Popular Bible Verses from မဿဲ 21

Паҳн кунед

သင်တို့​သည် မည်သည့်​အရာ​ကို​မဆို ယုံကြည်ခြင်း​ဖြင့် ဆုတောင်း​လျှင် တောင်း​သမျှ​ကို ရကြ​လိမ့်မည်” ဟု မိန့်တော်မူ၏။

ယေရှု​က “သင်တို့​အား ငါ​အမှန်​ဆို၏။ သင်တို့​သည် သံသယ​ကင်းသော ယုံကြည်ခြင်း​ရှိ​လျှင် ထို​သဖန်းပင်​ကို ငါ​ပြု​သကဲ့သို့ သင်တို့​ပြုနိုင်မည်။ ထိုမျှမက ဤ​တောင်​အား ‘ဤ​နေရာ​မှ ရွေ့​ကာ ပင်လယ်​သို့ ကျလော့’ ဟု ပြော​လျှင် ပြောသည့်​အတိုင်း ဖြစ်​လိမ့်မည်။

ယေရှု​ရှေ့တော်​နှင့် နောက်တော်​တွင် လိုက်ပါသော​လူထုတို့​က “ဒါဝိဒ်မင်း​၏ သားတော်​ကို ချီးမွမ်းကြ​ပါစေသော။ ထာဝရဘုရား​၏ အမည်​နာမ​နှင့် ကြွလာသော​အရှင်​သည် မင်္ဂလာ​ရှိပါစေသော။ အမြင့်ဆုံးသော ကောင်းကင်ဘုံ​၌ ဘုရားသခင်​၏ ဂုဏ်တော်​ကို ချီးမွမ်းကြ​ပါစေသော” ဟု ကြွေးကြော်ကြ၏။

ယေရှု​က “ကျမ်းစာ​တွင် ‘ငါ​၏ အိမ်တော်​သည် ဆုတောင်းရာ​အိမ်တော်​ဟု ခေါ်ဆို​ရမည်’ ဟူ၍ ရေးသားထား​သော်လည်း သင်တို့​သည် အိမ်တော်​ကို ဓားပြစခန်း​ဖြစ်စေကြပြီ” ဟု သူတို့​အား မိန့်တော်မူ၏။

“သင်တို့​၏​ရှင်ဘုရင်​သည် မြည်း​နှင့် မြည်းကလေး​ပေါ်တွင် စီး​၍ နူးညံ့သိမ်မွေ့သော​စိတ်​ဖြင့် သင်တို့​ထံသို့​ကြွလာတော်မူပြီ​ဟု ဇိအုန်​မြို့သူမြို့သားတို့​အား ပြောကြလော့” ဟူ၍ ဖြစ်၏။

ထိုအခါ ယေရှု​က “ကျမ်းစာ​၌ ‘တိုက်ဆောက်သော​သူတို့ ပယ်ထားသည့်​ကျောက်​သည် အရေးပါသော​ထောင့်ချုပ်ကျောက် ဖြစ်လာရ၏။ ဤ​အမှု​သည် ထာဝရဘုရား ပြုတော်မူသော​အမှု​ဖြစ်၏။ ငါတို့​မျက်စိ​ရှေ့​၌လည်း အံ့ဖွယ်​ဖြစ်၏’ ဟု ရေးထားသည်​ကို သင်တို့ မဖတ်ဖူးကြသလော။

ထို့ကြောင့် သင်တို့​အား ငါ​ပြောဆိုသည်​မှာ ဘုရားသခင်​၏​နိုင်ငံတော်​ကို သင်တို့​ထံမှ သိမ်းယူ​၍ နိုင်ငံတော်​၏​အသီး​ကို သီးသည့်​လူများ​ထံသို့ ပေးအပ်တော်မူ​လိမ့်မည်။