone 16

Паҳн кунед

A telt ye aa thon sae that ïn me yis can hae peace. In thïs warl ye wull hae nae enn o bother. But dïnnae be doon-hairtit got. Cheer up! A hae tha warl owercum.”

But whaniver tha Spïrit o Truith cums, he wull guide yis ïntae aa tha truith. He'll no spake on hïs ain, he'll tell ye jist whut he hears, an he'll tell ye whut ïs yit tae cum aboot.

Up tae noo, yis hinnae axt fer ocht ïn ma name. Ax an ye'll hae ït gien, an yer hairts wull be fu o joy.

But tae tell ye tha truith, ït's fer yer ain guid that A'm gaun awa. Fer less A gang awa, tha halie Guide wull no cum til yis; but ïf A gang, A wull senn hïm tae ye. Whaniver he cums, he wull show tha warl that ït's ïn tha wrang anent its sïn, anent bein richt, an anent judgemen.

Samewyes wi yous: noo's your time o sorra, but A wull see yis agane an yer hairts wull be sïngin fer joy, an naebodie wull tak yer joy awa frae ye. Cum that day an yis'll no ax me ocht onie mair. Here's tha wye o ït strecht: ma Faither wull gie ye oniethin ye ax fer ïn ma name.

Weel here's tha truith o ït, you wull be greetin an murnin whan tha warl ootbye ïs blythesum. You'll be hairt-sair, but yer sorra wull turn ïntae joy.