Popular Bible Verses from မဿဲ 25

Паҳн кунед

ရှင်ဘုရင်​ကလည်း ‘သင်တို့​အား ငါ​အမှန်​ဆို၏။ ငါ​၏ ညီအစ်ကို​မောင်နှမများ​ထဲမှ အသေးနုပ်ဆုံးသော​သူ​အား သင်တို့​ပြုစုကြသမျှ​သည် ငါ့​အား ပြုစုခြင်းပင်​ဖြစ်သည်’ ဟု ပြန်​၍ မိန့်တော်မူ​လိမ့်မည်။

သူ​၏ သခင်​ကလည်း ‘ကောင်းပေ၏။ သစ္စာရှိသော​အစေခံ​ကောင်း… သင်​သည် သေးငယ်သော​အမှုကိစ္စ​၌ပင် သစ္စာရှိခဲ့ပြီ။ ထို့ကြောင့် များစွာသော​တာဝန်များ​ကို သင့်​အား ငါ​လွှဲအပ်မည်။ ငါ​၏​စားသောက်ပွဲ​၌ ပါဝင်​ဆင်နွှဲလော့’ ဟု ဆို၏။

ရှိသော​သူတို့​အား များစွာ​ထပ်​၍ ပေး​သဖြင့် သူတို့​သည် ကြွယ်ဝကြ​လိမ့်မည်။ မရှိသော​သူတို့​ထံမှ​မူ သူတို့​၌​ရှိသော​အရာ​ကိုပင် သိမ်းယူ​လိမ့်မည်။

သို့ဖြစ်၍ သင်တို့​သည်လည်း သတိ​နှင့် စောင့်နေကြလော့။ အဘယ်ကြောင့်ဆိုသော် ငါ​ပြန်လာမည့် နေ့ရက်​နှင့် အချိန်​နာရီ​ကို သင်တို့​မသိ​သောကြောင့်​ဖြစ်၏။

ငါ​သည် ဆာလောင်မွတ်သိပ်​သောအခါ သင်တို့​သည် ငါ့​ကို စားစရာ​ပေးကြ၏။ ရေငတ်​သောအခါ ငါ့​ကို သောက်စရာ​ရေ ပေးကြ၏။ ငါ​သည် ဧည့်သည်​ဖြစ်​သောအခါ ငါ့​ကို သင်တို့​အိမ်​သို့ ကြိုဆို​လက်ခံကြ၏။

သခင်​ကလည်း ‘ကောင်းပေ၏။ သစ္စာရှိသော​အစေခံ​ကောင်း… သင်​သည် သေးငယ်သော​အမှုကိစ္စ​၌ပင် သစ္စာရှိခဲ့ပြီ။ ထို့ကြောင့် ယခု များစွာသော​တာဝန်များ​ကို သင့်​အား ငါ လွှဲအပ်မည်။ ငါ​၏​စားသောက်ပွဲ​၌ ပါဝင်​ဆင်နွှဲလော့’ ဟု ဆို၏။

ငါ​သည် အဝတ်ဗလာ​ဖြစ်သောအခါ ငါ့​အတွက် ဝတ်စရာ​အဝတ်​ကို ပေးကြ၏။ ငါ​သည် ဖျားနာ​သောအခါ ငါ့​ကို ပြုစုစောင့်ရှောက်ကြ၏။ ငါ​သည် ထောင်ကျ​သောအခါ ငါ့​ထံသို့ လာရောက်​ကြည့်ရှုကြ၏’ ဟု မိန့်တော်မူ၏။