Popular Bible Verses from YA-SFADOCI JRNE 1

Паҳн кунед

Pvyaqv yatfwi utvhpanakuci, niheni inv u melvhi ini mvyrwafewa wvhsi ut vpaluhfami-nrci Mvnatu, datapilvhi nihi da-dap wahtv-mabci u wefowa

Hina vlamvh kvmikvtwi vpiwv inv Kvlvwewanv, chena inv Kvlvwewanv weci vpiwv Mvnadoli, macimi Mvnatu inv Kvlvwe-wanv.

Chena ini wvivhfayrgi wvhfagaiv ini lr papagicv; macimi inv Ir papagicv ud rlwi nanuhtv ini.

Chena inv Kvlvwewanv wivufiwi, macimi weci dawv alagenv gelvwa (macimi ki talrpvdr-pa u wvhfrci-makufewa, brsi u wvhfrci-makufewa inv nakudo-srkv inv Ufimv uci), uqihfanwili gisrciwewa chena dabwawa.

Jrivhki wiahi macdota srpwi inv; macimi frgici inv mvtv wiahi macdota mviacdodagi. Weyrgi inv vhdawi lanvwawewa; macimi ini lanvwawewa ini u wvhfayrmwv ilaneki.

Wvyrpvgi u nawrli Jesiseli bami utfakuci, Wrpvmahku, nili u pvlvsrni-magefamvli Mvnatu, yr-miwadolici ini u mvjela-fewa inv yalakuqvh-kvmigigi ! iwv macimi.

Hinv ini yalakuqvh-kvmigigi vpiwv, macimi ini yalakuqvh-kvmigigi macdota srpwi inv, chena ini yalakuqvh-kvmigigi mvtv u wrkumaku. Hu nhvlwrfewanv si biawv, macimi nihi na-hvlwrfeci utvhpanakuhi mvtv.

N’tvsi vhdawi ini mvyrwi wvivhfayrgi, datapilvhi ini wvivhfayrgi wvivhfamakuci jrgi ilani pvyaci birtv ini yalakuqvh-kvmigigi.

Xvga ini kutaladewa meliwapi srpwi Mosise; gisrciwewa macimi dabwawa biaiv srpwi Jesise Klvisde.