Popular Bible Verses from Jn 4

Паҳн кунед

A Dios Espíritu, yuj cha, toto 'ay mach tzyal sb'a 'a 'a, yowlal tzyal sb'a eb' wal 'a yel, 'a 'esal, xchi Jesús 'a 'ix.

'Ay eb' a 'a qui Mam Dios tzyal sb'a wal 'a yel. Al ticnec, tox 'ix jaw stiempoal 'oj yal sb'a eb' 'a caw yel, 'a 'esal. Yujto a qui Mam Dios, tznib'ej to 'ixta tzyutj eb' yaln sb'a 'a 'a.

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Palta xyaln pax 'ixtc 'a eb': —Caw tzin nib'j tzin b'o tas tznib'j jun checjnacn coti, masnto tzin laj smunljel ya'jnac 'ayin. A yic tzin b'on jun cha, 'icha to ata tzin wa'i.

—Ach winac, 'in may a lechlab' tzac' lechnc q'uet a'. Caw xab' yaj 'ejm a'. ¿'Ajm til 'oj ec' jun a 'oj ac' 'a'nc in q'uinl cha?

'Ix yaln pax 'ix 'a 'ixtic: —Aln tic, wojtac 'ay jun Mesías sb'i, tzyal 'el'chi atn Cristo 'oj jawoc. A yic 'oj jawc jun cha, tojln̈ej 'oj yutc yaln smasnil tas, xchi 'ix 'a 'a. —An ton tic wan in paxtin 'aych tic, xchi Jesús 'a 'ix.

—'Ay jun winac, c'uxn yojtac tastc tzin b'o'o, yictax in cottch 'a yune'al. C'uxn xyal win 'ayn smasnil. Coyc wet'oc, 'at quilc nab'an. Tope laj to a jun Mesías, xchi 'ix 'a eb'.