Popular Bible Verses from Zãn 15

Паҳн кунед

Ɛ́ ńpe iè lè vɛ̃̀hṹ, ɛ̀ mìpe iè hɔ̀ ńnɛ́hɛ̃. Kɛ́ álɛ ɛ́ can dɛ̃̀ mi ǹ, ɛ̀ ǹpe lò ɛ́ ɓiɛ̀ can dɛ̃̀-a ǹ, ɛ́ ɓàasɔ ɛ́ wóo hɛ biè bɔ̀kùi, iè hɔ̀ lɛ ɛ́ mí yí dɛ̀ bòo dɔ̀ ɛ́ yá wé míte ǹ kɛ́ ńpe ɛ́ bòo mí wɛ̀.

Ɛ́ mí cɛ dìń mi ǹ, kɛ̀a bòo lɛ ɛ́ ń dàa can dɛ̃̀ miɛ ǹ. Ńnɛ́hṹ ɛ́ yí dɛ̀ biè yá hɛ míte ǹ, kɛ́ lé yí cɛ dĩń lé vɛ̃̀hṹ ǹ wɛ̀. Ɛ́ kɛ̀amu, ɛ́ mípe ɛ́ ɓiɛ̀ yí dɛ̀ biè ɛ́ yá hɛ, kɛ́ mí yí cɛ dĩ̀ń mi ǹ wɛ̀.

Kɛ́ mí ɛ́ can dɛ̃̀ mi ǹ, ɛ̀ niǹ biehĩ́ ɛ́ lò wi mi tĩɛ̀ hũn, ɛ̀ mì hɛ̃un bòo lɛ ɛ́ mí wɛ míkùi, ɛ́ mí yí hɔ́.

Mìpe ɛ́ yí teń mi ɛ́ yí muń, kɛ́ ńpe ɛ́ te miɛ munɛ. Ɛ́ ń munɛ miɛ ɛ́ tɔrɛ nɛ mi vɛ hɛ hɔ biè, hɔ̀ bie lɛ ɛ́ wóò kań yán fúu, bòo lɛ ɛ́ wé, ɛ̀ hɔ̀ bòo míkùi lɛ ɛ́ mí wóo ɓén hɛ̃un niǹ yèrè lɔ̀n kìe Yàá viì, à lɛ́ hɔ́ miɛ ǹ.

Kɛ́ nìnbírɔ ɛ́ lɛ mí mɛkɛ̃nì ɓá pàáɓɛ́ yènsénín, ɛ̀ wanminu dɔ̀ lɛ ɛ́ bĩniɛ pɔ le ɛ́ mínɛ wɛ̀.

Ɛ́ hɔ́ ńnɛ́hɛ̃, lɛ wi mi ǹ míkùi kɛ́ hɔ́ yá biè ɛ̀ hɛ, ɛ́ kìe Yàá ɛ́ ɓén ɓúukɛ hɔ ɛ́ kóosí. Ɛ̀ hɔ̀ ńnɛ́hɛ̃ lɛ ɛ́ hɔ̀ biè ɛ̀ hɛ, á ɓén tánkɛ hɔ ńnɛ́n-cíini lɛ wi pe hɔ́ sɛhĩ́ɛ ɛ́ lé yán, ɛ́ hɔ́ wo bĩní ɛ́ wookɛ hɛ hɔ biè ɛ́ sãàní.

Ɛ́ niǹ ɲunù bienù ɛ́ iè lè lɛ: Mì wɛní ɓán àá mí nì-cóohɛ̃, kɛ̀a bòo lɛ ɛ́ ń dàa wɛ miɛ.

Kɛ́ mí ɓen ɛ́ hɔ̀ bɔ̀tente ɛ̀ wé buòní, kɛ̀a bòo lɛ ɛ́ lé vɛ̃̀hṹ ɛ́ dàa wóò hɛ hɔ bie bɔ̀kùi, ɛ̀ mì iè niǹ kɛ̀ránzɛ̀ɓɛ̀ àá bɔ̀bín, ɛ̀ kɛ̀amu, ɛ̀ mì ɛ́ kìe Yàá ɛ̀ ɓàanínin.

Ɛ́ Yiezu ɛ́ bĩniɛ zɔn bie ɛ́ nɛ làa: «Ǹpe iè lè divɛ̃n vɛ̃̀hṹ àá bɔ̀bín, ɛ̀ kìe Yàá ɛ́ iè ɔ̀lɛ ɛ́ te pe le bòo ɛ́ húi.

Kɛ́ álɛ ɛ́ yí cɛ dĩ̀ń mi ǹ, ɛ́ kìe Yàá ɛ́ leń ɔ́ ɛ́ tɛ́viɛní kɛ̀a le ńnɛ́hṹ lɛ ɛ́ ɓɛ́ wóò cɛ̃́un tɛ́viɛní bòo sí, ɛ́ lé wo ɛ̀ he. Ɛ̀ hɔ̀ ńnɛ́hɛ̃ lɛ hɔn ɛ́ ɓɛ́ wóò khui ɛ̀ vɛ kóo hɔ́ dũń hũn, ɛ̀ hɔ̀ cĩ̀.

Ń khɛ́ hɔ́pe sí ɛ́ lɛ́ miɛ ǹ bòo lɛ ɛ́ wé ɛ̀ niǹ tĩwiɛ̀ ɛ̀ wé àá miɛ, ɛ̀ mì tĩwiɛ̀ ɛ̀ dàá ɲunù tí.

Kɛ́ mí tɛ̀ niǹ ɲunù bienù bòo, ɛ̀ mì wi niǹ wanminu hũn kɛ̀a bòo lɛ ɛ́ ńpe ɛ́ tɛ̀ kìe Yàá ɲunù bienù bòo, ɛ́ dàa wi piè wanminu hũn.

Hɔ̀ bòo lɛ bòo hie lɛ ɛ́ ń nɛ mi fɔ́ɓán ɛ́ mì wé iè hɔ̀ lɛ ɛ̀ mì wɛní ɓán mìkùi àá mí nì-cóohɛ̃.»

Kɛ́ mí bòo ɛ́ hṹn sɛ̃̀ lè dímíɲɛ́ ǹ, ɛ́ ɓɛ́ dímíɲɛ́ nìɛ ɛ́ hṹn ɓén wɛní miɛ iè hɔ̀ lɛ ɛ́ lépe dímíɲɛ́ ɛ́ te miɛ. Kɛ́ ńpe ɛ́ den munɛ miɛ, ɛ́ líeniɛ lè dímíɲɛ́ hũn, ɛ́ mí wo bĩniɛ bòo yí sĩ̀ lè dímíɲɛ́ ń wɛ̀. Ɛ́ sí iè hɔ̀pe temu lɛ́ ɛ́ ɓɛ́ dímíɲɛ́ nìɛ ɛ́ dàa hɛ́rɛ miɛ.