Popular Bible Verses from Zãn 12

Паҳн кунед

Kɛ́ nìnbírɔ ɛ́ nɛ mii tɛ́ niǹ tɔnlɔ́, à fɔ́ɓán à bè niǹ máahṹ, ɛ́ lé viì lɛ ɛ́ ń ɓén kań hũn, ɛ́ niǹ tɔntɛ́ ɛ́ ɓiɛ̀ ɛ́ wé hũn. Kɛ́ nìnbírɔ ɛ́ niǹ tɔnlɔ́ ɛ̀ tɛ́, ɛ́ kìe Yàá ɛ́ ɓén ɓàaní ɓàasɔ ǹ.»

Nìnbírɔ lɛ kɛ́ á bɔ̀ mí mɛkɛ̃nì bòo hieniɛ, á ɓén vĩ́iní lé, à lɛ ɛ́ yí bè mí mɛkɛ̃nì bòo hiení lé dímíɲɛ́ sɔ lɛ hũn, ɛ́ ɓén yí lé mɛkɛ̃nì lɛ yá vé.

Nin bie hɔ lɛ́ miɛ ǹ àá bɔ̀bín nɛ kɛ́ lé sìi biì dìcóoní ɛ́ yí kùén síɛ hɔ́ tĩ́ní hũn ɛ̀ síɛ lé, ɛ̀ hɔ̀ lɛ kɛ́ ɛ̀ tiè, ɛ́ lé wé lépe biì dìcóoní lò. Kɛ́ lé ɓen kùerɛ síɛ lɔ́, ɛ̀ hɔ̀ lɛ kɛ́ ɛ́ tie, ɛ̀ lè den hɛ hɔ biè lɛ buò.

Ǹpe iè hɔ̀ ńpiemu lɛ ɓɛrɛ lé dímíɲɛ́ hũn, bòo lɛ ɛ́ wé kɛ́ á lɛ dũmuasɛ̃̀ mi ǹ à bí kań hɔ́ síbínú hũn wɛ̀.

Kɛ́ nìnbírɔ ɛ́ ɲɛ́ niǹ biehĩ́ à yí ɓɛ́ɓɛ́ hɔ̀ ǹ mí tĩì hũn, ɛ̀ hɔ̀ yí ńpe te piè lìe ɛ́ ɓén lè wɛ̀. Iè hɔ̀ lɛ ɛ́ ń yí ɓen lè dímíɲɛ́ hũn ɛ́ nin ɓen lè ɓɛ̀ dímíɲɛ́ nìɛ lìe wɛ̀. Kɛ́ ń den ɓɛrɛ ɛ́ nin ɓen fuení ɓà ǹ.

Ɛ́ Maari ɛ́ van mɔ̀ hɔ̀ yurɔ́ dɔ̀ lɛ tũnù tĩ lɛ ɛ́ buò ɛ́ yú litiri tĩ́ihṹ ǹ, lɛ yàamu hie cɛ̃̀un, lɛ wóò lé lé vɛ̃̀n-cíi dɔ̀ ǹ lɛ yèrè ɛ́ ɓɛ́ nɛ naare, ɛ́ ɓen koo Yiezu zehĩ́ lɔ̀n, àá hɔ̀ sùukɛ̀ àá mí ńɲiihĩ́. Ɛ́ lé zũnù míkùi ɛ̀ yòó tú àá hɔ̀ yurɔ́ sɔ tũnù.

Ɛ́ ɓɛ́ khie khɔ́ hɔ̀ tèĩ́n ńnɛ́hɛ̃ ɛ̀ ɓɛ̀ van lɔ́ sɛ̃́ piè híɛhɔ́ kɛ́ ɓɛ́ ɛ́ bénkɛ ɛ́ nɛ làa: «Nɛ Dɔfĩn yèrè ɛ̀ ɓàaní! Nɛ Ɲunsɔ Dɔfĩn ɛ̀ dúɓɛ́ ɔ́pe lɛ ɛ́ ɓen piè yèrè lɔ̀n! Nɛ Dɔfĩn ɛ̀ dúɓɛ́ Yizarayɛɛle bɛ́zuú ǹ!»

Ɛ́ Yiezu zɔn bie lɛ́ ɓà ǹ nɛ làa: «Lè pɛ̃̀hṹ wo ɓɛrɛ dɛ̃un, lɛ á nìnbírɔ Zuú ɛ́ fɔ́ɓán à yòó zɔ mí ɓàarɔ́ hũn.