Popular Bible Verses from Bɔ̀werà 4

Паҳн кунед

Ɛ́ hɔ́ fuerɛ ɛ́ yí dɛ̀ yá yí nìnbírɔ dɔ̀ viì, kɛ́ ápe Yiezu mí dòonún viì ɛ́ ɓen bòo mí; iè hɔ̀ lɛ ɛ́ lé dímíɲɛ́ míkùi hũn, ɛ́ Dɔfĩn ɛ́ yí lɛ́ yèrè dɔ̀ kèpe nìnbirìe ǹ, lɛ ɛ́ dɛ̀ ɛ́ lɛ́ ɛ́ ké ɛ́ fuen, kɛ́ ápe Yiezu yèrè ɛ́ ɓen bòo mí.»

Ɛ́ hɔ́ lɛ ɛ́ ɓɛ́ hɛ̃nnɛ Dɔfĩn vɔ́, ɛ́ lé viì lɛ ɛ́ ɓɛ́ koo ɓánlɔ̀n hũn ɛ́ síɛ zɛ̀, ɛ́ ɓɛ́pe ɓɛ́kùi ɛ́ wo tú àá Mɛkɛ̃n-Sãanu, ɛ́ ɓɛ́ khie ɛ́ Dɔfĩn bienù ɛ̀ bie lɛ́ ɓɛ́ nìnbiriè àá tĩhiè.

Ɛ́ kɛ̀a sáalɛ Ɲunsɔ, ɛ́ kɔ́ húi lé hiɛ̀ lɛ ɛ́ ɓɛ́ ɛ́ lɛ̀, ɛ̀ kɔ̀ lɛ́ nɛ kɔ tɔntɛ́riè ɛ́ bie kɔ bienù ɛ̀ lɛ́ ɓɛ́ nìnbiriè ǹ àá tĩhiè.

Àpe Yiezu iè ɔ̀pe lɛ ɛ́ lé Dɔfĩn bienù ɛ́ khɛ́ bòo ɛ́ nɛ làa: “Lè sɛ̃̀nlè lɛ ɛ́ mípe zũteriè ɛ́ lerɛ tɛ́viɛniɛ, Ɛ́ temu bĩniɛ khũ̀a wɔ́ lé sɛ̃̀nlè lɛ bòo hie, lɛ te lepe zũnù ɛ́ zɛ̃nkɛanin.”

Ɛ́ hɔ́ lɛ ɛ́ ɓɛ́ lìe lèriè ɛ́ ɓɛ húi ɛ̀ Piɛre àá Zãn ɛ́ bie kɛ́ ɓɛ́ fɔnù tɛ́rɛ, ɛ́ hɔ́ hɛ̀ yòokɛa peɓɛ̀ lɔ̀n, iè hɔ̀ lɛ ɛ́ ɓɛ́ mɔn kɛ́ ɓɛ́ iè nìnbirìe lɛ yìe ɛ́ yí hán, ɛ̀ ɓɛ̀ lò ɛ́ yí kɛ̀rán wɛ̀. Ɛ́ ɓɛ́ dũnɛ kɛ́ ɓɛ́ hṹn wóò bè Yiezu máahṹ.

Ɓɛ̀pe ńdɛsĩ̀riè lɛ hɛ̀ hàarí buò buò ɓɛ́kùi ɛ́ den hàarí ɛ́ ɲí ɓán cɛ̃̀un. Peɓɛ̀ tĩɛ̀ àá peɓɛ̀ hɛciri ɛ́ hàarí iè dìcóoní. Àdɔ̀ hàarí yáà bie nɛ mí núnú hũn bòo ɛ́ mípe mí dòonún ɛ́ te wɛ̀. Kɛ́ ɓɛ́pe ɓán hũn, ɛ́ hɔ́ bòo lɛ ɛ́ hɔ́rɔ ɛ́ wóo yí míkùi ɛ́ iè bòo lɛ ɛ́ ɓɛ́pe ɓɛ́kùi ɛ́ lɔ̀nin.