Popular Bible Verses from San Marcos 14

Паҳн кунед

Y du'un najty je̱'e̱ Dios mu̶bu̶jktzóy: “Dios Teedy, mu̶u̶d miich ka'p ni tii chípu̶ch: pu̶jku̶gyu̶ch adaa tzaachpyu̶ ayo'on; peru̶ ka'p du'un tyunu̶u̶ jyadu̶u̶ju̶ch neby u̶u̶ch ndzokyu̶ñ, du'un wan tuñyii jadyii neby miich mdzokyu̶ñ.”

Juugy ijtku̶x y mu̶bu̶jktzoogu̶x je̱'e̱ Dios, wan xypyube̱jt xypyudu̶gu̶u̶ygyu̶xu̶ch ka'pu̶ ju̶bu̶ktuum mga'agu̶xu̶ch. Miich ajku̶xy ja'amu̶naangu̶xp je̱'e̱ mjoot du'un ko je̱'e̱ oybyu̶ mdunaangu̶xy, peru̶ amaay je̱'e̱ mni'kx ajku̶xy y ka'p myada'agy.

Janch tu̶y'ajtu̶ñ du'un nnu̶maaygyu̶xy ko wan ma'e̱e̱mbyu̶ch ya naaxwiiñ majaty naty adaa ayuuk tu̶y'ajt yajkapxwa'kxyu̶ñ, je̱'e̱ mu̶dyiibu̶ aanu̶mu̶ ni'idzooku̶ñ ye̱jkpu̶ñ, yajnigápx yajnimu̶dya'agu̶p adaa to'oxyu̶jk nandu'un mu̶dyiibu̶ tu̶ tuñu̶ñ, y du'un yajja'aymyé̱dzu̶ch.

Chi ñu̶maayu̶ ajku̶xy: —Nju̶wu̶u̶ybyu̶ch je̱'e̱ taju̶u̶ mayu̶u̶ ma u̶u̶ch je̱'e̱ njoot nwinma'añ neby o'ogy'aambu̶ju̶ñ. Wu̶'u̶mgu̶x miich yaa, y juugy ijtku̶x.

Cham najty kyaaygyu̶xy, chi je̱'e̱ Jesús tzajkaagy konu̶'ky, y ko je̱'e̱ Dioskujuuyu̶p yejky, chi adugu̶u̶y y mooy je̱'e̱ dyiscípulotu̶jk, nu̶maay ajku̶xy: —Kaaygyu̶x adaa tzajkaagy, u̶u̶ch adaa nni'kx.

Mu̶'it je̱'e̱ u'ugy konu̶'ky, y ko je̱'e̱ Dioskujuuyu̶p yejky, chi je̱'e̱ dyiscípulotu̶jk mooy ajku̶xy, y chi nigu̶xyu̶ uuky ajku̶xy. Chi ñu̶maayu̶ ajku̶xy: —Adaa u̶u̶ch adaa nne'pty, je̱' adaa je̱'e̱ Dios kyapxytyuunu̶ñ mu̶dyiibu̶ je̱'e̱ Dios yejkypyu̶ñ, je̱'e̱ mu̶dyiibu̶ te̱maamb yogaambu̶ñ mu̶u̶d je̱'e̱ mayñaaxwiiñjya'ay gyu̶xpu̶ ajku̶xy.

Chi je̱'e̱ Jesús ñu̶maayu̶ ajku̶xy: —Nigu̶xyu̶ je̱'e̱ mmu̶bu̶jku̶ñ myajtu̶gooydya'awaangu̶xy ma u̶u̶chu̶ñ Du'un je̱'e̱ Dios ñaky myu̶na'añ: ‘Nyaj'o'ogu̶byu̶ch je̱'e̱ borreegu̶ kweentu̶'ajtpu̶, y mu̶'it je̱'e̱ borreegu̶ y'ayo'oyu̶ydyaaygyu̶xu̶ch.’

Pu̶du̶'kku̶x, tzu̶k jaamu̶m ajku̶xy, chi je̱'e̱ myiñ je̱'e̱ mu̶dyiibu̶ u̶u̶ch xykyu̶'u̶ye̱gaamb ma u̶u̶ch je̱'e̱ nmu̶dzipu̶ñ.

Chi je̱'e̱ Jesús y'adzoowu̶: —Janch tu̶y'ajtu̶ñ du'un nnu̶ma'ay, ko cham koodz ka'anu̶ naty je̱'e̱ tzeyñu̶'u̶'aa mu̶me̱jtz'ook yaxu̶'u̶gyñu̶, tu̶ u̶u̶ch miich naty tu̶gu̶u̶g'ook xyñi'ikuyu'tznu̶, ko u̶u̶ch miich ka'p xy'ixy'aty.