Popular Bible Verses from Zan 4

Паҳн кунед

Laagɔ ‑glɩ 'Wugo, na 'sɛ 'la gbʋ dɛ ɩ ‑fata 'lɛ lebhe maa ‑ɔ gʋgwlɔɔ 'lɛ na, ma gʋgwlalɩɔ 'Wugoa 'la klalɩlɩɛ ɩya ‑nʋawlɛ nɩkplaan.»

‑Ma 'ŋwacɩa ci 'yɛpɩ 'nyɩ ɛ ya tooto ŋeni, daa ‑nʋawlɛ ‑gʋgwlanyaa, cɩ 'ka 'lɛ Toa 'wugoa ɩya ‑nʋawlɛ nɩkplaan gʋgwlalɩ na, ‑masa 'sɛ 'la ‑gʋgwlanyaa Toa 'matɩ 'lɛ na.

‑Ma ɔmɔa ‑ɔ ‑cɩ ka 'lɛ 'nyua n cɩ 'kɔɔ 'lɛ 'nyɩ na 'mla na, 'nyutʋ ‑ylɛylɛ cɩ 'takɩnɩɔ 'bhla. ‑Masa 'nyua n cɩ 'kɔɔ 'lɛ 'nyɩ na, ʋ cɩ 'kɔɔ nɩkplaan, 'nyukobhua jabhʋa ‑ʋ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'wlʋlʋ 'lɛ nɩkplaan na 'plɩlɩ.»

Zozii yɔɔ 'cla lebhe: «‑N ‑kaa 'nanɩa Laagɔ nʋ 'lɛ ɩya ɔmɔa ‑ɔ clɔɔ 'lɛ lebhe: 'Nyɩɩn 'nyu ɩya n 'ka 'mla na ‑cia na, ‑mɔ ‑ɔ ‑cɩ kaa 'lɛ 'clalɩ ɩya ɔ 'kaa ‑mɔɔ 'lɛ 'nyua ‑ʋ 'nyɩ 'lɛ jabhʋa na 'nyɩ.»

Na, Zozii ya maa 'cla lebhe: «'Na nyɩa, ɩ ‑glɩ le n nʋ ɔmɔa ‑ɔ lobhuun 'lɛ na, ɔla pɔɔsa ɩya n bhɩalɩ lobholia ɔ 'nyɩɩn 'lɛ na.

‑Ma 'ŋlɔa yɔɔ neencla lebhe: «‑Kwlenyɔ, ‑n 'ta 'nyulusonu ‑ka 'nyɩ 'gbojlobhukua tlʋʋn, na 'nda ‑n ‑cɩ kaa 'lɛ nyuu ‑naa ‑ʋ nyɩ 'lɛ jabhʋa na 'lɩlɩ bha?

'Ŋlɔa yɔɔ 'cla lebhe: «N ci sɛɛ lebhe Laagɔ 'la ‑Sasanyɔa* cɩ 'ka ci, ɔmɔa ma la 'lɛ Klisi na. Daa ɔ cɩ 'ka 'lɛ ci na, ɔ cɩ 'ka ‑anyɩ wɔlɩa ‑tɛtɛa ‑zɔnsa.» Na, Zozii yɔɔ 'cla lebhe: «‑Amʋa ‑ɔ soluo 'lɛ na, ‑amʋ ‑ɔ ‑glɩɔ 'lɛ.»

«A ci a 'lɩmʋka nclɔɔ. Ɔ yaan 'na wɔlɩa 'fɩan n nʋ 'lɛ na solu. Laagɔ 'la ‑Sasanyɔa ɔ cɩ 'ta sɛɛ 'lɛ 'plɩ bha?»